agriculture news in Marathi CORONA impact on vegetable Maharashtra | Agrowon

शेतीमाल ताजा, पण चेहरे कोमेजलेले; ‘कोराना’च्या संकटाने शेतकरी हतबल

राजकुमार चौगुले
शनिवार, 21 मार्च 2020

पंधरवड्यापूर्वी काकडीस वीस रुपये किलोपर्यंत दर होता. आता हा पाच ते दहा रुपये इतका मिळत आहे. मुंबईत मागणी नसल्याने दरात निम्म्याहून अधिक घट झाली आहे. स्थानिक ठिकाणी तर याहून कमी दर आहेत.
— अण्णासाहेब कर्वे, नांदणी, ता. शिरोळ, जि. कोल्हापूर

कोल्हापूर : सहा महिन्यांपूवी आलेल्या महापुराने सुबत्ता घालविली, त्यातून सावरण्याचा प्रयत्न करीत असतानाच ‘कोराना’च्या संकटाने दक्षिण महाराष्ट्रातील आता उरली सुरली रयाही जाण्यास प्रारंभ झाला आहे.

दर नसल्याने अस्वस्थ चेहरे, भाजीपाल्याचे चांगले प्लॉट येऊनही त्या पिकांच्या भवितव्याची स्पष्ट चिंता शेतकऱ्यांच्या चेहऱ्यावर दिसून आली. स्थानिक बाजारपेठा बंद, मुंबई, पुण्याच्या बाजारपेठांत दर नसल्याने नीचांकी पातळीवर भाजीपाल्याचे दर गेले आहेत. जिल्ह्यातील भाजीपाल्याचे आगार असलेला शिरोळ तालुका हबकून गेला आहे.

भाजीपाल्याला महिन्यापूर्वी असणारा पंचवीस ते तीस रुपये किलोचा दर आता पाच ते दहा रुपये इतका घसरला आहे. विशेष करून अल्पधभूधारक शेतकऱ्यांची अवस्था बिकट झाली आहे. पाच, दहा किलो भाजीपाला शहरातील बाजारात विकून चरितार्थ चालविणाऱ्या शेतकरी कुटुंबांची अवस्था बिकट बनली आहे. आठवडा बाजार किमान पंधरा दिवस तरी बंद असल्याने आता खायचे काय, अशी अवस्था शेतकऱ्यांची झाली आहे.

ऑगस्टनंतर एक, दोन महिन्यांनी तालुक्‍यातील जिद्दी शेतकऱ्यांनी उसाबरोबरच भाजीपाल्याची लागवड करण्यास प्रारंभ केला. कोबी, फ्लॉवर, ढोबळी मिरची, वांगी आदींबरोबर पालेभाज्या करून महापुरातील नुकसान भरून काढण्याचा प्रयत्न केला. सुदैवाने हवामान चांगले असल्याने भाजीपाल्याचे उत्पादन चांगले निघण्यास प्रारंभ झाला होता. परंतु पंधरवड्यापासून ‘कोरोना’चा पादुर्भाव सुरू झाला आणि गणित बिघडले. जसे मुंबई, पुण्यासारख्या शहरांवर निर्बंध येऊ लागले, तसे जिल्ह्यातील अर्थकारण बिघडू लागले. 

मोठ्या बाजारपेठांत लोक बाहेर पडत नसल्याने भाजीपाला शिल्लक राहू लागला. त्याचा परिणाम दरावर झाला. हे पाहून तालुक्‍यातील शेतकऱ्यांनी स्थानिक भागात जादा प्रमाणात भाजीपाला पाठविण्यास प्रारंभ केला. यामुळे या बाजारातही दर स्थिर राहू शकले नाहीत. आठ दिवसांपासून मात्र आठवडे बाजारही सक्तीने बंद होत असल्याने आता निघणारा भाजीपाला पाठवायचा कोठे, या चिंतेत शेतकरी आहेत. 

प्रत्येक गावात दहा, वीस किलोची पाटी समोर ठेवून भाजीपाला विकत बसलेले चिंतातूर चेहरे परिस्थिती स्पष्ट करीत आहेत. उत्पादन खर्चही निघत नसल्याने आता करायचे काय, असा प्रश्‍नही उपस्थित होऊ लागला आहे. आणखी काही दिवसांत दर न लागल्यास सोन्यासारख्या पिकावर नांगर फिरवल्याशिवाय पर्याय नसल्याची हतबलता शेतकऱ्यांनी व्यक्त केली.

संसाराचा आर्थिक गाडा थांबणार
शिरोळ तालुक्‍यात सुमारे तीनशे टन शेतीमाल स्थानिक बाजारपेठेत, तर दोनशे टन शेतीमाल मुंबई, पुण्याच्या बाजारपेठेत जातो. मुंबई पुण्याकडे शेतीमाल जात असला, तरी दर घसरल्याने हातात नाममात्र रक्कम येत आहे. तर स्थानिक आठवडी बाजार, सौदे बंद असल्याने दररोजच्या तीनशे टन शेतीमालाचे भवितव्य अधांतरी आहे. याचा मोठा परिणाम अल्पभूधारक शेतकऱ्यांच्या संसारावर अर्थकारणावर येत्या काही दिवसांत होणार आहे. 

प्रतिक्रिया
मी उसाबरोबर इतर भाजीपाला पिकेही घेत असतो. महिन्यापूर्वी दोडका सुरू झाला. त्या वेळी किलोला ३० दर होता. आता दहा रुपये मिळणेही मुष्कील झाले आहे. स्थानिक बाजारपेठ बंद झाल्याने अनेक अल्पभूधारक शेतकऱ्यांना याचा मोठा फटका बसला आहे. घातलेला खर्चही कसा काढायचा या चिंतेत आहे.
— सागर संभूशेटे, नांदणी, ता. शिरोळ, जि. कोल्हापूर

 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...