Agriculture news in marathi Corona on Implement the program suggested by Dr. Singh: Ashok Chavan | Page 2 ||| Agrowon

कोरोनाबाबत डाॅ. सिंग यांनी सूचवलेला कार्यक्रम राबवा ः अशोक चव्हाण

टीम अॅग्रोवन
मंगळवार, 20 एप्रिल 2021

डॉ. मनमोहन सिंग यांनी पंतप्रधान नरेंद्र मोदी यांना पत्र लिहून सूचवलेला पाच कलमी कार्यक्रम योग्य असून, त्यानुसार केंद्र सरकारने तातडीने पावले उचलावीत, अशी मागणी राज्याचे सार्वजनिक बांधकाम मंत्री अशोक चव्हाण यांनी केली आहे. 

नांदेड : कोरोनाविरूद्ध लढण्यासाठी माजी पंतप्रधान डॉ. मनमोहन सिंग यांनी पंतप्रधान नरेंद्र मोदी यांना पत्र लिहून सूचवलेला पाच कलमी कार्यक्रम योग्य असून, त्यानुसार केंद्र सरकारने तातडीने पावले उचलावीत, अशी मागणी राज्याचे सार्वजनिक बांधकाम मंत्री अशोक चव्हाण यांनी केली आहे. 

डॉ. मनमोहन सिंग यांच्या पत्राविषयी प्रतिक्रिया व्यक्त करताना चव्हाण म्हणाले की, केंद्र सरकारने लसीकरणासाठी पुढील सहा महिन्यांत किती लसींची मागणी नोंदवली आहे व या लसी राज्यांना पारदर्शी पद्धतीने कशा वितरित करणार, याबाबतची माहिती द्यावी, असे माजी पंतप्रधानांनी आपल्या पत्रात नमूद केलेले आहे. त्यांची ही भूमिका रास्त असून, ही माहिती अगोदरच मिळाली तर संबंधित राज्यांना आवश्यक ते नियोजन आधीच करून ठेवणे शक्य होऊ शकेल. महाराष्ट्राने दिवसाला ६ लाख लसी देण्याची यंत्रणा उभी केलेली आहे. त्याहून अधिक लसी मिळणार असतील तर जादा व्यवस्था उभारता येईल. त्यामुळे या मुद्यावर केंद्राने राज्यांशी अधिकाधिक समन्वय ठेवणे आवश्यक आहे. 'फ्रंटलाईन वर्कर्स'चे निकष ठरविण्याचे अधिकार राज्यांना असावेत, या डॉ. मनमोहन सिंग यांच्या सूचनेचेही अशोक चव्हाण यांनी स्वागत केले. 

याबाबत ते म्हणाले की, लसीकरणात प्राधान्यक्रम कोणाला द्यायचा हे राज्यांना ठरवू दिले पाहिजे. राज्यनिहाय कोरोनाची परिस्थिती वेगवेगळी आहे. महाराष्ट्रासारख्या कोरोनाबाधितांची संख्या जास्त असलेल्या राज्यांना ४५ वर्षांपेक्षा कमी वयाच्या नागरिकांचे लसीकरण करायचे असेल तर त्यांना तशी सूट देणे कोरोना रोखण्यासाठी प्रभावी ठरू शकेल. भारतीय लस उत्पादकांना आपली उत्पादन क्षमता अधिक वाढवण्यासाठी सवलती देण्याची माजी पंतप्रधानांची मागणी संयुक्तिक आहे. आज भारताची ओळख लस उत्पादक देश म्हणून आहे. कोरोनासारख्या जागतिक महामारीच्या काळात भारताला आंतरराष्ट्रीय पातळीवर अधिक मोठी भूमिका बजावण्याची संधी असून, त्याचा केंद्र सरकारने अधिकाधिक उपयोग करून घेतला पाहिजे, असे चव्हाण पुढे म्हणाले. 

'युरोपियन मेडिकल एजन्सी' किंवा 'यूएसएफडीए'ने मान्यता दिलेल्या कोणत्याही लसीला भारतात विनाचाचणी मंजुरी देण्याच्या डॉ. मनमोहन सिंग यांच्या भूमिकेचे अशोक चव्हाण यांनी समर्थन केले. ते म्हणाले की, कोरोना प्रतिबंधक लसींच्या भारतीय उत्पादकांची मर्यादा लक्षात घेता केंद्राने हे धोरण स्वीकारणे आवश्यक आहे. यामुळे भारतात अधिकाधिक लसी उपलब्ध होतील. त्यातून लसीकरणाचा वेग वाढेल व कोरोनाला रोखण्यात मदत मिळू शकेल. 


इतर बातम्या
भुईमूग पिवळा पडला; शेंग धारणाही कमीयवतमाळ : जिल्ह्यात यंदा सोयाबीननंतर उन्हाळी...
नागपुरात पावणेपाच लाख हेक्‍टरवर...नागपूर :  जिल्ह्यात यंदाच्या खरिपासाठी १ लाख...
वाकुर्डे उपसा सिंचन योजनेचे आवर्तन सुरूसांगली : शिराळा तालुक्यातील चांदोली धरणातून...
कोरोनाग्रस्त शेतकऱ्यांच्या मदतीला धावले...लांजा, जि. रत्नागिरी : कोरोनाची लागण झाल्याने...
कादवा कारखान्याकडून पाच लाख क्विंटल...नाशिक : दिंडोरी तालुक्यातील कादवा सहकारी साखर...
बुलडाणा जिल्ह्यात दहा दिवस बाजार...बुलडाणा : जिल्ह्यातील वाढती कोरोना बाधितांची...
एक लाख हेक्टरवर फळबागांचे उद्दिष्ट पुणे ः कोविड १९ च्या साथीची स्थिती राज्यभर असली...
‘महाडीबीटी’त आता बियाण्यांचाही समावेश पुणे : राज्य शासनाने महाडीबीटी पोर्टलमध्ये आता...
पूर्वमोसमीचा प्रभाव कमी होणार पुणे ः मध्य प्रदेशचा आग्नेय भाग आणि परिसरात ते...
तुरळक ठिकाणी पावसाच्या हलक्या सरी पुणे : राज्यातील काही भागांत पूर्वमोसमी पावसाचा...
हापूसच्या ४० हजार पेट्या थेट...रत्नागिरी ः उत्पादक शेतकरी ते थेट ग्राहक ही साखळी...
कडधान्य उत्पादनात ६५ टक्के वाढ पुणे ः देशातील कडधान्य उत्पादनात २००७-०८ पासून...
‘माझा डॉक्टर’  बनून मैदानात उतरामुंबई  : राज्याच्या कोरोना टास्क फोर्समधील...
जागतिक तापमानवाढीमुळे आशियातील पर्वतीय...हवामान बदलामध्ये बर्फ वितळण्याच्या प्रक्रियेमुळे...
ग्रामपंचायतीच्या १६ सदस्यांवर  कारवाईची...अमरावती : चांदूर बाजार तालुक्यात ८१४ पैकी २८२...
विदर्भात आज घेतला जाणार खरीप हंगामाचा...नागपूर : विभागीय कृषी सहसंचालक, जिल्हा अधीक्षक...
माझा जीव, माझी जबाबदारी : राधाकृष्ण...नगर  : ‘‘महाविकास आघाडी सरकारच्या घोषणा आणि...
मांडाळखळी येथील शेतकऱ्यांनी  घेतले ओवा...परभणी ः येथील कृषी विज्ञान केंद्रातर्फे नवीन...
कोरोना संसर्गाच्या लाटेतही बदल्यांची...नगर : जिल्हा परिषदेतील विविध संवर्गातील बदल्यांची...
नगर जिल्ह्यात आंबा  विक्रीच्या अडचणींत...नगर ः आंबा विक्रीचा सीझन सुरू आहे. मात्र कोरोना...