नांदेडमध्ये ‘पणन’कडून कापसाची २६ हजार क्विंटल खरेदी

नांदेड : महाराष्ट्र राज्य सहकारी कापूस उत्पादक पणन महासंघाकडून कॉटन कॉर्पोरेशन ऑफ इंडियासाठी (सीसीआय) कापूस खरेदी होत आहे.
Cotton from ‘Panan’ in Nanded Purchase of 26,000 quintals
Cotton from ‘Panan’ in Nanded Purchase of 26,000 quintals

नांदेड : महाराष्ट्र राज्य सहकारी कापूस उत्पादक पणन महासंघाकडून कॉटन कॉर्पोरेशन ऑफ इंडियासाठी (सीसीआय) कापूस खरेदी होत आहे. जिल्ह्यात पणनकडून भोकर व तामसा (ता. हदगाव) या दोन खरेदी केंद्रांवर चार कॉटन मिलवर सध्या २६ हजार ६१ क्विंटल खरेदी झाली, अशी माहिती पणनच्या विभागीय कार्यालयाकडून मिळाली.

जिल्ह्यात सध्या ‘सीसीआय’साठी दोन यंत्रणांकडून कापूस खरेदी सुरु आहे. यात महाराष्ट्र राज्य सहकारी कापूस उत्पादक पणन महासंघाकडून भोकर येथील मंजित कॉटन व व्यंकटेश्वरा जिनींग या दोन ठिकाणी खरेदी सुरु आहे. या ठिकाणी २१ हजार ७११ क्विंटल कापसाची खरेदी झाली. तर, तामसा (ता. हदगाव) येथील बालाजी कॉटनस्पीन व नटराज कॉटन प्रायवेट लिमिटेड या दोन ठिकाणी चार हजार ३५० क्विंटल अशा एकूण २६ हजार ६१ क्विंटल कापसाची खरेदी झाली. 

खरेदी केंद्रांवर केंद्र शासनाच्या किमान हमी दरानुसार खरेदी होत आहे. या ठिकाणी कोणत्याही प्रकारची कटी घेतली जात नाही. नियमानुसार आद्रता तपासली जात असल्याची माहिती मिळाली.

दरम्यान, नांदेड कृषी उत्पन्न बाजार समितीकडून दाभड व कलदगाव (ता. अर्धापूर) व तसेच नायगाव येथे खरेदी सुरु आहे. या दोन केंद्रांवर १३ हजार ३३२ क्विंटल कपाशीची खरेदी झाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com