हिंगोली जिल्ह्यात आजपासून कापूस खरेदी सुरू 

हिंगोली ः हिंगोली जिल्ह्यात सोमवार (ता. २०) पासून राज्य सहकारी कापूस उत्पादक पणन महासंघ (फेडरेशन) आणि भारतीय कापूस महामंडळ (सीसीआय) तर्फे कापूस खरेदी सुरू केली जाणार आहे. 

हिंगोली येथील खुराणा जिनिंग येथे राज्य सहकारी कापूस उत्पादक महासंघातर्फे कापूस खरेदी केली जाईल. सीसीआयतर्फे हयातनगर (ता. वसमत) येथील पूर्णा ग्लोबल जिनिंग येथे आणि जवळा बाजार (ता. औॅढा नागनाथ) येथील लाहोटी जिनिंगमध्ये कापूस खरेदी केली जाईल. कापूस विक्री करण्यास इच्छुक शेतकऱ्यांनी कृषी उत्पन्न बाजार समितीकडे नोंदणी करणे आवश्यक आहे.