agriculture news in Marathi cotton crop in kharip and wheat in rabbi will be good Maharashtra | Page 2 ||| Agrowon

खरिपात यंदा कपाशी, रब्बीत गहू चांगले पीक :  भेंडवळचा अंदाज

टीम अॅग्रोवन
रविवार, 16 मे 2021

या हंगामात सर्वसाधारण पाऊसमान राहणार असून, खरिपात कपाशी, तर रब्बीत गव्हाचे पीक चांगले येईल.

भेंडवळ, जि. बुलडाणा ः या हंगामात सर्वसाधारण पाऊसमान राहणार असून, खरिपात कपाशी, तर रब्बीत गव्हाचे पीक चांगले येईल. अवकाळी पावसाचे प्रमाण कमी असेल तर रोगराईचे वर्ष असून देशासमोर आर्थिक अडचणी वाढलेल्या असतील, असा अंदाज अक्षय तृतीयेच्या मुहूर्तावर मागील साडेतीनशे वर्षांपेक्षा अधिक काळापासून होत असलेल्या भेंडवळच्या घटमांडणीद्वारे शनिवारी (ता. १५) वर्तविण्यात आले. 

मागील वर्षीपासून कोरोनामुळे ही मांडणी मोजक्याच लोकांच्या उपस्थितीत केली जात आहे. भेंडवळ येथील चंद्रभान महाराज वाघ यांचे सध्याचे वंशज पुंजाजी वाघ, गजानन वाघ यांच्यासह सारंगधर महाराज वाघ व इतरांनी अक्षय तृतीयेला सायंकाळी भेंडवळ येथे घट मांडणी केली आणि शनिवारी सकाळी सूर्योदयापूर्वी घटमांडणीचे निरीक्षण करीत अंदाज वर्तविले. 

दरवर्षी या मांडणीच्या ठिकाणी अंदाज ऐकण्यासाठी हजारोंची गर्दी होत असते. गेल्या वर्षीपासून कोरोनामुळे येथे गर्दी करण्यास मज्जाव करण्यात आला. यंदाही संचारबंदी लागू केलेली असल्याने पाच जणांच्या उपस्थितीत मांडणीचे अंदाज वर्तविण्यात आले. या घटमांडणी अंदाजांच्या आधारे आजही अनेक शेतकरी खरीप व रब्बी हंगामाचे नियोजन करीत असतात. 

यंदा जूनमध्ये साधारण स्वरूपाचा पाऊस असून जुलैत जोरदार असेल. त्यानंतर ऑगस्टमध्ये पाऊस जुलैच्या तुलनेत कमी होईल. सप्टेंबरमध्ये हे प्रमाण आणखी कमी होत जाईल. जूनमध्ये सार्वत्रिक पाऊस होण्याची चिन्हे नसल्याने पेरण्यासुद्धा मागे-पुढे होऊ शकतात. यंदा अवकाळी पावसाचे प्रमाण कमी असून चारा व पाणीटंचाईची शक्यता काही भागांत भेडसावू शकते. 

पीकपरिस्थितीबाबत व्यक्त केलेल्या अंदाजानुसार खरिपात कपाशी, ज्वारीचे पीक चांगले दर्शविले आहे. मूग, उडीद साधारण येईल. तुरीचे पीकही साधारण आहे. तिळाचे पीक चांगले असेल. रब्बी हंगामात गव्हाचे पीक चांगले येईल. हरभऱ्याचे पीक साधारण येणार असले, तरी हरभऱ्याचे दर वाढलेले राहू शकतात. इतर पिके कमी-अधिक प्रमाणात साधारण स्वरूपाची होतील, असे सांगण्यात आले. 

रोगराई कायम 
सध्याच्या काळात सर्वत्र रोगराई पसरलेली आहे. रोगराईचे प्रमाण आगामी वर्षातही काही प्रमाणात कायम राहील. यामुळे आर्थिक अडचणी आणखी वाढतील. देशासमोर आर्थिक अडचणी वाढणार आहेत. देशाचा राजा म्हणजेच पंतप्रधान कायम असेल, परंतु त्याच्या भोवतीची संकटे वाढलेली असतील. 

महिनानिहाय पाऊस 
जून ः
साधारण 
जुलै ः जोरदार 
ऑगस्ट ः साधारण 
सप्टेंबर ः सर्वसाधारण 
अवकाळी ः प्रमाण कमी 
 


इतर बातम्या
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...