Agriculture news in Marathi Cotton cultivation in North India is nearing completion | Page 2 ||| Agrowon

उत्तर भारतातील कापूस लागवड पूर्णत्वाकडे

टीम अॅग्रोवन
गुरुवार, 13 मे 2021

देशात उत्तर भारतातील कापूस लागवडीने वेग घेतला आहे. तेथील पूर्वहंगामी लागवड पुढील ८ ते १० दिवसांत पूर्ण होईल. देशात कापसाखालील क्षेत्रात यंदा किंचित वाढ होऊन क्षेत्र १३० लाख हेक्टरपर्यंत जाऊ शकते.

जळगाव ः देशात उत्तर भारतातील कापूस लागवडीने वेग घेतला आहे. तेथील पूर्वहंगामी लागवड पुढील ८ ते १० दिवसांत पूर्ण होईल. देशात कापसाखालील क्षेत्रात यंदा किंचित वाढ होऊन क्षेत्र १३० लाख हेक्टरपर्यंत जाऊ शकते. तसेच पिकासाठी सर्व बाबी अनुकूल राहिल्या, तर उत्पादनदेखील २०२०-२१ च्या तुलनेत ३० ते ३५ लाख गाठींनी वाढून ३७५ ते ३८० लाख गाठींपर्यंत पोहोचू शकते.

उत्तर भारतात २०२०-२१ मध्ये सुमारे १४ लाख हेक्टरवर कापूस लागवड झाली होती. यंदाही एवढीच लागवड या भागात होऊ शकते. या भागात कापसाखालील ९५ टक्के क्षेत्र ओलिताखाली असते. लागवड एप्रिलमध्येच या भागात सुरू झाली आहे. पूर्वहंगामी लागवड लवकरच पूर्ण होईल. उत्तर भारतात तेलबिया पिकांखालील क्षेत्रही वाढणार आहे. यामुळे कापसाखालील क्षेत्र या भागात वाढणार नाही. पण क्षेत्र स्थिर राहू शकते.

यंदा गुजरातेत क्षेत्र काहीसे वाढू शकते. तसेच महाराष्ट्र, तेलंगणातही क्षेत्र स्थिर राहील. कारण महाराष्ट्र, तेलंगणात कापूस पिकाला पर्यायी पीक नाही. तसेच कापसाला महाराष्ट्रात सरासरी प्रतिक्विंटल पाच हजार रुपये दर मिळाला. दर स्थिर राहिले. शासनानेदेखील खरेदीला वेग दिला. देशात गेले दोन वर्षे कापूस उत्पादन ३५० लाख गाठींवर गेलेले नाही. कापूस लागवड २०२०-२१ मध्ये देशात १२९ लाख हेक्टरवर झाली. २०१९-२० मध्ये कापूस लागवड १२५ लाख हेक्टर एवढी होती. लागवड वाढली, यामुळे उत्पादन वाढेल. २०२०-२१ मध्ये देशात कापसाचे उत्पादन ३८० लाख गाठींवर जाईल, असा अंदाज विविध संस्थांनी व्यक्त केला होता. परंतु उत्पादन सुमारे ३३० लाख गाठी एवढेच हाती येईल, अशी स्थिती आहे.

देशात उत्तर भारतात कापसाचे उत्पादनही स्थिर राहील. कारण त्या भागात सिंचनाची सुविधा आहे. परंतु देशात इतर भागांत उत्पादन वाढीसंबंधी साशंकता आहे. कारण महाराष्ट्र, तेलंगण, कर्नाटक, गुजरातमधील कापसाखालील मोठे क्षेत्र कोरडवाहू असते. राज्यात कापसाची सुमारे ४३ ते ४३ लाख ६० हजार हेक्टरवर लागवड अपेक्षित आहे. परंतु महाराष्ट्रात कापसाखालील फक्त पाच टक्के क्षेत्रालाच सिंचनाची सुविधा आहे. उर्वरित क्षेत्र कोरडवाहू असणार आहे. तेलंगणातही कापूस पिकाला सिंचनाची सुविधा फारशी नाही. यामुळे या दोन्ही राज्यांमध्ये पावसाच्या भरवशावरच कापूस पीक अवलंबून असणार आहे.

पावसाचा लहरीपणा, अतिपाऊस, गुलाबी बोंड अळीची समस्या आली तर तेलंगण, महाराष्ट्रातील कापूस पिकाला मोठा फटका बसतो. यामुळे नव्या म्हणजेच २०२१-२२ च्या हंगामात कापूस उत्पादन वाढीचा अंदाज पिकाला सर्व बाबी अनुकूल राहिल्या तरच खरा ठरणार आहे, अशी माहिती मिळाली.  

उत्तर भारतात कापसाखालील क्षेत्र फारसे वाढणार नाही. पण क्षेत्र स्थिर राहील. देशात महाराष्ट्र, तेलंगणात कापसाखालील कमाल क्षेत्र कोरडवाहू असते. या भागातील पाऊस व इतर बाबी कशा राहतील, यावर उत्पादनाचा अंदाज आहे. परंतु तूर्त तरी देशात कापूस लागवड किंचित वाढेल व उत्पादन अधिक येईल, असे सांगितले जात आहे.
- महेश सारडा, अध्यक्ष, नॉर्थ इंडिया कॉटन असोसिएशन (हरियाना)

 


इतर ताज्या घडामोडी
शाश्‍वत कापूस उत्पादन तंत्रज्ञान अवगत...अकोला ः कापूस हे विदर्भातील प्रमुख पीक आहे. या...
अकोल्यात ५५ हजार हेक्टरला तडाखाअकोला ः गेल्या आठवड्यात जिल्ह्यात ५२ पैकी ३५...
रत्नागिरीत हजार हेक्टर भातक्षेत्र...रत्नागिरी : अतिवृष्टीमुळे मोठ्या नद्यांना आलेल्या...
सांगलीत ३३ हजार हेक्टर पिकांचे नुकसानसांगली : जिल्ह्यात गेल्या चार-पाच दिवसांपासून...
खानदेशात पंधरा हजार हेक्टर बाजरीची...जळगाव : खानदेशात यंदा पाऊस लांबल्याने आणि...
नाशिक बाजार समितीच्या कर्मचाऱ्यांचे...नाशिक : नाशिक बाजार समितीसंदर्भात शासनाकडे...
खानदेशात हलक्या सरी; जोरदार पावसाचा अभावजळगाव : खानदेशात यंदा पाऊसमान अद्याप कमी आहे....
नांदेड जिल्ह्यात पीकविमा योजनेत नऊ लाख...नांदेड : पंतप्रधान पीक विमा योजनेत शेतकऱ्यांनी...
मराठवाड्यातील पशुविज्ञान केंद्राचे घोडे...परभणी ः भारतीय कृषी संशोधन परिषदेने महाराष्ट्र...
परभणी जिल्ह्यात भाजीपाला पिकांची नासाडीपरभणी ः अतिवृष्टीमुळे जिल्ह्यातील शेकडो एकरवरील...
पैसे थकवणाऱ्या व्यापाऱ्यांचे लिलाव बंद...सोलापूर ः शेतकऱ्यांच्या शेतमालाच्या पट्ट्या...
पुण्यात लाख हेक्टरवर खरिपाच्या पेरण्या पुणे : जिल्ह्यात जुलै महिन्याच्या तिसऱ्या...
पीकविम्यासाठी स्वाभिमानीचा कृषी...पुणे : पीकविमा योजनेतील गेल्या खरिपाची नुकसान...
नगरमध्ये खरीप पेरण्यांनी सरासरी ओलांडली नगर : नगर जिल्ह्यात खरिपाच्या पेरण्यांनी सरासरी...
`लातूरला शेतकऱ्यांनी भरला २३ कोटीचा...लातूर : ‘‘पंतप्रधान खरीप पीक विमा २०२१...
नियमित कर्जदार शेतकऱ्यांना  मिळणार...गोंदिया : राज्य सरकारने नियमित कर्ज परतफेड...
सातारा : पाच हजार हेक्टर क्षेत्र ...सातारा : जिल्ह्यात मागील आठवड्यात झालेल्या...
सांगलीतील पूर ओसरू लागला  सांगली : कृष्णा नदीला आलेल्या महापुराचा सांगली...
सिंधुदुर्गमध्ये नुकसानीचे पंचनामे सुरू सिंधुदुर्गनगरी : जिल्ह्यात अतिवृष्टीने झालेल्या...
पुराचा वारंवार फटका बसणाऱ्या घरांच्या...सांगली : ज्या भागातील घरांना आणि रहिवाशांना...