Agriculture News in Marathi Cotton field buyers Recovery of Rs 1.5 lakh from traders | Page 4 ||| Agrowon

कापूस खेडा खरेदी करणाऱ्या  व्यापाऱ्यांकडून दीड लाखाची वसुली 

टीम अॅग्रोवन
रविवार, 28 नोव्हेंबर 2021

खेडा खरेदीच्या माध्यमातून शेतकऱ्यांना वजनात लुटण्यासोबतच बाजार समितीचा सेस व शासनाचा महसूल बुडविणाऱ्या व्यापाऱ्यांविरोधात शेगाव बाजार समितीने धडक मोहीम उघडली आहे.

बुलडाणा ः खेडा खरेदीच्या माध्यमातून शेतकऱ्यांना वजनात लुटण्यासोबतच बाजार समितीचा सेस व शासनाचा महसूल बुडविणाऱ्या व्यापाऱ्यांविरोधात शेगाव बाजार समितीने धडक मोहीम उघडली आहे. एका आठवडाभरात तब्बल १६ व्यापाऱ्यांवर कारवाई करून त्यांच्याकडून १ लाख २० हजार रुपयांचा सेस वसूल करण्यात आल्याची माहिती बाजार समितीच्या सूत्रांनी दिली आहे. 

विदर्भातील बुलडाणा जिल्ह्यात कापूस प्रमुख पिकांपैकी एक आहे. शेगाव तालुक्यातील कापसाचे मोठे क्षेत्र राहते. या तालुक्यात ७३ गावे बाजार समिती कार्यक्षेत्रात येतात. तालुक्यातून बाजार समितीत रोजची कापसाची आवक सरासरी ३ हजार क्विंटलची राहते. गेल्या हंगामात पणन महासंघाकडून हमीभाव योजने अंतर्गत कापूस खरेदी करण्यात आलेली होती. त्यानुसार शेगाव शासकीय कापूस खरेदी केंद्रावर व परवाना धारक खासगी जिनिंग प्रेसिंग फॅक्टरीमध्ये बाजार समितीत ५५ हजार क्विंटलपर्यंत कापसाची खरेदी गेल्या हंगामात झाली होती. 

या वर्षी कापसाचे दर तेजीत असल्याने बाजार समितीऐवजी खेडा खरेदीच्या माध्यमातून व्यापारी कापसाची उचल करीत आहेत. त्यामुळे बाजार समितीचा व शासनाचा महसूल बुडत असल्याने बाजार समिती व्यवस्थापनाने या विरोधात कारवाईचा निर्णय घेतला. त्या अंतर्गत कोणताही परवाना नसताना बाजार समितीच्या कार्यक्षेत्रात कापसाची खरेदी करणाऱ्या शेगाव कार्यक्षेत्रातील व कार्यक्षेत्रा बाहेरील सुमारे १६ व्यापाऱ्यांवर कारवाई करून १ लाख २० हजार रुपयांचा बाजार शुल्क, देखरेख शुल्क, असा सेस वसूल करण्यात आला.

शेगाव बाजार समितीमध्ये कापसावर सुमारे प्रती शेकडा १ रुपया ५ पैसे कर आकारला जातो. हा महसूल बुडतो त्यासोबतच खेडा खरेदीत शेतकऱ्यांची फसवणूक होण्याची शक्यता देखील अधिक राहते. परिणामी बाजार समितीने उचललेल्या या पावलामुळे परिसरातील व्यापाऱ्यांमध्ये धडकी भरली आहे. 

प्रतिक्रिया 
बाजार कायदा, नियमांनुसार स्थानिक प्राधिकरणाच्या मदतीने समितीचा कर बुडविणाऱ्या व्यापाऱ्यांकडून समितीला तीन पट दंड आकारून सेस वसूल करण्याचा अधिकार आहे. खेडा खरेदीतून शेतीमाल घेणाऱ्या व्यापाऱ्यांचा वजन काटा तपासला जातो. या माध्यमातूनही शेतकऱ्यांच्या लुटीचे प्रकार घडण्याची शक्यता असते. त्यासोबतच त्यांच्याकडे खरेदीचा अधिकृत परवाना आहे किंवा नाही हे देखील तपासले जाते. परवाना नसलेल्या १५ ते १६ व्यापाऱ्यांवर एका आठवड्याभरात कारवाई करण्यात आली असून, त्या माध्यमातून १ लाख २० हजार रुपयांच्या बाजार फी व देखरेख सेसची वसुली बाजार समितीचे भरारी पथकामार्फत करण्यात आली आहे. 
-विलास पुंडकर, सचिव, कृषी उत्पन्न बाजार समिती, शेगाव 
 


इतर बातम्या
सोलापूर जिल्हा दूध संघाच्या निवडणुकीची...सोलापूर ः सोलापूर जिल्हा सहकारी दूध उत्पादक...
वीज प्रश्नांवर मार्ग काढू : भुजबळनाशिक : ‘‘शेतकऱ्यांचे प्रश्न सोडविण्यासाठी...
तूर डाळ शंभरी गाठणार नागपूर ः खरीप पिकांना अवेळी आलेल्या पावसाचा फटका...
पाच जिल्ह्यांत १४ लाख हेक्‍टरवर रब्बीची...लातूर : विभागातील लातूर, उस्मानाबाद, परभणी,...
जळगाव, अमळनेर, चोपडा बाजारात मक्याचे दर...जळगाव ः  जिल्ह्यातील जळगाव, चोपडा व...
बीटी वांगी लागवडीसाठी १७...पुणे ः जनुकीय परावर्तित (जीएम) बियाणे बंदी...
मनमाडमध्ये वाढत्या थंडीमुळे दूध...मनमाड, ता. नांदगाव : गेल्या काही दिवसांपासून...
सोलापूर जिल्ह्यात पीककर्जाची मर्यादा...सोलापूर ः शेतीचे अपेक्षित उत्पन्न आणि हवामानाचा...
जळगावात ‘वाळू माफियाराज’जळगाव ः जिल्ह्यात विशेषतः जळगाव तालुक्यातील सर्वच...
जळगाव जिल्ह्यात ओल्या दुष्काळाच्या...जळगाव ः  अतिवृष्टीमुळे अनेक शेतकऱ्यांचे...
दुधाला भाव व बाजारपेठ मिळवून देणार :...वर्धा : ग्रामीण भागातील आर्थिक व्यवस्था ही...
कोल्हापूर : ‘एफआरपी’चा वाढीव रक्कम न...कोल्हापूर : गेल्या हंगामात तोडणी वाहतूक खर्च कमी...
अकोलाः करपा रोगाचा केळीला फटका पणज, जि. अकोलाः जिल्ह्यात पणज, बोचरा, शहापूर,...
नागपूर : महाज्योतीमार्फत करडईचे ५०...नागपूर : ‘‘महाज्योतीच्या माध्यमातून ओबीसी...
खतांचे वाढीव दर कमी करा मुंबई : अनुदान मिळणाऱ्या खत पुरवठादारांनी...
भारताच्या फिर्यादीस ऑस्ट्रेलियाकडून...देशांतर्गत ऊस आणि साखर उत्पादकांना करण्यात...
हवामानशास्त्र विभागाचा अंदाज, पारा...  पुणे - दक्षिण कोकणावर गेल्या तीन...
भारतातून सोयापेंड निर्यात घसरली, जाणून...१) दक्षिण कोकणावर गेल्या तीन ते चार दिवसांपासून...
साखर निर्यात जोरात ?जानेवारी २०२२ अखेरपर्यंत आणखी ७ लाख टन साखरेची...
पीकविम्यासाठी रविकांत तुपकरांचे मुंडन...बुलडाणा - जिल्ह्यातील अनेक शेतकऱ्यांना रिलायन्स...