agriculture news in Marathi cotton fire agitation of Shetkari sanghtna Maharashtra | Agrowon

राज्यभरात शेतकरी संघटनेचे ‘मूठभर कापूस जाळा’ आंदोलन 

टीम अॅग्रोवन
शनिवार, 23 मे 2020

मागण्यांसाठी राज्यभरात शेतकरी संघटनेतर्फे शुक्रवारी (ता.२२) कापूस जाळा आंदोलन करण्यात आले. 

पुणेः कापसाची सरसकट व १०० टक्के खरेदी करावी, नॉन एफएक्‍यू (कमी दर्जा) कापसाला खरेदी केंद्रात नाकारू नये, मध्यम व आखुड धाग्याच्या कापसाची खरेदी सुरु करावी व सरकारकडे यंत्रणा अपुरी असल्यास , भावांतर योजना सुरु करावी, कांद्याचीदेखील नाफेड व इतर संस्थांनी सरसकट खरेदी करावी, या मागण्यांसाठी राज्यभरात शेतकरी संघटनेतर्फे शुक्रवारी (ता.२२) कापूस जाळा आंदोलन करण्यात आले. 

कापुस खरेदी बाबत होत असलेली दिरंगाई व कांदा उत्पादक शेतकऱ्यांच्या प्रश्नाकडे लक्ष वेधण्यासाठी व शासनाचा निषेध करण्यासाठी शेतकरी संघटनेने राज्यभरात मूठभर कापूस जाळून आंदोलन केले. सरकारने खरेदी केंद्र वाढवून जलद गतीने कापूस खरेदी करावा. तसेच सीसीआयला लांब, मध्यम व आखूड धाग्याचा कापूस खरेदी करण्याचा आदेश द्यावा.

जर सरकार कापूस खरेदी करू शकत नसेल तर भावांतर योजनेअंतर्गत शेतकऱ्यांच्या खात्यात पैसे जमा करावे. तसेच कांदा उत्पादक शेतकऱ्यांचा कांदा नाफेडमार्फत शासनाने दोन हजार रुपये किंटलने खरेदी करावा. या मागण्यांसाठी, कांदा व कापसाची कोंडी फोडण्यासाठी शेतकरी संघटनेने आंदोलन केले. 

यावेळी शेतकरी संघटनेच्या कार्यकर्त्यांनी सर्वच जिल्ह्यांमध्ये आंदोलन केले. मराठवाड्यात औरंगाबाद, खादगांव (ता.पैठण), परभणी जिल्ह्यात संबर (ता.परभणी), कोक, मारवाडी (ता.जिंतूर), ढेंगळी पिंपळगाव, धनेगाव, कान्हड (ता.सेलू), मानोली (ता.मानवत), थडी उक्कडगाव, थडी पिंपळगाव, वाडी पिंपळगाव, कोथाळा, नरवाडी, वडगाव, सोनपेठ(ता.सोनपेठ) आदीसह पाथरी, पूर्णा तालुक्यासह जिल्ह्यातील अनेक गावांमध्ये मूठभर कापूस जाळो आंदोलन करण्यात आले. 

अकोला येथे स्थानिक पदाधिकाऱ्यांनी शासनाच्या नियमांचे पालन करीत सीसीआयच्या कार्यालयासमोर कापूस जाळला. धुळे जिल्ह्यातील साक्री तालुक्‍यात शेणपूर, प्रतापपूर, छाईल, शिरवाडे, देगावे आदी गावांमध्ये आंदोलन झाले. जळगाव जिल्ह्यात बोदवड येथे कापूस जाळा आंदोलन करण्यात आले. 


इतर अॅग्रो विशेष
देशात यंदा सर्वसाधारण मॉन्सून; १०२...नवी दिल्ली : देशात यंदा सर्वसामान्य मॉन्सून आणि...
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
आठवडाभरापासून टोळधाड विदर्भातचनागपूर   ः गेल्या आठवडाभरापासून...
परभणीतील खरेदी केंद्रावर कापूस विक्रीत...परभणी  ः राज्य सहकारी कापूस उत्पादक पणन...
चाकणच्या जनावरे बाजारात एक कोटींची...पुणे  ः गेल्या सव्वा दोन महिन्यांपासून ‘...
भाजीपाला लागवडीतून उघडला प्रगतीचा मार्गसोयाबीन, भात अशा पारंपरिक कोरडवाहू पिकांवर भिस्त...
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
राज्यात देशी कोंबडी पिलांना मागणी वाढली नगर ः काही महिन्यांपूर्वी कोरोना आणि चिकनबाबत...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...