Agriculture news in marathi; Cotton prices in the state are less than guaranteed | Agrowon

राज्यात कापूस दर हमीभावापेक्षा कमीच

टीम अॅग्रोवन
शुक्रवार, 15 नोव्हेंबर 2019

जळगाव  ः राज्यात कापसाचे दर हमीभावापेक्षा कमी म्हणजेच ५५५० व ५४५० रुपये प्रतिक्विंटलपेक्षा कमीच आहेत. खानदेश, विदर्भ व मराठवाड्यात पूर्वहंगामी कापसात आर्द्रता २५ ते ३० टक्के येत आहे. अधिक आर्द्रतेमुळे दर दबावात असल्याची माहिती मिळाली. 

जळगाव  ः राज्यात कापसाचे दर हमीभावापेक्षा कमी म्हणजेच ५५५० व ५४५० रुपये प्रतिक्विंटलपेक्षा कमीच आहेत. खानदेश, विदर्भ व मराठवाड्यात पूर्वहंगामी कापसात आर्द्रता २५ ते ३० टक्के येत आहे. अधिक आर्द्रतेमुळे दर दबावात असल्याची माहिती मिळाली. 

कोरडवाहू कापसात अजून वेचणी अपवाद वगळता फारशी सुरू झालेली नाही. पूर्वहंगामी (जूनच्या पहिल्या आठवड्यात लागवड) कापसात वातावरण कोरडे होताच वेचणीने वेग घेतला आहे. यातच थंड वातावरण तयार होत असल्याने बोंडे उमलण्याची प्रक्रिया काहीशी मंदावली आहे. काळ्या कसदार जमिनीत बोंडे उमलण्याची प्रक्रिया अधिकची मंद झाली आहे. शासकीय कापूस खरेदीबाबत सर्वत्र प्रतीक्षा आहे. 

खानदेश, पश्‍चिम विदर्भ व मराठवाड्यातील औरंगाबादपर्यंत कापसाची खेडा खरेदी सुरू झाली आहे. गुजरातमधील खरेदीदार या भागात येत आहेत. तर मराठवाडा, विदर्भातील यवतमाळ व लगतच्या भागातून आंध्र प्रदेशातील मोठे खरेदीदार एजंटच्या माध्यमातून कापूस खरेदी करीत आहेत. ही खरेदी अजून फारशी सुरू नाही. पण, खेडा खरेदीत दर्जेदार किंवा कमी आर्द्रतेचा कापसाला कमाल ५२०० रुपये प्रतिक्विंटलचा दर मिळत आहे. तर अधिक आर्द्रता किंवा कमी दर्जाच्या कापसाला ४३०० ते ४६०० रुपये प्रतिक्विंटलचा दर दिला जात आहे. 
खानदेश, पश्‍चिम विदर्भासह खानदेशलगत गुजरात, मध्य प्रदेशातील जिनिंग प्रेसिंग कारखाने या आठवड्यात सुरू झाले आहेत. या कारखान्यांतर्फेदेखील कापसाची खेडा खरेदी सुरू आहे. मध्य प्रदेशातील सेंधवा, खरगोन, बऱ्हाणपूर, बडवानी आदी भागांतील बाजार व जिनिंग प्रेसिंग कारखान्यात मागील आठवड्यात कापसाला प्रतिक्विंटल कमाल ५४०० रुपये प्रतिक्विंटलचा दर मिळाला. 

राज्यात कापसाची आवक कमी असली तरी दरात फारशी वाढ झालेली नाही. सरकीच्या दरांवर आर्द्रता व कमी उचल यामुळे दबाव वाढल्याने दरवाढ थांबली आहे. परंतु, दर स्थिर आहेत. खानदेश, पश्‍चिम विदर्भ व मराठवाड्यातील औरंगाबाद, जालना भागांतील खासगी बाजार, जिनिंग व इतर राज्यांतील खरेदीदारांच्या एजंटकडे मिळून सुमारे १२ ते १३ लाख गाठींच्या (एक गाठ १७० किलो रुई) कापसाची आवक झाल्याची माहिती सूत्रांनी दिली. 

 


इतर अॅग्रोमनी
अन्नधान्याचे यंदा विक्रमी उत्पादन नवी दिल्ली: देशात यंदा खरीप हंगामात...
राज्यातील रेशीम बाजारात १० कोटींची...नागपूर ः राज्यात रेशीमकोष खरेदी बाजारपेठेला...
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
गेल्या वर्षीच्या साखर निर्यातीसाठी...कोल्हापूर : गेल्या वर्षीची (२०१८-१९) साखर निर्यात...
आंतरराष्ट्रीय डाळ परिषदेकडे उद्योजकांचे...पुणे  : जागतिक कडधान्य उत्पादन व बाजारपेठेला...
कच्च्या साखरेच्या दरात उच्चांकी वाढकोल्हापूर : जागतिक बाजारात कच्च्या साखरेच्या दरात...
साखरेच्या दुहेरी किमतीसाठी सूत्र तयार...नवी दिल्ली: साखरेचे घसरणारे दर स्थिर...
आंतरपिकांतून कुटुंबाचे अर्थकारण केले...माचले (ता. चोपडा, जि. जळगाव) येथील दीपक माणिक...
खानदेशात १२ लाख गाठी बाजारात कापसाची आवकजळगाव : कापसाची खेडा खरेदी मागील आठवड्यात...
ब्राझील भारताकडून गव्हासह भरडधान्य...नवी दिल्ली: दोन्ही देशांच्या कृषिमंत्र्यांमध्ये...
हरभरा, सोयाबीन वगळता सर्व पिकांच्या...खरीप पिकाच्या उत्पादनात जरी घट अपेक्षित असली तरी...
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...