Agriculture news in Marathi Cotton prices will remain above Rs 7,000 | Page 4 ||| Agrowon

कापसाचे दर राहतील ७००० रुपयांच्या पुढे ः विजय जावंधिया

टीम अॅग्रोवन
मंगळवार, 12 ऑक्टोबर 2021

जागतिक बाजारात १९९४ व २०११ नंतर पहिल्यांदाच कापसात तेजी अनुभवली जात आहे. त्याच कारणामुळे यावर्षी भारतात कापसाचे दर ७००० रुपये प्रती क्‍विंटलपेक्षा अधिक राहण्याची शक्‍यता शेती प्रश्‍नाचे ज्येष्ठ अभ्यासक विजय जावंधिया यांनी वर्तविली आहे.

नागपूर ः जागतिक बाजारात १९९४ व २०११ नंतर पहिल्यांदाच कापसात तेजी अनुभवली जात आहे. त्याच कारणामुळे यावर्षी भारतात कापसाचे दर ७००० रुपये प्रती क्‍विंटलपेक्षा अधिक राहण्याची शक्‍यता शेती प्रश्‍नाचे ज्येष्ठ अभ्यासक विजय जावंधिया यांनी वर्तविली आहे. 

१९९४ साली जागतिक बाजारात एक पाऊंड रुईचा दर एक डॉलर प्रती दहा सेंट प्रती पाऊंड होता. २०११ साली तो विक्रमी दोन डॉलर १४ सेंट प्रती पाऊंडच्या स्तरापर्यंत पोचला. १९९५ नंतर जागतिक बाजारात कापसाचे दरात मंदी होती व ते ४० सेंट प्रती पाऊंड पर्यंत खाली घसरले होते. त्यामुळेच १९९७ ते २००३ पर्यंत भारतात ११० लक्ष कापूस गाठींची आयात झाली होती. त्यानंतर हे दर २०१९ पर्यंत ७० सेंट ते एक डॉलर प्रती पाऊंड दरम्यानच राहिले. १९९४ साली डॉलरचा विनिमय दर ३३-३४ रुपये असा होता. म्हणून भारतात कापसाचे दर २५०० रुपये प्रती क्‍विंटल होते. २०११ साली देखील डॉलर आणि रुपयाच्या विनिमय दरात जास्त अंतर नव्हते. त्यावेळी विनिमय दर ५५ रुपये असा होता. त्याच्या परिणामी देखील कापसात तेजी अनुभवण्यात आली. ६००० ते ७५०० रुपयांपर्यंत कापसाचे दर २०११ मध्ये पोचले होते. 

आजचा अमेरिकेतील कापसाचा दर एक डॉलर १३ सेंट ते एक डॉलर १५ सेंट प्रती पाऊंड रुई असा आहे. त्याचवेळी विनिमय दर ७४ रुपये इतका आहे. २०२०-२१ या हंगामात हेच भाव ८० सेंट ते एक डॉलर प्रती पाऊंडचे होते. परंतु २०२१ या वर्षातील हंगामाच्या सुरुवातीपासूनच हे भाव एक डॉलर १० सेंट ते १ डॉलर प्रती पाऊंड आहेत. पंजाब, राजस्थान, हरियाना या राज्यांमध्ये कापसाची मोठ्या प्रमाणात आवक बाजारात सुरू झाली आहे. ६५०० ते ७२०० रुपये असा प्रती क्‍विंटलला दर मिळत आहे. भारतात व अमेरिकेत यावर्षी कापसाची उत्पादकता कमी होण्याची शक्‍यता वर्तविली जात आहे. त्यामुळेच हे दर कायम राहण्याची शक्‍यता वर्तविली जात आहे. डॉलरमध्ये झालेली वाढ त्याचवेळी रुपयाचे झालेले अवमूल्यन यामुळे हंगामात सात हजार रुपये क्‍विंटलपेक्षा अधिकचाच दर कापूस उत्पादकांना मिळेल, असा दावा विजय जावंधिया यांनी केला आहे.

कापसातील तेजी ही तीन कृषी कायद्यांच्या परिणामी आल्याचा भ्रम निर्माण केला जात आहे. मात्र, तसे काहीही नसून जागतिक बाजारात कापसाची आवक कमी असल्याने दरातील ही तेजी आहे. डॉलरच्या तुलनेत रुपयाचे अवमूल्यन हे देखील एक कारण त्यामागे आहे. 
- विजय जावंधिया, शेती प्रश्‍नाचे ज्येष्ठ अभ्यासक

असा आहे ताळेबंद 

  • एक क्‍विंटल कापसापासून ३४ किलो रुई व ६४ किलो सरकी मिळते.
  • १ डॉलर १५ सेंट १ पाऊंड रुईचा भाव (१८७ किलो रुई). 
  • ३४ किलो रुईचे (१८७ x ३४) = ६३६३. 
  • ६४ किलो सरकीचे ३० रुपये प्रती किलोप्रमाणे १९२० रुपये 
  • १ क्‍विंटल कापसाचे ६३६३ + १९२० = ८२५० 
  • प्रक्रिया खर्च व व्यापारी नफा १२५० रुपये वजा केले तर ७००० रुपये होतात.

इतर अॅग्रो विशेष
सरकारी अनुदान नसतानाही  यंदा साखर...पुणे ः भारतात उपलब्ध असलेला जादा ऊस लक्षात घेता...
कृषिपंपांचा वीजपुरवठा तोडू नये, अन्यथा...कोल्हापूर : कृषिपंपाचे रात्रीचे १० तास...
कृषिपंपाचे तोडलेले वीजकनेक्शन पूर्ववतबुलडाणा ः शेतकऱ्यांच्या कृषिपंपाचे तोडलेले...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...
कृषी कायदे मागे घेण्यावर संसदेचे...नवी दिल्ली ः संसद अधिवेशनाच्या पहिल्याच दिवशी...
राजस्थानमधील शेतकऱ्यांची  मोहरी आणि...पुणे ः रब्बी हंगाम २०२०-२१ मधील मोहरी आणि गव्हाला...
कृषी विजबिले अवास्तवअकोला ः ग्रामीण भागात सध्या एकीकडे रब्बीची लगबग...
अवकाळीच्या सावटामुळे द्राक्ष पट्ट्यात...नाशिक : गेल्या काही वर्षांपासून पूर्वहंगामी...
हापूस आंब्याचा हंगाम धोक्यातरत्नागिरी ः कोरोनातील बिकट परिस्थितीचा सामना करत...
अभ्यासपूर्ण व्यवस्थापनातून दर्जेदार...जळके (ता.जि. जळगाव) येथील राजेश पाटील यांनी केळी...
आदर्श असावा तर खडतरे कुटुंबासारखामुक्त गोठा पद्धत, नेटके व्यवस्थापन, कुटुंबाची एकी...
कोकण, मध्य महाराष्ट्र, मराठवाड्यात...पुणे : राज्याच्या किमान तापमानाचा पारा १५...
शेवगा २००० रुपये प्रतिदहा किलोपुणे ः पुणे बाजार समितीमध्ये रविवारी (ता.२८)...
धुळीमुळे शेतकऱ्यांचे ‘पांढरे सोने’...गुमगाव, जि. नागपूर : कोतेवाडा, सोंडेपार शिवारातील...
तांदूळ महागणार ; अवकाळी पावसामुळे...नागपूर : नवीन तांदळाच्या हंगामास सुरुवात झाली आहे...
कामे पूर्ण केलेल्या शेतकरी गटांचे ...पुणेः समूह शेती योजनेत भाग घेतलेल्या शेतकरी...