कापसाला यंदा दर; मात्र उत्पादकतेत मोठी घट; उत्पादकांच्या पदरी निराशा

अकोला : कापसाचा दर वाढल्याने बाजारपेठेत उत्साही वातावरण आहे. विविध ठिकाणी कापसाला मिळालेल्या उच्चांकी दरांच्या पोस्ट समाज माध्यमात फिरत आहेत. प्रत्यक्षात वस्तुस्थिती मात्र वेगळी असल्याचे कापूस उत्पादक सांगत आहे.
कापसाला यंदा दर; मात्र उत्पादकतेत मोठी घट; उत्पादकांच्या पदरी निराशा
कापसाला यंदा दर; मात्र उत्पादकतेत मोठी घट; उत्पादकांच्या पदरी निराशा

अकोला : कापसाचा दर वाढल्याने बाजारपेठेत उत्साही वातावरण आहे. विविध ठिकाणी कापसाला मिळालेल्या उच्चांकी दरांच्या पोस्ट समाज माध्यमात फिरत आहेत. प्रत्यक्षात वस्तुस्थिती मात्र वेगळी असल्याचे कापूस उत्पादक सांगत आहे. यंदा भाव आला पण उत्पादन घटले. त्यामुळे बरोबरीचाच व्यवहार झालेला आहे, असे शेतकऱ्यांचे म्हणणे आहे. या वर्षी कापसाचे सरासरी ३० ते ४० टक्के उत्पादन कमी होत आहे.

कापसाचा दर आठ हजार ते ८२०० पर्यंत सध्या मिळत आहे. काही ठिकाणी याहीपेक्षा अधिक दर दिला जात आहे. कापसाला एवढा सरासरी दर यापूर्वी क्वचितच मिळाला असावा. यंदा मात्र सरसकटपणे हा दर सुरू असून, कापूस खरेदीसाठी व्यापाऱ्यांची चढाओढ बघायला मिळते आहे. असे असताना शेतकऱ्यांची परिस्थिती नेमकी उटल आहे. कापसाला दर मिळत असल्याने उत्पादकांना दोन पैसे अधिक मिळतील असे वाटत होते. प्रत्यक्षात उत्पादन घटल्याने हा आनंद फार काळ टिकेल असे दिसत नाही.

खर्च तितकाच उत्पादनात मोठी घट दरवर्षी शाश्‍वत कापूस उत्पादन काढणारे गणेश नानोटे (रा. निंभारा जि. अकोला) म्हणाले, ‘‘यंदा कापसाची एकरी उत्पादकता सहा ते सात क्विंटल आहे. आपल्याला किमान ३० टक्के कापूस उत्पादन कमी झाले आहे. दरवर्षी एकरी १० ते ११ क्विंटल उत्पादन निश्‍चित घेत असतो. या वर्षी ऑगस्ट महिन्यात पावसात खंड पडला आणि तापमान तब्बल ४० अंश सेल्सिअसपर्यंत गेले. त्याचा फटका बसला. सुरुवातीला जी बोंडे झाडांवर धरलेली होती ती परतीच्या पावसात खराब झाली. या दोन मुख्य कारणांनी उत्पादन घटले. उत्पादकता खर्च मात्र दरवर्षी करावा लागायचा तितकाच झालेला आहे. यंदा मिळत असलेला दर अधिक आहे. शासनाने आयात-निर्यात शुल्काचे धोरण बदलले तर दर कमी होण्याची चिंता आहे. प्रमिलाताई भारसाकडे (रा. अकोट) म्हणाल्या, की यंदा एकरी दोन ते तीन क्विटंल उत्पादन होत आहे. आमची आठ एकरांत ओलिताची कपाशी पेरली होती. त्यातून आतापर्यंत २० क्विंटल कापूस आला. आणखी संपूर्ण शेतात आठ ते दहा क्विंटल कापूस येईल. म्हणजे एकरी चार ते पाच क्विटंल उत्पादन येईल. आठ एकराला ९० हजार रुपये खर्च झालेला आहे. यंदा कापसाचा भाव चांगला आहे. पण उत्पादन खर्चही वाढलेला आहे. चार ते पाच फवारणी, खते द्यावी लागली. वेचणीसाठी अधिक मजुरी द्यावी लागत आहे. त्यामुळे भाव वाढल्याचा आनंद व्यक्त करायचा की उत्पादन खर्चही निघणार नसल्याने दुःख व्यक्त करावे, अशी परिस्थिती आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com