राज्यात ९५ केंद्रावरुन कापसाची खरेदी 

सिसीआयने कापूस खरेदीची गती वाढविण्याची गरज आहे. त्याकरिता कापूस खरेदी बंद असलेल्या राज्यातील कर्मचारी महाराष्ट्रात आणले पाहिजे. त्यासोबतच खासगी जिनींग व्यवसायीकांना निकषानुसार कापूस खरेदीचे आवाहन केले पाहिजे. त्यांना अधिकृत एजंट म्हणून मान्यता दिली तरच राज्यातील सर्व शेतकऱ्यांचा कापूस घेणे शक्‍य होईल. अन्यथा शेतकऱ्यांना कापूस विक्रीसाठी वर्षभर वाट पाहावी लागणार आहे. - गोविंद वैराळे, ज्येष्ठ कापूस तज्ज्ञ, नागपूर.
cotton procurement
cotton procurement

नागपूरः केंद्रीयमंत्री नितीन गडकरी यांच्या हस्तक्षेपानंतर कापूस खरेदीचा तिढा सुटला असला तरी प्रत्यक्ष खरेदी संदर्भातील अडचणी कायम आहेत. त्यामुळेच राज्यात कापूस खरेदीचा वेग वाढला नसल्याने ८० लाख क्‍विंटल कापसाची खरेदी कशी आणि केव्हा होईल, यामुळे शेतकऱ्यांमध्ये अस्वस्थता वाढीस लागली आहे. राज्यात सिसीआयने ५२ तर महाराष्ट्र राज्य सहकारी कापूस उत्पादक पणन महासंघाने ४३ केंद्राच्या माध्यमातून खरेदी सुरु केली आहे. 

एप्रिल महिन्याचे तुट विषयक निकष मे महिन्यातील खरेदी लावण्यात यावे, या मागणीवरुन जिनर्स आणि सिसीआयमध्ये खरेदीचा तिढा निर्माण झाला होता. केंद्रीयमंत्री नितीन गडकरी यांच्या हस्तक्षेपानंतर एप्रिल महिन्याचेच निकष मे महिन्याकरीता लावण्याचा निर्णय होत जिनर्संनी कापूस खरेदीची तयारी दर्शविली. त्यानंतर टप्याटप्याने सिसिआयकडून राज्यात ८३ पैकी ५२ केंद्रावर खरेदी होत आहे. कर्मचाऱ्यांची उपलब्धता, जिनींग व्यवसायीकाची तयारी यानुसार केंद्र वाढीचा निर्णय घेतला जाणार आहे. राज्यात ५२ केंद्रावर रोज सरासरी ५० हजार क्‍विंटल कापसाची खरेदी होत असल्याचे सिसीआयच्या वरिष्ठ सूत्रांकडून सांगण्यात आले.  पणन महासंघाचे ५४ केंद्र  राज्यात कापूस पणन महासंघाकडून ७४ पैकी ५४ केंद्रावर खरेदी होत आहे. पणन महासंघाला २० एप्रिलपासून खरेदी करण्यास सांगण्यात आले. त्यानुसार आजवर एक लाख १६ हजार क्‍विंटलची खरेदी झाली आहे. लॉकडाऊनपूर्वी ५५ लाख ७४ हजार क्‍विंटलची खरेदी झाल्याचे कापूस पणन महासंघाचे अध्यक्ष अनंतराव देशमुख यांनी सांगीतले.  पणन महासंघाचे जिल्हानिय्य केंद्र 

नागपूर पाच 
वर्धा तीन 
चंद्रपूर चार 
गडचिरोली एक 
यवतमाळ पाच
अकोला दोन 
वाशीम एक 
अमरावती सात
बुलडाणा दोन 
औरंगाबाद चार 
नगर तीन 
परभणी चार 
हिंगोली एक
बीड सहा
नांदेड दोन
जळगाव चार 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com