agriculture news in Marathi cotton procurement of cooperative federation will be start Maharashtra | Page 2 ||| Agrowon

पणन महासंघाची खरेदी उद्यापासून

टीम अॅग्रोवन
गुरुवार, 26 नोव्हेंबर 2020

महाराष्ट्र राज्य सहकारी कापूस उत्पादक पणन महासंघाकडून शुक्रवारपासून (ता. २७) कापूस खरेदी करण्याचा निर्णय घेण्यात आला आहे.

नागपूर : महाराष्ट्र राज्य सहकारी कापूस उत्पादक पणन महासंघाकडून शुक्रवारपासून (ता. २७) कापूस खरेदी करण्याचा निर्णय घेण्यात आला आहे. जळगाव, परळी वैजनाथ, परभणी हे तीन झोन वगळता उर्वरित आठ झोनमध्ये ही खरेदी होईल, अशी माहिती पणन महासंघाच्या सूत्रांनी दिली.

 तेलंगणाच्या धर्तीवर कापूस खरेदीमधील अनियमितता रोखण्यासाठी नोंदणीसाठी विशेष मोबाईल ‘ॲप’ विकसित करण्याचा निर्णय पणन महासंघाने घेतला होता. एका बँकेने याकरिता वित्तपुरवठा करण्याची तयारी चालविली होती. मात्र पणन महासंघाचे व्यवस्थापकीय संचालक नवीन सोना यांची ऐनवेळी बदली झाली. त्यांच्या जागेवर नियुक्त ए. बी  उन्हाळे यांनी कौटुंबिक कारणामुळे पदभार स्वीकारला नाही.

परिणामी ‘ॲप’च्या माध्यमातून नोंदणीचा प्रस्ताव रखडला. नोंदणीचीच प्रक्रिया रखडल्याने खरेदीबाबत देखील निर्णय होत नव्हता. मात्र कापूस उत्पादकांच्या घरात कापूस साठवणुकीची जोखीम वाढल्याने त्यांच्याकडून खरेदी लवकरात लवकर सुरू करावी, अशी मागणी जोर धरू लागली. त्याच्या परिणामी अखेरीस अकरापैकी आठ झोनमध्ये कापूस खरेदी करण्याचा निर्णय घेण्यात आला आहे. 

कापूस विक्रीसाठी शेतकऱ्यांची नोंदणी बाजार समिती स्थापन करण्यात आली होती. गेल्या वर्षी प्रमाणे या वर्षीदेखील त्याच पद्धतीने शेतकऱ्यांची नोंदणी केली जाणार आहे, असे पणन महासंघाचे अध्यक्ष अनंतराव देशमुख यांनी सांगितले.

प्रतिक्रिया
शेतकऱ्यांकडून कापूस खरेदीची मागणी होत असल्याने याबाबत तत्काळ निर्णय व्हावा, याबाबत पणन सचिव अनुप कुमार यांच्यासोबत बुधवारी (ता. २५) मुंबईत झालेल्या बैठकीत चर्चा झाली. त्यानुसार निविदा प्रक्रिया झालेल्या व जिनिंग व्यावसायिकांची तयारी असलेल्या केंद्रांवर शुक्रवार (ता.२७) पासून खरेदीचा निर्णय घेण्यात आला आहे. पदवीधर व शिक्षक मतदारसंघाची निवडणूक आचारसंहिता असल्याने कोणताही शासकीय कार्यक्रम होणार नाही. शेतकऱ्यांच्या हस्ते कापूस खरेदीचा शुभारंभ केला जाईल. 
- अनंतराव देशमुख, अध्यक्ष, महाराष्ट्र राज्य सहकारी कापूस उत्पादक पणन महासंघ


इतर अॅग्रो विशेष
केंद्राच्या स्पष्ट धोरणाअभावी ‘जीएम’...नागपूर ः एकीकडे जनुकीय सुधारित (जीएम) पिकांच्या...
लोक सहभागातून जैवविविधता, पर्यावरण...ग्रामीण भागातील जैवविविधतेच्या संवर्धनामध्ये पाच...
अपात्र लाभार्थ्यांना कोणी केले मालामाल?ज गामधील सर्वांत मोठी यशस्वी लोकशाही असलेला आपला...
ग्लोबल अन् लोकल मार्केटमका आणि सोयाबीनच्या जागतिक उत्पादनात घट होण्याची...
निर्णय आता तुमच्या हाती : केंद्र सरकारनवी दिल्ली ः शेतकरी नेते ‘कृषी कायदे रद्द करणे...
शेतमाल निर्यात खर्च झाला दुप्पट नाशिक : लंडनमध्ये डिसेंबरअखेर कोरोनाचा नव्या...
बर्ड फ्लूने १३ हजार पक्ष्यांचा मृत्यू पुणे : राज्यातील काही जिल्ह्यांमध्ये बर्ड फ्लू...
कृषिपंपाच्या थकबाकीची आता ऊसबिलातून...सोलापूर :  कधी दुष्काळ, कधी अतिवृष्टी आणि...
थंडी कायम राहण्याची शक्यता पुणे ः कोरड्या झालेल्या वातावरणामुळे राज्यातील...
चॉकलेट्‌स......नव्हे गुळाचे जॅगलेट्‌सकोल्हापुरी प्रसिद्ध गूळ देश-परदेशातील बाजारपेठेचा...
‘जय सरदार’ कंपनीची उल्लेखनीय घोडदौडमलकापूर (जि. बुलडाणा) येथील ‘जय सरदार’ शेतकरी...
‘कनेक्शन कट’चे कारस्थान!बिलाची थकीत रक्कम न भरल्यास आता थेट वीजतोडणीची (...
कापसाचा शिल्लक साठा बाहेर पाठवा कोरोना संक्रमण काळातील सुरुवातीचे तीन-चार महिने...
शेतकरी मागण्यांवर ठाम; ट्रॅक्टर रॅलीही...नवी दिल्ली : प्रजासत्ताक दिनी दिल्लीत ट्रॅक्‍टर...
बर्ड फ्लू नुकसानग्रस्त पोल्ट्री...नागपूर ः राज्यात ११ जिल्ह्यांमध्ये बर्ड फ्लूचा...
एक लाख शेतकऱ्यांची तूर विक्रीसाठी...अकोला ः राज्यात या हंगामात उत्पादित तूर खरेदीला...
कापूस उत्पादकतावाढीसाठी ‘सीआयसीआर’चा ॲ...नागपूर ः जगाच्या तुलनेत भारताची आणि त्यातही...
सांगली जिल्ह्यातील द्राक्ष हंगामास उशीरसांगली ः जिल्ह्यात अगदी क्वचितच आगाप छाटणी...
आजरा घनसाळसह तूरडाळ, घेवडा मिळणार...कोल्हापूर : पारंपरिक विक्री व्यवस्थेच्या पलीकडे...
थंडीत चढ-उतार सुरुच पुणे ः हिमालय आणि पश्चिम बंगालच्या परिसरात कमी...