कापूस खरेदीला आजपासून प्रारंभ

कापूस खरेदी
कापूस खरेदी

नागपूर : पणन महासंघाव्दारे कापूस खरेदीला आजपासून (ता.१७) प्रारंभ होत आहे. महाकॉट-ई-प्रो सॉफ्टवेअरद्वारे सात दिवसांच्या आत कापूस चुकाऱ्याचे पैसे थेट शेतकऱ्यांच्या खात्यात वर्ग करण्यात येणार आहेत.  जळगाव जिल्ह्यातील धरणगाव येथे सहकार राज्यमंत्री गुलाबराव पाटील यांच्या हस्ते खरेदीची सुरवात होणार आहे. या हंगामाकरिता ६० तालुक्यांत ६० कापूस केंद्रावर खरेदी करण्यात येईल. महाकॉट-ई-प्रो सॉफ्टवेअरद्वारे चुकाऱ्याशीवाय कापूस खरेदीची कार्यवाही संगणकीय आधारावर करण्यात येणार आहे. विक्री करतेवेळी अद्ययावत सातबारा व आधारकार्ड असणे आवश्यक आहे. पहिल्या वेळी ही कागदपत्रे आणल्यानंतर पुढील वेळेस कापूस विक्रीस आणतांना कोणतीही कागदपत्रे आणावी लागणार नाही. पणन महासंघाची नियुक्ती ‘सीसीआय’चे अभिकर्ता म्हणून झाली आहे. कापूस विक्रीस आणताना... केंद्रावर ८ ते १२ टक्के पर्यंतचाच ओलावा असलेला कापूस स्वीकारण्यात येणार आहे. शेतकऱ्यांनी विक्रीस आणलेला कापूस हा काडी कचरा विरहीत आणावा. विक्री केलेल्या कापसाचे चुकारे थेट बॅंक खात्यात बिनचूक जमा व्हावे, याकरिता ज्या बॅंकेशी आधारकार्ड लिंक आहे, अशा बॅंक खात्याच्या पासबुकाच्या पहिल्या पानाची झेरॉक्स प्रत, आधारकार्ड व सातबारा उतारा, अद्ययावत पिकऱ्याच्या नोंदीवर नमूद केलेली कागदपत्रे आणवी, असे आवाहन राज्य सहकारी कापूस उत्पादक पणन महासंघाच्या वतीने करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com