agriculture news in marathi, cotton procurment status in parbhani region, maharashtra | Page 2 ||| Agrowon

परभणी विभागात १३ लाख क्विंटल कापूस खरेदी
टीम अॅग्रोवन
मंगळवार, 3 एप्रिल 2018
परभणी : २०१७-१८ मधील कापूस खरेदी हंगामात शनिवारपर्यंत (ता. ३१) राज्य सहकारी कापूस उत्पादक महासंघाच्या परभणी विभागांतर्गत असलेल्या परभणी आणि हिंगोली जिल्ह्यात पणन महासंघ, सीसीआय, खासगी व्यापारी यांची मिळून एकूण १२ लाख ९७ हजार ९३७ क्विंटल कापूस खरेदी झाली आहे. गतवर्षीच्या तुलनेत यंदा मार्चअखेरपर्यंतच्या कापूस खरेदीमध्ये दोन जिल्ह्यांत एकूण १ लाख ३९ हजार ६१८ क्विंटलने घट झाली आहे. सध्या फरदड कपाशी मोठ्या प्रमाणावर आवक होत आहे. फरदडचे दर ३००० रुपये क्विंटलपर्यंत कमी झाले आहेत.
 
परभणी : २०१७-१८ मधील कापूस खरेदी हंगामात शनिवारपर्यंत (ता. ३१) राज्य सहकारी कापूस उत्पादक महासंघाच्या परभणी विभागांतर्गत असलेल्या परभणी आणि हिंगोली जिल्ह्यात पणन महासंघ, सीसीआय, खासगी व्यापारी यांची मिळून एकूण १२ लाख ९७ हजार ९३७ क्विंटल कापूस खरेदी झाली आहे. गतवर्षीच्या तुलनेत यंदा मार्चअखेरपर्यंतच्या कापूस खरेदीमध्ये दोन जिल्ह्यांत एकूण १ लाख ३९ हजार ६१८ क्विंटलने घट झाली आहे. सध्या फरदड कपाशी मोठ्या प्रमाणावर आवक होत आहे. फरदडचे दर ३००० रुपये क्विंटलपर्यंत कमी झाले आहेत.
 
परभणी जिल्ह्यातील ११ पैकी १० कृषी उत्पन्न बाजार समित्यांतर्गत ३८ जिनिंग कारखान्यांमध्ये खासगी व्यापाऱ्यांनी, तर ३ जिनिंगमध्ये कापूस खरेदी करण्यात येत आहे. सीसीआयतर्फे जिंतूर, सेलू आणि मानवत या तीन ठिकाणी हमीदरानुसार तसेच खुल्या बाजारातील दरानुसार कापूस खरेदी करण्यात येत आहे. परभणी जिल्ह्यात परभणी आणि ताडकळस येथे पणन महासंघाची खरेदी केंद्र सुरू करण्यात आली होती.
 
परंतु खुल्या बाजारातील दर जास्त असल्यामुळे त्या ठिकाणी कापूस खरेदी झाली नाही. यंदा सेलू बाजार समितीअंतर्गत जिल्ह्यात सर्वाधिक ४ लाख ३६ हजार ४९२ क्विंटल, तर सर्वांत कमी पूर्णा बाजार समितीअंतर्गत १५२२ क्विंटल कापूस खरेदी झाली. मार्चअखेरपर्यंत १२,४७,५०५ क्विंटल कापूस खरेदी झाली आहे. गतवर्षी मार्चअखेरपर्यंत १४,१६,९७० क्विंटल कापूस खरेदी झाली होती.
 
हिंगोली जिल्ह्यातील चार बाजार समित्यांतर्गत यंदा ७ जिनिंग कारखान्यांमध्ये खासगी आणि १ जिनिंगमध्ये सीसीआयतर्फे कापूस खरेदी करण्यात आली. पणन महासंघाच्या हिंगोली येथील केंद्रावर १० शेतकऱ्यांच्या ११९ क्विंटल कापसाची खरेदी करण्यात आली आहे. हिंगोली बाजार समितीअंतर्गत हिंगोली येथे सर्वाधिक २९,४०२ क्विंटल, तर सर्वांत कमी हयातनगर येथे ३१९१ क्विंटल कापूस खरेदी झाली. 
 
मार्चअखेर ५०,४३२ क्विंटल कापूस खरेदी झाली आहे. हिंगोली जिल्ह्यात गतवर्षीच्या तुलनेत यंदा ३०,३४९ क्विंटलने कापूस खरेदीत वाढ झाली आहे. गुलाबी बोंड अळीच्या प्रादुर्भावामुळे यंदा कापूस उत्पादनात घट आली. त्याचा परिमाण कापूस खरेदीवर झाला आहे. दोन्ही जिल्ह्यांत गतवर्षीच्या मार्चअखेर १४ लाख ३७ हजार ०५५ क्विंटल कापूस खरेदी झाली होती. यंदा १२ लाख ९७ हजार ४३७ क्विंटल कापूस खरेदी झाली आहे.

तुलनात्मक कापूस खरेदी

जिल्हा २०१७ २०१८
परभणी १४,१६,९७० १२,४७,५०५
हिंगोली २०,०८३ ५०,४३२

 

इतर ताज्या घडामोडी
अमेरिकन लष्करी अळीमुळे मक्याची चाळणऔरंगाबाद : अमेरिकन लष्करी अळीकडून मका पिकाला...
पुरामुळे संगमेश्वर तालुक्यातील...रत्नागिरी  ः मुसळधार पावसामुळे संगमेश्‍वर...
अधिक नफ्यासाठी शेतकरी गटांनी कापूस...अमरावती : कापूस विक्रीऐवजी गाठी तयार करून...
सांगली जिल्ह्यात महापुरामुळे ६६ हजार...सांगली : जिल्ह्यात अतिवृष्टी आणि महापुरामुळे...
पुणे जिल्ह्यातील पाच तालुक्यांत...पुणे  : जिल्ह्याच्या पश्चिम भागात दमदार पाऊस...
महाबीजच्या ‘गुणवत्ता नियंत्रण’ला  राज्य...अकोला ः शिवणी येथील महाराष्ट्र राज्य बियाणे...
नांदेड जिल्ह्यात ‘शेतकरी मानधन’ची विशेष...नांदेड :‘‘जिल्ह्यातील अल्प आणि अत्यल्प भू- धारक...
तीन वर्षांपासून ‘जलयुक्त’चे पुरस्कार...नगर  ः दुष्काळमुक्तीसाठी शासनाने राबविलेल्या...
सातारा जिल्ह्यातील १३४ पाणीपुरवठा...कऱ्हाड, जि. सातारा ः महापुराने कृष्णा-कोयना या...
आमदार फोडण्याच्या नादात चंद्रकांतदादा...इस्लामपूर, जि. सांगली ः राज्यातील आमदार...
काटेमाठ खाल्ल्याने पाच जनावरे मृत्युमुखीकोपरगाव, जि. नगर  : बांधावरच्या गवतात...
परभणीत भेंडी १२०० ते २००० रुपये...परभणी : येथील पाथरी रस्त्यावरील फळे भाजीपाला...
राज्यात हिरव्या मिरचीला १८०० ते ४०००...परभणी : येथील पाथरी रस्त्यावरील फळे -भाजीपाला...
अकोल्यात कृषी सहायकांचे पदोन्नतीच्या...अकोला  ः अमरावती विभागातील कृषी सहायकांच्या...
सांगलीच्या पूर्व भागातील अग्रणी कोरडीठाकसांगली  ः  सांगली जिल्ह्याच्या चार...
सातारा जिल्ह्यातील ‘मराठवाडी’च्या...ढेबेवाडी, जि. सातारा : गेल्या काही...
नगर जिल्ह्यात चार महसूल मंडळांत पावसाची...नगर : जिल्ह्यामध्ये गेल्या आठ दिवसांपासून पावसाने...
हलक्या सरींना सुकलेल्या पिकांना...उस्मानाबाद/ लातूर  : मराठवाड्यातील औरंगाबाद...
‘पोकरा’तील शेतकऱ्यांनाही मिळणार सूक्ष्म...अकोला  ः राज्यात दुष्काळाच्या झळा सहन...
राज ठाकरे यांची दिवसभर चौकशीमुंबई ः कोहिनूर मिल कर्ज प्रकरणातील अनियमिततेबाबत...