Agriculture news in marathi Cotton production will decline by more than 60 percent in Aurangabad, Jalna and Beed districts | Agrowon

औरंगाबाद, जालना, बीड जिल्ह्यांत कापूस उत्पादन ६० टक्क्यांपेक्षा जास्त घटणार

टीम अॅग्रोवन
शनिवार, 14 डिसेंबर 2019

औरंगाबाद : आधी दुष्काळाचा ताण, त्यानंतर अतिपावसामुळे यंदा कापूस काळवंडला आहे. एक, दोन किंवा फारतर तीन वेचणीत कपाशीचे पीक संपत आहे. कपाशीच्या उत्पादनात ६० ते ७० टक्‍क्‍यांपर्यंत घटीच्या अंदाजाला आता कृषी विभागाच्या परिस्थिती अहवालामुळे दुजोरा मिळाला आहे. 

औरंगाबाद : आधी दुष्काळाचा ताण, त्यानंतर अतिपावसामुळे यंदा कापूस काळवंडला आहे. एक, दोन किंवा फारतर तीन वेचणीत कपाशीचे पीक संपत आहे. कपाशीच्या उत्पादनात ६० ते ७० टक्‍क्‍यांपर्यंत घटीच्या अंदाजाला आता कृषी विभागाच्या परिस्थिती अहवालामुळे दुजोरा मिळाला आहे. 

मराठवाड्यातील औरंगाबाद व लातूर या दोन कृषी विभागांतर्गतच्या आठ जिल्ह्यांत  १७ लाख ७६ हजार हेक्‍टरवर कपाशीचे सर्वसाधारण क्षेत्र आहे. त्या तुलनेत यंदा मराठवाड्यात १५ लाख ६५ हजार ९८८ हेक्‍टरवर कपाशीची लागवड झाली. औरंगाबाद, जालना व बीड या तीन जिल्ह्यांत कपाशीचे सर्वसाधारण क्षेत्र १० लाख ६७ हजार ९८५ हेक्‍टर आहे. त्या तुलनेत यंदा या तीनही जिल्ह्यांत १० लाख ६० हजार ५०३ हेक्‍टरवर कपाशीची लागवड झाली. 

सर्वसाधारण क्षेत्राच्या तुलनेत ९९.३० टक्‍के क्षेत्रावरील या कपाशी पिकाची औरंगाबाद व बीड जिल्ह्यात एक वेचणी पूर्ण झाली आहे.  बीड जिल्ह्यात काही ठिकाणी दुसऱ्या वेचणीची कामे सुरू आहेत. पीक कापणी प्रयोगानुसार जिरायती कापसाची ३७३ किलो हेक्‍टरी उत्पादकता येते आहे. ऑक्‍टोबरमधील पावसामुळे वेचणीला आलेल्या कापसाचे मोठे नुकसान झाले. यंदा कपाशीचे उत्पादन चांगले होईल आणि अर्थकारणाला हातभार लागेल, या शेतकऱ्यांच्या आशेला यंदा सुरुवातीपासूनच पावसाने सुरुंग लावण्याचे काम केले. 

कपाशीला ३३ टक्के फटका

ऑगस्ट व सप्टेंबरमधील पावसाने काही भागातील कपाशीच्या आशा पल्लवित करण्याचे काम केले. परंतु, ऑक्‍टोबरमध्ये जवळपास पंधरवड्यापेक्षा जास्त काळ लागून बसलेल्या पावसाने कपाशीवर सर्वांत मोठा आघात केला. जवळपास १४ लाख ६६ हजार हेक्‍टरवरील कपाशीचे ३३ टक्‍क्‍यांपेक्षा जास्त नुकसान झाल्याचे पंचनाम्यातून समोर आले. शिवाय सततच्या व जोरदार पावसामुळे जमिनीतील नत्र वाहून गेले किंवा पिकाच्या मुळाच्या कक्षेच्या खाली जाऊन बसले. मॅग्नेशिअमची कमतरता व दहिया रोगाचा प्रादुर्भाव झाला. त्यामुळे झाडावर पात, फुले, बोंडे असतानाच सततच्या पावसामुळे नेमक्‍या गरजेच्या वेळी अन्नद्रव्याची कमतरता निर्माण झाली. त्यामुळे विविध रोगांना पोषक वातावरण तयार झाले. कपाशीची पाते व पानगळ झाली.

कापूस उत्पादक हवालदिल 

अनेक भागात लालसर पडलेल्या कपाशीच्या पिकाला जेवढी बोंड आधी पोसली गेली, तेवढीच उत्पादन देऊन गेली. उर्वरित अन्नद्रव्य न मिळाल्याने पोसण्यापूर्वीच फुटली. त्यामुळे कापसाच्या उत्पादनात कवडीचे प्रमाण मोठ्या प्रमाणात वाढले. उत्पादन घटले असले, तरी दर्जाच्या कारणावरून उत्पादित कापसाला दरही मिळत नसल्याने कापूस उत्पादक हवालदिल झाले आहेत.


इतर ताज्या घडामोडी
पुणे जिल्हा परिषदेचा ‘एक पुस्तक' पॅटर्न...पुणे : विद्यार्थ्यांच्या दप्तराचे ओझे कमी...
लातूर, उस्मानाबादमध्ये २० तूर खरेदी...लातूर : लातूर व उस्मानाबाद जिल्ह्यात हमी...
शेती करताना जैवविविधता जोपासणे आवश्यक...नाशिक : वाढत्या लोकसंख्येचा भार कृषी क्षेत्रावरही...
अकोला : तूर विक्रीसाठी ऑनलाइन नोंदणीत...अकोला  ः शासनाकडून हमी भावाने तूर खरेदीसाठी...
भंडारा : शेतकरी किसान सन्मानच्या...भंडारा ः पंतप्रधान किसान सन्मान योजनेला वर्षभराचा...
कवठेमहांकाळ तालुक्यात पाणीसाठ्यात वाढसांगली  ः कवठेमहांकाळ तालुक्यात ऑक्टोबर...
खानदेशात कांदा लागवड सुरूचजळगाव ः खानदेशात कांदा लागवड सुरूच असून, सुमारे...
असे करा घाटेअळीचे जैविक व्यवस्थापनघाटेअळी नियंत्रणासाठी सातत्याने रासायनिक...
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...
सिंचन प्रकल्पांच्या पूर्णत्वासाठी निधी...मुंबई : जलसंपदा विभागाचे प्रलंबित प्रकल्प पूर्ण...
औरंगाबादेत पाणीप्रश्‍नावर भाजपचे उद्या...औरंगाबाद : नेहमी दुष्काळाशी सामना करणाऱ्या...
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...