agriculture news in marathi, Cotton purchase in Nanded, Parbhani and Hingoli districts decreases 2.5 lakh quintals | Agrowon

नांदेड, परभणी, हिंगोली जिल्ह्यांत कापूस खरेदीत अडीच लाख क्विंटलवर घट

टीम अॅग्रोवन
गुरुवार, 20 जून 2019

नांदेड : नांदेड, परभणी, हिंगोली जिल्ह्यांत २०१८-१९ च्या खरेदी हंगामात भारतीय कापूस महामंडळ (सीसीआय) आणि खासगी खरेदीदारांकडून एकूण २१ लाख ९० हजार ४८९ क्विंटल कापूस खरेदी झाली. हमीभावापेक्षा खुल्या बाजारात जास्त दर मिळाले. त्यामुळे यावर्षी राज्य सहकारी कापूस उत्पादक पणन महासंघाची कापूस खरेदी होऊ शकली नाही. दुष्काळी स्थितीमुळे उत्पादनात घट आल्याने यंदा गतवर्षीच्या तुलनेत खरेदीत २ लाख ७४ हजार ८३९ क्विंटलनी घट झाली.

नांदेड : नांदेड, परभणी, हिंगोली जिल्ह्यांत २०१८-१९ च्या खरेदी हंगामात भारतीय कापूस महामंडळ (सीसीआय) आणि खासगी खरेदीदारांकडून एकूण २१ लाख ९० हजार ४८९ क्विंटल कापूस खरेदी झाली. हमीभावापेक्षा खुल्या बाजारात जास्त दर मिळाले. त्यामुळे यावर्षी राज्य सहकारी कापूस उत्पादक पणन महासंघाची कापूस खरेदी होऊ शकली नाही. दुष्काळी स्थितीमुळे उत्पादनात घट आल्याने यंदा गतवर्षीच्या तुलनेत खरेदीत २ लाख ७४ हजार ८३९ क्विंटलनी घट झाली.

नांदेड जिल्ह्यात भारतीय कापूस महामंडळाची (सीसीआय) नांदेड येथील खरेदी केंद्रावर ९ हजार ५४७ क्विंटल, धर्माबाद येथील केंद्रावर ५४ क्विंटल, कुंटूर येथील केंद्रावर ७ हजार ३७४ क्विंटल अशी एकूण १६ हजार ९७५ क्विंटल कापूस खरेदी झाली. खुल्या बाजारात नांदेड येथे ८ हजार ३८७ क्विंटल, भोकर येथे २ लाख ७५ हजार १९३ क्विंटल, धर्माबाद येथे २ लाख ४५ हजार ८७९ क्विंटल, हदगावात ११ हजार ३५५ क्विंटल, कुंटूर येथे ९ हजार ८७५ क्विंटल, किनवटमध्ये ४२ हजार ७५ क्विंटल कापूस खरेदी झाली. खासगी व्यापाऱ्यांनी एकूण ५ लाख ९२ हजार ७६४ क्विंटल कापूस खरेदी केली.

नांदेड जिल्ह्यात सीसीआय आणि खासगी खरेदीदार यांची एकूण ६ लाख ९ हजार ७३९ क्विंटल कापूस खरेदी झाली. प्रतिक्विंटल ५ हजार ५५० ते ६ हजार रुपयांपर्यंत दर मिळाले.

परभणी जिल्ह्यातील ११ कृषी उत्पन्न बाजार समित्यांतर्गत सीसीआय आणि खासगी खरेदीदारांनी एकूण १४ लाख ६८ हजार ६७३ क्विंटल खरेदी केली. परभणी येथे २ लाख २ हजार ४२२ क्विंटल, सेलू येथे ३ लाख ५७ हजार ७८५ क्विंटल, मानवत येथे ४ लाख ७६ हजार ४०३ क्विंटल, पाथरी येथे ५४ हजार ८९ क्विंटल, पूर्णा येथे ३ हजार २५ क्विंटल, ताडकळस येथे १० हजार ६१० क्विंटल, बोरी येथे १२ हजार ८७५ क्विंटल, जिंतूर येथे २ लाख ३१ हजार २९० क्विंटल, गंगाखेड येथे ७१ हजार २०० क्विंटल, सोनपेठ येथे ४८ हजार ९४४ क्विंटल कापूस खरेदी झाली. यामध्ये सीसीआयची ३० हजार ३८ क्विंटल, खासगी खरेदीदारांच्या १४ लाख ३८ हजार २८५ क्विंटल कापूस खरेदीचा समावेश आहे. प्रतिक्विंटल सरासरी ५ हजार २५० ते ६ हजार ४२० रुपये दर मिळाले.

हिंगोली जिल्ह्यातील ७ कृषी उत्पन्न बाजार समित्यांत एकूण १ लाख १२ हजार ७७ क्विंटल कापूस खरेदी झाली. हिंगोली येथे ४४ हजार १२६ क्विंटल, वसमत येथे ८ हजार ७०० क्विंटल, जवळाबाजारात ५५ हजार ९०९ क्विंटल, आखाडा बाळापूर येथे ३ हजार ३४२ क्विंटल कापूस खरेदी झाली. सीसीआयच्या ४४ हजार ५६९ क्विंटल, तर खासगी खरेदीदारांच्या ६७ हजार ५०८ क्विंटल कापसाचा समावेश आहे. प्रतिक्विंटल सरासरी ५ हजार ५४०० ते ६ हजार १०० रुपये दर मिळाले.

सुरवातीला पाच हजार रुपये क्विंटलपेक्षा कमी दर होते. अखेरच्या टप्प्यात ते सहा हजारांवर पोचले होते. त्यामुळे कापूस साठवून ठेवलेल्या शेतकऱ्यांचा फायदा झाला. दुष्काळी स्थितीमुळे परभणी जिल्ह्यात कापूस उत्पादनात घट झाल्याने गतवर्षीच्या तुलनेत यंदा २ लाख ६५ हजार ९८६ क्विंटलची, तर नांदेड जिल्ह्यात ८ हजार ८८५३ क्विंटल कापूस खरेदी कमी झाली.


इतर ताज्या घडामोडी
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...