नागपूर ः कापूस उत्पादक शेतकऱ्यांकडील शिल्लक कापसाच्या खरेदीसाठी जिल्ह्यात १५ खरेदी सुरू करण्यात आले आहेत. त्या माध्यमातून येत्या १५ ते २० दिवसांत संपूर्ण कापसाची खरेदी होईल, अशी माहिती जिल्हाधिकारी रवींद्र ठाकरे यांनी दिली.
कापूस उत्पादक शेतकऱ्यांकडून सीसीआय तसेच महाराष्ट्र राज्य सहकारी कापूस उत्पादक पणन महासंघाकडून जिल्ह्यात कापसाची खरेदी होत आहे. कोरोनानंतर जाहीर लॉकडाऊननंतर ३९ हजार ३५२ शेतकऱ्यांनी कापूस विक्रीकरिता नोंदणी केली. त्यातील ३ हजार ५०४ शेतकऱ्यांचा कापूस खरेदी करण्यात आला आहे. अद्याप २५ हजार ६४८ शेतकऱ्यांकडून कापूस खरेदी खरेदीची प्रक्रिया सुरू आहे.
कापूस खरेदी करताना नोंदणीकृत शेतकऱ्यांकडूनच कापूस खरेदी करण्याचे निर्देश देण्यात आले आहे. त्यादृष्टीने आवश्यक खबरदारी घेण्यात आली आहे. रविवार वगळता इतर सुटीच्या दिवशी कापूस खरेदी सुरू राहणार असल्याची माहिती जिल्हाधिकारी ठाकरे यांनी दिली. कापूस खरेदीसाठी १५ जिनींग व प्रेसिंगमध्ये व्यवस्था करण्यात आली आहे. यासाठी आवश्यक ग्रेडर कृषी विभागामार्फत नियुक्त करण्यात आले आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.