agriculture news in Marathi, cottonseed Rates break the all records | Agrowon

सरकीने मोडला दराचा उच्चांक

चंद्रकांत जाधव
शुक्रवार, 31 मे 2019

जळगाव ः कापसासह सरकीच्या दरानी नवा उच्चांक गाठला असून, मागील सर्व विक्रम मोडीत काढत सरकीचे दर ३१५० रुपये प्रतिक्विंटलपर्यंत पोचले आहेत. सरकी उत्पादनाला फटका बसल्याने सरकीचा साठा मागील अनेक वर्षांमध्ये या हंगामात कमालीचा घटला आहे. आजघडीला फक्त दीड कोटी क्विंटल सरकीचा साठा जिनिंग प्रेसिंग कारखाने, ऑइल मिलमध्ये आहे. परिणामी सरकीसह ढेपीच्या दरात सतत सुधारणा सुरू आहे.

जळगाव ः कापसासह सरकीच्या दरानी नवा उच्चांक गाठला असून, मागील सर्व विक्रम मोडीत काढत सरकीचे दर ३१५० रुपये प्रतिक्विंटलपर्यंत पोचले आहेत. सरकी उत्पादनाला फटका बसल्याने सरकीचा साठा मागील अनेक वर्षांमध्ये या हंगामात कमालीचा घटला आहे. आजघडीला फक्त दीड कोटी क्विंटल सरकीचा साठा जिनिंग प्रेसिंग कारखाने, ऑइल मिलमध्ये आहे. परिणामी सरकीसह ढेपीच्या दरात सतत सुधारणा सुरू आहे.

या महिन्याच्या पहिल्या पंधरवड्यात सरकीचे दर तीन हजार रुपये प्रतिक्विंटल एवढे होते. मागील आठवडाभरात त्यात आणखी क्विंटलमागे १५० रुपयांची सुधारणा झाली असून, बुधवारी (ता. २९) सरकीचे दर ३१५० रुपये प्रतिक्विंटल, एवढे होते. देशात सरकीच्या उत्पादनात २०१८-१९ च्या हंगामात २० टक्के घट झाली आहे. भारतात सुमारे ११ कोटी क्विंटल सरकी उत्पादनाचा अंदाज होता. परंतु उत्पादन दोन कोटी क्विंटलने घटल्याची माहिती मिळाली. 

सरकी तेलासह पशुखाद्यास उठाव असल्याने सरकीची मागणी कायम आहे. सरकी ढेपीचे दर मागील पंधरवड्यात १७५० रुपये (प्रति ६० किलोस) असे होते. त्यात वाढ होऊन ढेपचे दर १८०० रुपयांपर्यंत पोचले आहेत. मागील वर्षी मे महिन्यात सरकीचे दर १८०० रुपये प्रतिक्विंटल, असे होते. तर ढेपचे दरही १२०० रुपयांपर्यंत होते. सरकीचा साठा मागील वर्षी मे अखेरीस सुमारे साडेतीन कोटी क्विंटल होता. या हंगामात मात्र सरकीचा साठा कमालीचा घटल्याने दरात मागील हंगामाच्या तुलनेत क्विंटलमागे किमान १३०० रुपयांनी वाढ दिसत आहे. 

राज्यातील सुमारे ४५० पैकी १५० ऑइल मिलकडे पुरेशी सरकी प्रक्रियेसाठी उपलब्ध होत आहे. अर्थातच सरकी तेलाचे उत्पादनही सुमारे ३० टक्‍क्‍यांनी घटले आहे. तर राज्यातील सुमारे ८०० पैकी फक्त १५० जिनिंग प्रेसिंग कारखाने सध्या व्यवस्थितपणे सुरू आहेत. त्यांना कापसासह सरकीचा तुटवडा भासत असून, जिनिंग प्रेसिंग कारखान्यांमधील ढेपीच्या उत्पादनात २५ टक्के घट झाल्याची माहिती जाणकारांनी दिली. 

कॉटन असोसिएशन ऑफ इंडियाचे सदस्य अनिल सोमाणी म्हणाले, ‘‘देशात सरकीचा साठा किमान अडीच ते तीन कोटी क्विंटल हवा होता, परंतु फक्त दीड कोटी क्विंटल सरकीचा साठा आहे. एवढ्या कमी साठ्यावर ऑइल मिल, जिनिंग प्रेसिंग कारखान्यांमध्ये पूर्ण क्षमतेने प्रक्रिया करणेही शक्‍य नाही. शिवाय उत्पादन वाढणार नाही, हे स्पष्ट आहे.’’

देशात सरकीचा साठा मागील हंगामाच्या तुलनेत निम्मेच आहे. यामुळे प्रक्रिया उद्योगांनाही फटका बसत आहे. दुसरीकडे देशात सरकीची आयात करता येत नाही. सरकीच्या आयातीवर बंदी असल्याने सरकीचा साठा वाढविणेही अशक्‍य आहे. नवीन हंगामातून कापूस येण्यास आणखी किमान पाच महिने लागणार आहेत. यामुळे सरकीच्या बाजारातील तेजी टिकून आहे. बाजार पुढेही वधारतील, अशी माहिती मिळाली.  

दुधाळ पशुधन पालकांनाही फटका
देशात हरियाना, पंजाब, राज्यात मराठवाडा, खानदेशात अनेक दुधाळ पशुधन पालक पशुधनास ढेपेऐवजी सरकी पशुखाद्य म्हणून देतात. या पशुपालकांना महागडी सरकी घ्यावी लागत आहेत. जळगावच्या बाजारात रोज किमान १५ मेट्रिक टन सरकी ढेपेची मागणी आहे. पण कमी उत्पादनामुळे ढेपीचा एवढा पुरवठा करतानाना जिनिंग प्रेसिंग कारखानदारांना काहीसे अशक्‍य होत असल्याचे सांगण्यात आले. 


इतर अॅग्रोमनी
अन्नधान्याचे यंदा विक्रमी उत्पादन नवी दिल्ली: देशात यंदा खरीप हंगामात...
राज्यातील रेशीम बाजारात १० कोटींची...नागपूर ः राज्यात रेशीमकोष खरेदी बाजारपेठेला...
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
गेल्या वर्षीच्या साखर निर्यातीसाठी...कोल्हापूर : गेल्या वर्षीची (२०१८-१९) साखर निर्यात...
आंतरराष्ट्रीय डाळ परिषदेकडे उद्योजकांचे...पुणे  : जागतिक कडधान्य उत्पादन व बाजारपेठेला...
कच्च्या साखरेच्या दरात उच्चांकी वाढकोल्हापूर : जागतिक बाजारात कच्च्या साखरेच्या दरात...
साखरेच्या दुहेरी किमतीसाठी सूत्र तयार...नवी दिल्ली: साखरेचे घसरणारे दर स्थिर...
आंतरपिकांतून कुटुंबाचे अर्थकारण केले...माचले (ता. चोपडा, जि. जळगाव) येथील दीपक माणिक...
खानदेशात १२ लाख गाठी बाजारात कापसाची आवकजळगाव : कापसाची खेडा खरेदी मागील आठवड्यात...
ब्राझील भारताकडून गव्हासह भरडधान्य...नवी दिल्ली: दोन्ही देशांच्या कृषिमंत्र्यांमध्ये...
हरभरा, सोयाबीन वगळता सर्व पिकांच्या...खरीप पिकाच्या उत्पादनात जरी घट अपेक्षित असली तरी...
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...