देशात कापूस लागवड क्षेत्रात वाढ

मुंबई ः चांगल्या पाऊसमानामुळे देशातील कापूस उत्पादक राज्यांमध्ये गेल्या वर्षीच्या तुलनेत यंदा लागवड क्षेत्रात ५.७ टक्क्यांनी वाढ झाली आहे. एकूण कापूस लागवड क्षेत्र १२.४ दशलक्ष हेक्टरवर झाले असल्याची माहिती केंद्रीय कृषी मंत्रालयाच्या माहितीतून समोर आले आहे.

मागील पाच वर्षांच्या सरासरीच्या आधारे लागवडीखालील क्षेत्राने ११.४८ दशलक्ष हेक्टर क्षेत्राच्या पेरणीच्या क्षेत्राच्या तुलनेत वाढ केली आहे. प्रमुख कापूस उत्पादक गुजरात आणि मध्य प्रदेश वगळता कापूस उत्पादक इतर राज्यांमध्ये लागवड वाढली आहे. गुजरातमध्ये लागवडीचे क्षेत्रफळ २.६ दशलक्ष हेक्टरवर २.३ टक्के कमी होते. महाराष्ट्रात लागवड क्षेत्र ४.३६ दशलक्ष हेक्टर होते. त्या तुलनेत ७.४ टक्क्यांनी वाढ झाली आहे. गुजरातसह महाराष्ट्राचा देशातील कापूस लागवडीत ५५ ते ६० टक्के हिस्सा आहे. तर तिसऱ्या क्रमांकाचे लागवड करणारे तेलंगण राज्य ठरले आहे. येथे १.७६ दशलक्ष हेक्टर लागवड झाली आहे. गतवर्षीच्या तुलनेत किंचीत अधिक आहे.

गुरुवारी मध्य प्रदेशात लागवडीखालील क्षेत्र ११.३ टक्क्यांनी घटून सहा लाख दहा हजार हेक्टर झाले आहे. साधारणत: एप्रिलच्या शेवटी उत्तर भारतातील सिंचनाखालील आणि जूनमध्ये देशातील पर्जन्यवृष्टीच्या क्षेत्रात कापूस लागवडीस सुरवात होते. भारतातील सुमारे ७० टक्के कापूस लागवड क्षेत्र पावसाळ्यावर अवलंबून आहे.

खाली दिलेल्या तक्त्यात कापूस लागवडीखालील क्षेत्र हेक्टरी दिलेले आहे. त्यात वर्षातील आणि वर्षानुवर्षे होणाऱ्या बदलांची तुलना टक्केवारीत दिली आहे.