agriculture news in Marathi country cotton production will down to 358 lac bales Maharashtra | Page 2 ||| Agrowon

देशातील कापूस उत्पादन ३५८ लाख गाठींवर येणार 

टीम अॅग्रोवन
शनिवार, 20 मार्च 2021

देशात यापूर्वी कापसाचे ३६० लाख गाठी उत्पादन होण्याचा अंदाज होता. मात्र आधीच्या अंदाजापेक्षा १.५० लाख गाठींनी उत्पादन कमी होईल. नव्या अंदाजानुसार देशांतर्गत कापूस उत्पादन ३५८.५० लाख गाठींवर राहील. 

नवी दिल्ली ः देशात यापूर्वी कापसाचे ३६० लाख गाठी उत्पादन होण्याचा अंदाज होता. मात्र आधीच्या अंदाजापेक्षा १.५० लाख गाठींनी उत्पादन कमी होईल. नव्या अंदाजानुसार देशांतर्गत कापूस उत्पादन ३५८.५० लाख गाठींवर राहील. तसेच महाराष्ट्रातील कापूस उत्पादनही ५ लाख गाठींनी घटले आहे, असे कॉटन असोसिएशन ऑफ इंडियाने (सीएआय) मार्च महिन्यातील अहवालात नमूद केले आहे. 

‘सीएआय’ने यंदाच्या ऑक्टोबर २०२० पासून सुरू झालेल्या यंदाच्या हंगामात कापूस उत्पादनात घट होण्याची शक्यता व्यक्त केली आहे. 

ऑक्टोबर २०२० ते फेब्रुवारी २०२१ या काळात बाजारात ४३०.८९ लाख गाठींची आवक झाल्याचे ‘सीएआय’ने म्हटले आहे. यात नवीन कापसाच्या २९८.८९ लाख गाठींसहित ७ लाख आयात गाठी आणि १२५ लाख जुन्या गाठींचा समावेश आहे. तसेच या कालावधीत बाजारात एकूण १३७.५० लाख गाठींचा वापर झाल्याचेही जाहीर केलेल्या अंदाजात नमूद केले आहे. तर फेब्रुवारीअखेर पर्यंत ३६ लाख कापूस गाठींची निर्यात झाल्याची माहितीही ‘सीएआय’ने दिली आहे. 

ही परिस्थिती लक्षात घेता फेब्रुवारीच्या शेवटी बाजारात २५७.३९ लाख गाठी शिल्लक असू शकतात. त्यातील ९२.५० लाख गाठी कापड गिरण्यांकडे, तर उर्वरित १६४.८९ लाख गाठी भारतीय कापूस महामंडळ अर्थात सीसीआय, महाराष्ट्र फेडरेशन आणि इतर संघटनांकडे असल्याचे हा अंदाज सांगतो. त्यात बहुराष्ट्रीय कंपन्या, व्यापारी, जिनर्स, एमसीएक्स आदींचा समावेश होतो. 

कापसाचा हा हंगाम ३० सप्टेंबरला समाप्त होईल. तोपर्यंत बाजारात ४९५.५० लाख कापूस गाठींचा पुरवठा होईल. एकूण कापूस पुरवठ्यात १२५ लाख जुन्या गाठी, यंदाच्या पिकातून मिळालेल्या ३५८.५० लाख गाठी आणि आयात केलेल्या १२ लाख गाठींचा समावेश असेल. या उलट गेल्या वर्षी १५.५० लाख कापूस गाठींची आयात झाल्याचा अंदाज आहे. 

६० लाख गाठी निर्यातीचा अंदाज 
देशात ३३० लाख कापूस गाठींची गरज भासेल असा अंदाज ‘सीएआय’ने कोरोना संकट काळात लागलेल्या टाळेबंदीपूर्वी वर्तवला होता. त्यात कुठलाही बदल करण्यात आलेला नाही. तर चालू हंगामात भारतातून ६० लाख कापूस गाठींच्या निर्यातीचा अंदाज आहे. गेल्या महिन्यात हाच आकडा ५४ लाख गाठींचा होता. त्यामुळे निर्यातीत वाढ होणार असल्याचे दिसते. गेल्या वर्षी ५० लाख गाठी कापसाची निर्यात झाली होती. यंदाच्या हंगामात १०७.५० लाख गाठी कापूस शिल्लक राहू शकतो. 

राज्यनिहाय उत्पादनातील वाढ, घट 
गुजरात ः
३ लाख गाठींची वाढ 
हरियाना ः १.५० लाख गाठी वाढ 
उ. राजस्थान ः २ लाख गाठींची वाढ 
द. राजस्थान ः १.५० लाख गाठींची घट 
महाराष्ट्र ः ५ लाख गाठींची घट 


इतर अॅग्रो विशेष
सर्वंकष आढावा घेऊन नुकसान भरपाई जाहीर...रत्नागिरी : ‘‘तुम्हाला पायावर उभे करण्यासाठी...
बहुपीक पद्धतीतून साधले नफ्याचे सूत्रकोल्हापूर जिल्ह्यातील शेंडूर (ता. कागल) येथील...
पावसाची उघडीप; पूरस्थिती कायम पुणे : कोकण, सातारा, कोल्हापूर, सांगली, पुण्यासह...
सांगलीत चौदा हजार जनावरांचे स्थलांतरसांगली : जिल्ह्यात अतिवृष्टीमुळे पूर पट्यातील...
कोसळलेला प्रसंग मोठा; तुमचं पुनर्वसन...मुंबई ः तुमच्यावर कोसळलेला प्रसंग मोठा आहे....
पावसाचा जोर पंधरा दिवस कमी राहण्याची...पुणे : मुसळधार पावसाने रत्नागिरी, रायगडसह,...
नऊ जिल्हे अतिवृष्टिबाधित मुंबई ः कोकण आणि पश्‍चिम महाराष्‍ट्रातील ९ जिल्हे...
वाशीम जिल्ह्यात ६९९ कोटींचे पीककर्ज वाटपवाशीम : जिल्ह्यात या खरीप हंगामासाठी शेतकऱ्यांना...
कोल्हापुरात पुराची भीती कायम कोल्हापूर : पावसाने शनिवारी (ता.२४) दुपारपर्यंत...
उपलोकायुक्त, सचिव, आयुक्तांनी सांगूनही...पुणे ः जलयुक्त शिवार अभियानावर खर्च दाखवलेल्या...
शेतीला मिळाली दुग्ध प्रक्रियेची जोडघोटावडे (ता. मुळशी, जि. पुणे) प्रियांका जालिंदर...
तुळशी धरणक्षेत्रात उच्चांकी ८९५...कोल्हापूर : जिल्ह्यातील तुळशी (ता.राधानगरी)...
टीका, आरोपांचा समाचार; दुसऱ्या दिवशीही...नवी दिल्ली : संयुक्त किसान मोर्चाने आयोजित शेतकरी...
कोकण, मध्य महाराष्ट्रात जोरदार पावसाची...पुणे : बंगालच्या उपसागरातील कमी दाबाच्या...
ढगफुटीने हाहाकारपुणे : पश्‍चिम महाराष्ट्रात मॉन्सूनच्या पावसाने...
सांगलीत नदीकाठच्या नागरिकांचे स्थलांतर सांगली ः चांदोली धरणक्षेत्रात अतिवृष्टी सुरू...
पीक विम्यासाठी ७२ तासांच्या आत नुकसान...पुणे ः राज्याच्या काही भागात अतिवृष्टी, पुराने...
कोल्हापुरात पावसाचे थैमान, पुराचा विळखा कोल्हापूर : जिल्ह्यात पावसाचा हाहाकार शुक्रवारीही...
तेवीस वर्षीय युवकाची पोल्ट्रीत दमदार...शिवपूर (जि. अकोला) येथील शुभम महल्ले या तरुणाने...
शेतीसह डाळी, बेसन पीठ प्रक्रिया ठरली...करकंब (ता. पंढरपूर, जि. सोलापूर) येथील सुधीर...