Agriculture news in Marathi The country produces 47.21 lakh tonnes of sugar | Page 2 ||| Agrowon

देशात ४७.२१ लाख टन साखरेचे उत्पादन

राजकुमार चौगुले
शनिवार, 4 डिसेंबर 2021

देशातील साखर हंगाम वेगाने सुरू झाला आहे. ३० नोव्हेंबर अखेर देशातील ४१६ कारखान्यांनी ४७.२१ लाख टन साखरेचे उत्पादन केले. गेल्या वर्षीच्या याच कालावधीच्या तुलनेत हे उत्पादन ७ लाख टनांनी अधिक आहे.

कोल्हापूर : देशातील साखर हंगाम वेगाने सुरू झाला आहे. ३० नोव्हेंबर अखेर देशातील ४१६ कारखान्यांनी ४७.२१ लाख टन साखरेचे उत्पादन केले. गेल्या वर्षीच्या याच कालावधीच्या तुलनेत हे उत्पादन ७ लाख टनांनी अधिक आहे. गेल्या वर्षी या कालावधीपर्यंत देशात ४०९ कारखाने सुरू होते त्यांनी ४३ लाख टन साखरेचे उत्पादन केले होते.

नोव्हेंबर अखेरच्या आकडेवारीनुसार महाराष्ट्राने पंधरवड्यापूर्वी घेतलेली साखर निर्मितीतील आघाडी कायम ठेवली आहे. महाराष्ट्र खालोखाल कर्नाटकने साखर निर्मितीत बाजी मारली असून या कालावधीत कर्नाटकने १२.७६ लाख टन साखर तयार केली आहे. उत्तर प्रदेशची घसरण तिसऱ्या स्थानावर झाली आहे. उत्तर प्रदेशने १०.३९ लाख टन साखरेचे उत्पादन घेतले आहे. ऑक्टोबरला देशातील साखर हंगाम सुरू झाला. यंदा महाराष्ट्रातून साखरेचे उत्पादन वाढण्याचा अंदाज आहे. हंगाम सुरू झाल्यानंतरच्या पहिल्या महिन्यात तरी महाराष्ट्राने अंदाजानुसार साखर उत्पादनात आघाडी घेतली आहे. प्रत्येक वर्षी सर्वाधिक साखर उत्पादन करणाऱ्या उत्तर प्रदेशची घसरण तिसऱ्या स्थानावर झाली आहे. पावसाळी हवामानामुळे उत्तर प्रदेशात अजूनही मोठ्या प्रमाणात साखर कारखाने सुरू झाले नसल्याने साखर निर्मिती कमी होत असल्याचे साखर उद्योगातील सूत्रांनी सांगितले.

विक्री स्थिती
यंदाच्या हंगामाच्या पहिल्या महिन्यात म्हणजे ऑक्टोबर, २०२१ मध्ये एकूण विक्री सुमारे २४.५० लाख टन होती, जी सरकारने दिलेल्या २४ लाख टनांच्या देशांतर्गत विक्री कोट्याच्या तुलनेत बरोबरीने होती. सरकारने सप्टेंबर चा २.५ लाख टन अतिरिक्त कोट्याच्या विक्रीचा कालावधी ३१ ऑक्टोबर पर्यंत वाढवला होता. सणासुदीच्या वाढीव मागणीमुळे या कालावधीत विक्री जास्त आहे.

निर्यातीत ही महाराष्ट्र, कर्नाटकचे वर्चस्व
उपलब्ध माहितीनुसार, यंदाच्या हंगामात निर्यातीसाठी सुमारे ३५ लाख टन साखर निर्यातीचे करार आधीच झाले आहेत. जेव्हा कच्या साखरेच्या किमती २०-२१ सेंट्स होत्या त्यावेळी हे करार झाले. सध्या कच्च्या साखरेच्या किमती १८.६  सेंट्सच्या आसपास आहेत. यामुळे कराराची सुरुवातीची गती काहीशी मंदावली आहे. किमती आणखी वाढण्याचा प्रतीक्षेत साखर कारखानदार आहेत. साखर निर्यातीत ही महाराष्ट्र, कर्नाटक ही राज्ये आघाडीवर आहेत. उत्तरेकडील राज्य अद्यापही निर्यातीच्या बाबतीत ही मागे असल्याचे साखर उद्योगातील सूत्रांनी सांगितले. 

महाराष्ट्रात पंधरवड्यात 
साखर निर्मितीत घट

महाराष्ट्रात सध्या होणारा मॉन्सूनोत्तर पाऊस वेगाने सुरू होणाऱ्या गणिताला ब्रेक लावण्याचे काम करीत आहे. विशेष करून पश्चिम महाराष्ट्रातील ऊस पट्ट्यात जोरदार पाऊस झाल्याने ऊस तोडणीला मोठे अडथळे आले. अनेक ठिकाणी ऊस तोडणी ठप्प झाली आहे. याचा साहजिकच परिणाम साखर निर्मितीवर होणार आहे. महाराष्ट्रात सर्वाधिक उत्पादन पश्चिम महाराष्ट्रात असल्याने डिसेंबरच्या पूर्वार्धात महाराष्ट्रातील साखर कारखान्यांची साखर उत्पादनाची गती काहीशी कमी राहण्याची शक्यता साखर उद्योगातील सूत्रांनी व्यक्त केली.


इतर बातम्या
मेळघाटच्या स्ट्रॉबेरीची पर्यटकांना भुरळचिखलदरा, जि. अमरावती : महाबळेश्वरच्या धर्तीवर...
नागपूर जिल्ह्यात एक कोटी ६३ लाखांचा...नागपूर : लोकसभा निवडणुकीपूर्वी मोदी सरकारने...
शेतजमिनीची कर्जे माफ करा;...कुरुंदवाड, जि. कोल्हापूर ः कर्मवीर दादासाहेब...
सांगली बाजार समितीला पुन्हा मिळाली...सांगली : सांगली कृषी उत्पन्न बाजार समितीसह सात...
अकोल्याचा सर्वसाधारण योजना नियतव्यय २००...अकोलाः जिल्ह्याच्या २०२२-२३ च्या सर्वसाधारण...
जवान अन् किसान देशाचे आधारस्तंभ:छगन...नाशिक: सैनिक जसे देशाचे रक्षण करतात, तसेच...
नाशिक: श्रमदान, लोकसहभागातून तीन दुर्गम...नाशिक: जिल्ह्याच्या पश्चिम भागातील आदिवासी...
यावल/फैजपूर, जि.जळगाव : हवामानमापक...यावल/फैजपूर, जि.जळगाव : तालुक्यात डिसेंबरमध्ये...
मंगळवेढ्यात मका खरेदी केंद्र सुरु, ...सोलापूर ः मंगळवेढा तालुका सहकारी खरेदी विक्री संघ...
जळगाव ः बोगस पशुवैद्यकांची यादी...जळगाव ः जिल्ह्यात बोगस डॉक्टर, बोगस पॅथॅलॉजी लॅब...
Top 5 News: रशिया-युक्रेन संघर्षाचा...1. सध्या पंजाबपासून झारखंडपर्यंत हवेचा कमी दाबाचा...
मोहरीच्या वायदेवापसीची मागणी का होतेय?वायदेबंदीला विरोध वाढतो आहे. मोहरीचे वायदे पुन्हा...
देशाची मोहरी क्रांतीकडे वाटचालपुणेः खाद्यतेल आणि पेंडच्या दरातील तेजीमुळे...
उत्तर भारतात मोहरी,हरभऱ्याला अवकाळीचा...अवकाळी पाऊस आणि वादळी वाऱ्यामुळे उत्तर भारतातील...
रब्बी पेरणीत मक्याचे वर्चस्ववृत्तसेवा - चालू रब्बी हंगामात (Rabbi Season...
कृषी ड्रोन खरेदीसाठी केंद्र सरकारचे...  कृषी क्षेत्रातील ड्रोनच्या (drone )...
यंदाच्या हंगामात इथेनॉलचा पुरवठा...वृत्तसेवा - इंधनाच्या आयातीवरील (Fuel Import)...
मस्त्यव्यावसायिकांनी शास्त्रशुद्ध...मस्त्यव्यवसाय क्षेत्राने देशांतर्गत गरजा...
भारत ठरला काकडीचा सर्वात मोठा...पुणे - भारत जगात काकडीची (Cucumber) निर्यात (...
किमान तापमानात घट शक्य पुणे : अरबी समुद्रावरून वाहणाऱ्या बाष्पयुक्त...