Agriculture news in Marathi The country's first agricultural export guidance center in Pune | Agrowon

देशातील पहिले कृषी निर्यात मार्गदर्शन केंद्र पुण्यात

टीम अॅग्रोवन
शनिवार, 15 मे 2021

राज्यातील शेतकरी व उदयोन्मुख निर्यातदारांना दिशादायक ठरणारे देशातील पहिले कृषी व शेतीमाल निर्यात माहिती व मार्गदर्शन केंद्र आजपासून (ता. १५) पुण्यात सुरू होत आहे.

पुणे ः राज्यातील शेतकरी व उदयोन्मुख निर्यातदारांना दिशादायक ठरणारे देशातील पहिले कृषी व शेतीमाल निर्यात माहिती व मार्गदर्शन केंद्र आजपासून (ता. १५) पुण्यात सुरू होत आहे.

मराठा चेंबर ऑफ कॉमर्स, इंडस्ट्रीज अँड अॅग्रिकल्चर (एमसीसीआयए) आणि राष्ट्रीय कृषी व ग्रामीण विकास बॅंक (नाबार्ड) यांच्या संयुक्त प्रयत्नातून हा महत्त्वाकांक्षी उपक्रम सुरू होत आहे. आज सकाळी ११.३० वाजता नाबार्डचे अध्यक्ष डॉ. जी. आर. चिंताला यांच्या हस्ते दूरदृश्‍यप्रणालीद्वारे या उपक्रमाचे उद्‌घाटन होत आहे. शेतकऱ्यांना https://tinyurl.com/३३frsp२r या लिंकद्वारे उद्‌घाटन कार्यक्रमात सहभागी होता येईल.

‘एमसीसीआयए’च्या कृषी व कृषी व्यवसाय समितीचे अध्यक्ष निवृत्त सनदी अधिकारी उमेशचंद्र सरंगी, एमसीसीआयएचे अध्यक्ष सुधीर मेहता व महासंचालक प्रशांत गिरबाने या वेळी उपस्थित राहणार आहेत. कृषी निर्यात मार्गदर्शन केंद्राची संकल्पना सरंगी यांनी मांडल्यानंतर गेल्या काही दिवसांपासून ते या उपक्रमावर सातत्याने काम करीत आहेत. एमसीसीआयएच्या माध्यमातून हे केंद्र राज्यातील निर्यातदारांसाठी ‘वन स्टॉप-शॉप’ या धर्तीवर काम करणार आहे.

नवोदित निर्यातदारांना या केंद्रातून विविध विषयांवर मार्गदर्शन मिळणार आहे. यात कीडनाशकांचे उर्वरित अंशाचे व्यवस्थापन, ग्लोबल गॅप प्रमाणीकरण, विविध आयातदार देशांकडून कोणत्या शेतमालासाठी गुणवत्तेचे कोणते निकष लावले जात आहेत याविषयी केंद्रातून माहिती दिली जाईल. निर्यातक्षम बागांचे व्यवस्थापन, काढणी, पद्धती, गुणवत्तेची नियमावली, उत्पादन तंत्रज्ञान, हरितगृहातील उत्पादन, काढणीपश्‍चात तंत्रज्ञान, पॅकेजिंग, विविध देशांना हवाई किंवा सागरी मार्गे शेतीमाल निर्यात पाठवण्याचे निकष अशा महत्त्वपूर्ण बाबींवर या केंद्रातून सखोल मार्गदर्शन केले जाणार आहे.

एमसीसीआयएच्या माध्यमातून देशातील पहिले कृषी व शेतीमाल निर्यात माहिती व मार्गदर्शन केंद्र चालू होते असल्याबद्दल आम्हाला समाधान वाटते आहे. यातून राज्यातील कृषी निर्यातीला आणखी चालना मिळेलच; पण त्याचा शेतकऱ्यांनाही मिळणार आहे. शेतकऱ्यांना समृद्ध करणारी निर्यात व्यवस्था बळकट करण्याचे ध्येय या केंद्राचे आहे.
- उमेशचंद्र सरंगी, अध्यक्ष, एमसीसीआयए कृषी व कृषी व्यवसाय समिती

कृषी निर्याती संबंधी जागृती घडवून आणणारे विविध उपक्रम, प्रशिक्षण आणि कार्यशाळा देखील या केंद्राकडून आयोजित केल्या जाणार आहेत. याशिवाय निर्यात प्रकल्पांना भेटी, बायर- सेलर मिट्‌स असे उपक्रम घेत निर्यातीसंबंधी उत्साहाचे वातावरण तयार केले जाईल. यात आम्ही अपेडा, राज्य व केंद्राच्या निर्यातविषयक विविध योजनांची माहिती देणार आहोत.
- प्रशांत गिरबाने, महासंचालक, एमसीसीआयए


इतर ताज्या घडामोडी
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...
खानदेशात अनेक भागांत पावसाची हजेरीजळगाव ः खानदेशात बुधवारी (ता. १६) अनेक भागांत...
दूध दरवाढीसाठी पुणे जिल्ह्यात निदर्शनेपुणे : लॉकडाउनच्या काळात मागणी घटल्याचे कारण देत...
खतांची जादा दराने विक्री करणाऱ्यांवर...वाशीम : जिल्ह्यातील चार महसूल मंडळांचा अपवाद...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
खतांची कार्यक्षमता वाढविण्यासाठी...माती परीक्षणाच्या आधारावर पिकांना द्यावयाची...
सोयाबीन पिकावरील खोडमाशीचे एकात्मिक...खोडमाशीच्या अळ्या प्रथम पाने पोखरून पानांच्या...
तंत्र तीळ लागवडीचेतीळ पीक आपत्कालीन पीक, आंतरपीक व मिश्र पीक म्हणून...
खानदेशात कांदा दरात सुधारणाजळगाव ः खानदेशात लाल कांद्याच्या दरात गेल्या चार-...
नऊ कृषी सहायकांकडे १०४ गावांची जबाबदारीबुलडाणा ः राज्याचे कृषी सचिव एकनाथ डवले यांच्या...
पावसाअभावी विदर्भात तीन टक्के...नागपूर : पेरणी योग्य पाऊस न झाल्यामुळे विदर्भात...
आरक्षणाबाबत लोकप्रतिनिधींनी आपली...कोल्हापूर : मराठा आरक्षणासाठी आजपासून (ता. १६)...
‘मिहान’मध्ये गुंतवणूक वाढविण्याची ...नागपूर : विदर्भाचे भविष्य बदलविणारा मिहान प्रकल्प...
मेळघाटातील गावाला होणार सौरऊर्जेचा...अमरावती : धारणी तालुक्यातील चोपण या दुर्गम गावात...
सोलापुरात खरीप हंगामात शेतकऱ्यांसाठी...सोलापूर : जिह्यातील शेतकऱ्यांनी आधुनिक...
मुसळधार पावसाने सिंधुदुर्ग जिल्ह्याला...सिंधुदुर्गनगरी : सिंधुदुर्ग जिल्ह्यात सलग तिसऱ्या...
केंद्राने साखर निर्यातीसाठी अनुदान...शिराळा, जि. सांगली : केंद्र शासनाने साखर निर्यात...
धरणांच्या पाणलोट क्षेत्रात पावसाची उसंतपुणे : पुणे जिल्ह्यातील धरणाच्या पाणलोट क्षेत्रात...