Agriculture news in marathi The country's sugar production soared | Agrowon

देशाची साखर उत्पादनात उच्चांकी झेप 

टीम अॅग्रोवन
शनिवार, 17 एप्रिल 2021

साखर उत्पादनात देशाची घोडदौड ३०० लाख टनांकडे गतीने होत आहे. १५ एप्रिल अखेर देशात २९० लाख टन साखरेचे उत्पादन झाले. येत्या काही दिवसांत साखर उत्पादनाचा आकडा ३०० लाखांचा पल्ला गाठण्याची शक्‍यता आहे.

कोल्हापूर ः साखर उत्पादनात देशाची घोडदौड ३०० लाख टनांकडे गतीने होत आहे. १५ एप्रिल अखेर देशात २९० लाख टन साखरेचे उत्पादन झाले. येत्या काही दिवसांत साखर उत्पादनाचा आकडा ३०० लाखांचा पल्ला गाठण्याची शक्‍यता आहे. देशात अजूनही १७० साखर कारखान्यांचा हंगाम सुरू असल्याने यंदाचा हंगाम विक्रमी उत्पादकतेचा ठरणार हे निश्‍चित होत आहे. गेल्या वर्षी याच कालावधीत २४८ लाख टन उत्पादन झाले होते. यात यंदा ४२ लाख टनांची भर पडली आहे. 

महाराष्ट्र, उत्तर प्रदेशात ‘शेकडा’ 
एप्रिलच्या पहिल्या पंधरवड्याअखेर महाराष्ट्र व उत्तरप्रदेशच्या राज्यांनी साखर उत्पादनाचा शेकडा पार केला आहे. महाराष्ट्रात १०४, तर उत्तर प्रदेशात १०० लाख टनांहून अधिक उत्पादन झाले आहे. दोन्ही राज्यांत अजूनही हंगाम सुरू असल्याने साखर उत्पादनात अपेक्षित असणारी मोठी वाढ प्रत्यक्षात येत आहे. देशाच्या उत्पादनात तीन चतुर्थांश वाटा असणाऱ्या या दोन्ही राज्यांत अद्याप गाळप सुरू आहे. 

कर्नाटकासह बिहार, तेलंगणा, छत्तीसगड, पंजाब, तेलंगणा आदी राज्यांचा पूर्ण हंगाम आटोपला आहे. तमिळनाडू, गुजरातचा हंगाम येत्या पंधरा दिवसांत संपेल, अशी शक्‍यता सूत्रांची आहे. महाराष्ट्र व उत्तर प्रदेश या राज्यात मात्र हंगाम आणखी पंधरा दिवसांहून अधिक काळ चालेल यामुळेच साखर उत्पादनात आणखी भर पडणार आहे 

गतवर्षीपेक्षा तीस कारखाने अधिक सुरू 
गेल्या वर्षीच्या तुलनेत यंदा या कालावधीपर्यंत तीस अतिरिक्त कारखाने सुरू आहेत. गेल्या वर्षी या कालावधीत १४० कारखाने सुरू होते. यंदा १७० कारखाने सुरू आहेत. यामुळेच साखर उत्पादनाची गती गेल्या वर्षीपेक्षा अधिक असल्याची माहिती साखर उद्योगातील सूत्रांनी दिली. 

राज्यनिहाय साखर उत्पादन १५ एप्रिल अखेर (लाख टन) 
महाराष्ट्र १०३.९५ 
उत्तर प्रदेश १००. ८६
कर्नाटक ४१.४५
तमिळनाडू ५.८५
गुजरात ९.५०
इतर राज्ये २९. ३० 
(आकडेवारी स्रोत---इस्मा) 

इतर अॅग्रोमनी
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...
जागतिक बाजारात साखर दरात घटकोल्हापूर : जगातील सर्वांत जास्त साखर उत्पादन...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
मोहरीतील तेजीची कारणे  वेगळीच ः विजय...नागपूर : बाजारात हमीभावापेक्षा मोहरीला जास्त दर...
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
महाराष्ट्राला साखर वाहतूक अनुदान...कोल्हापूर : महाराष्ट्रातील साखर कारखान्यांना...
इंडोनेशिया, अफगाणिस्तानला ४८ टक्के साखर...कोल्हापूर : गेल्या सहा महिन्यांत देशातून निर्यात...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
साखर निर्यातीचा ‘गोडवा’ वाढलाकोल्हापूर : केंद्राकडून साखर निर्यात धोरण जाहीर...
पाम तेल आयातीवर श्रीलंकेचा ‘सर्जिकल...कोलंबो : श्रीलंका सरकारने पाम तेलाच्या आयातीवर...
सोयाबीनची तेजी अबाधित पुणे ः यंदा सोयाबीच्या दरांमध्ये झालेली सुधारणा...
भारताकडून पिवळ्या वाटाण्याची आयात बंद पुणे ः युक्रेनमधून पिवळ्या वाटाण्याची आयात करणारा...
बेदाण्याला दराची गोडीसांगली ः यंदाचा बेदाणानिर्मितीचा हंगाम अंतिम...
हरभरा दरवाढीचे संकेतपुणे ः देशातील महत्त्वाच्या हरभरा उत्पादक...