कृषी विक्रेत्यांसाठी पदविका अभ्यासक्रम : पंदेकृवि-धानुकामध्ये होणार करार

कृषी विक्रेत्यांसाठी पदविका अभ्यासक्रम : पंदेकृवि-धानुकामध्ये होणार करार
कृषी विक्रेत्यांसाठी पदविका अभ्यासक्रम : पंदेकृवि-धानुकामध्ये होणार करार

अकोला : कृषी क्षेत्रात काम करणाऱ्या विक्रेत्यांसाठी एक वर्ष कालावधीचा अभ्यासक्रम बनविण्यात अाला अाहे. हा अभ्यासक्रम शिकवण्यासाठी डॉ. पंजाबराव देशमुख कृषी विद्यापीठ आणि धानुका ॲग्रिटेक लिमिटेड यांच्यात सोमवारी (ता. १४) सामंजस्य करार होत आहे, अशी माहिती धानुकाचे ग्रुप चेअरमन अार. जी अग्रवाल यांनी दिली.  या उपक्रमाची श्री. अग्रवाल यांनी येथे घेतलेल्या पत्रकार परिषदेत माहिती दिली. या वेळी ज्येष्ठ शास्त्रज्ञ डॉ. सी. डी. मायी उपस्थित होते. श्री. अग्रवाल म्हणाले, की कंपनीने सहा वर्षांपूर्वी पुढाकार घेत गुजरातमध्ये विद्यापीठाच्या सहकार्याने कृषी विक्रेत्यांसाठी असा अभ्यासक्रम राबविणे सुरू केले. तेथे सर्वच विक्रेते अाता हा पदविका अभ्यासक्रम पूर्ण करीत अाहेत. महाराष्ट्रात धानुका ॲग्रिटेक विद्यापीठासोबत सार्वजनिक-खासगी भागीदारीअंतर्गत पुढाकार घेत अाहे. ५२ अाठवडे चालणारा हा अभ्यासक्रम करणाऱ्या पहिल्या बॅचच्या ४० जणांची ५० टक्के फी (प्रत्येकी १० हजार रुपये) धानुकातर्फे भरली जाणार अाहे. विदर्भातील हवामानाला अनुसरून असलेल्या कृषिविषयक स्थितीचा विचार करून डॉ. पंजाबराव देशमुख कृषी विद्यापीठात एंटोमोलॉजी विभागाने या अभ्यासक्रमाची रचना केली आहे. अभ्यासक्रमासाठी आवश्यक ते सर्व साहित्य विक्रेत्यांना पुरविण्यात येणार आहे. अभ्यासक्रम पूर्ण करणाऱ्या विक्रेत्यांना कृषी क्षेत्रात अालेल्या बदलांची माहिती होईल. पर्यायाने हे ज्ञान शेतकऱ्यांपर्यंत जाईल असा विश्वास श्री. अग्रवाल यांनी व्यक्त केला. डॉ. मायी यांनी अभ्यासक्रमाबाबत सविस्तर माहिती दिली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com