agriculture news in Marathi court action on soybean seed companies Maharashtra | Agrowon

निकृष्ट सोयाबीन बियाणे प्रकरणी कंपन्यांविरुद्ध न्यायालयीन कारवाई 

टीम अॅग्रोवन
मंगळवार, 27 ऑक्टोबर 2020

खरीप हंगामात सोयाबीन बियाणे उगवले नसल्याने यंदा शेकडोंच्या संख्येने तक्रारी झाल्या होत्या. याबाबत गुणवत्ता नियंत्रण विभागाने बियाण्याचे नमुने घेतले. 

अकोला ः खरीप हंगामात सोयाबीन बियाणे उगवले नसल्याने यंदा शेकडोंच्या संख्येने तक्रारी झाल्या होत्या. याबाबत गुणवत्ता नियंत्रण विभागाने बियाण्याचे नमुने घेतले. आता कंपन्यांविरुद्ध न्यायालयीन कारवाई सुरु केली आहे. यामध्ये विक्रेत्यांची नावे जोडण्यात आल्याने एकच खळबळ उडाली. विक्रेत्यांनी ‘आमची चूक काय?’ अशा आशयाचे पत्र काढत या कारवाईचा निषेध केला आहे. शिवाय जिल्हाधिकारी, कृषी विभागाला निवेदन देत गुरुवारी (ता.२९) बियाणे विक्रीचे परवाने परत करण्याचा इशारासुद्धा दिला आहे. 

अकोला जिल्हा कृषी व्यावसायिक संघाने जिल्हाधिकारी, जिल्हा अधिक्षकांना दिलेल्या पत्रात म्हटले की, कृषी अधीक्षकांच्या अधीन असलेल्या बियाणे परवान्याअंतर्गत वेगवेगळ्या कंपन्यांचे सीलबंद प्रमाणित बियाण्यांची विक्री केली जाते. यंदाच्या सोयाबीन उगवण तक्रारीअंतर्गत विक्रेत्यांनी दोन वेळा खुलासे दिल्यानंतरही त्यांना न्यायालयात हजर राहण्याच्या नोटीस आलेल्या आहेत.

न्यायालयीन कारवाई करण्यापूर्वी संबंधितांसोबत चर्चा करणे अपेक्षित होते. शुक्रवारी (ता.23) संघटनेचे पदाधिकारी जिल्हा अधीक्षकांना भेटले असता त्यांनी वरून प्रेशर असल्याने कारवाई होणारच असल्याचे सांगितले. विभागाकडून वारंवार होणाऱ्या कारवाईमुळे व खुलासा देऊनही समाधान होत नसल्यामुळे सर्व सभासदांच्या एकमताने गुरुवारी जिल्ह्यातील सर्व विक्रेते आपले बियाणे परवाने तालुका कृषी अधिकाऱ्यांना परत देऊन विक्री बंद केली जाईल, असे म्हटले आहे. 

या प्रश्‍नावर तोडगा काढण्याच्या उद्देशाने सोमवारी (ता.26) जिल्हा अधीक्षकांनी विक्रेत्यांसोबत पुन्हा चर्चा सुद्धा केली. आपण विक्रेत्यांनी प्रशासनाला सहकार्य करण्याचे आवाहन केल्याचे ते म्हणाले. 

बियाण्याबाबत शेकडो तक्रारी 
हंगामात काही बियाणे कंपन्यांनी निकृष्ट बियाणे पुरविल्याचा फटका थेट शेतकऱ्यांना बसला. शेतकऱ्यांना दुबार, तिबार पेरणीला सामोरे जावे लागले होते. याबाबत जिल्हयात सुमारे सहाशेपेक्षा अधिक तक्रारी असल्याचे समजते. आता कृषी खात्याने संबंधित कंपन्यांविरुद्ध न्यायालयीन लढा सुरु केला असून शासनाच्या बियाणे कंपनी कायद्याविरुद्ध केसेस दाखल केल्या आहेत. या कारवाईच्या अनुषंगाने संबंधित बियाणे विक्रेत्याचे नाव केसमध्ये आल्याने याला विक्रेत्यांकडून विरोध होत आहे. आमची चूक नसल्याचा दावा विक्रेते करीत आहेत. 

प्रतिक्रिया
आपण गुणवत्ता नियंत्रणासाठी दरवर्षी कारवाई करीत असतो. आपण ज्यावेळी एखाद्या कंपनीविरुद्ध कारवाई करतो त्यावेळी संबंधित विक्रेत्यांविरुद्ध कारवाई करावी लागते. यंदाच्या कारवाईबाबत कृषी विक्रेत्यांचे काही बाबींवर आक्षेप आहेत. परंतु ही कारवाई काही पहिल्यांदाच झालेली नाही. त्यामुळे मी संघटनेच्या पदाधिकाऱ्यांना आंदोलन करू नये याबाबत विनंती केली आहे. 
-उदयकुमार नलवडे, जिल्हा अधिक्षक कृषी अधिकारी, अकोला 
 


इतर अॅग्रो विशेष
केंद्राचा चर्चेचा प्रस्ताव नाकारला;...नवी दिल्ली (वृत्तसंस्था) : केंद्र सरकारच्या वतीने...
...येथे कांदा रोपे राखणीसाठी...विसापूर, जि. सातारा  : सोन्याचे दाग-दागिने,...
कृषी विभागात आगामी बदल्या समुपदेशनाने...पुणे : कोविड-१९ साथीमुळे कृषी विभागात यंदा...
बंगालच्या उपसागरात तीव्र कमी दाबाच्या...पुणे :  निवार चक्रीवादळाचा प्रभाव निवळत...
कृषी पदव्युत्तर पदवीच्या प्रवेश...पुणे : राज्यातील चारही कृषी विद्यापीठाअंतर्गत...
सातत्य राखलेले पशुपालन ठरले शेतीलाही...यवतमाळ जिल्ह्यातील लोही (ता. दारव्हा) येथील...
अतिदुर्गम भागात दुग्धव्यवसायातून...आदिवासी व अतिदुर्गम असलेल्या शेलद- मुंढेवाडी (ता...
प्रक्रिया उद्योगाअभावी संत्रा...नागपूर : राज्यात सध्या संत्र्याखालील सर्वाधिक...
वीस हजार अन्न प्रक्रिया उद्योग होणार...पुणे : प्रधानमंत्री सुक्ष्म अन्न उद्योग उन्नयन...
महाबळेश्वरमध्ये प्रायोगिक तत्त्वावर...मुंबई : महाराष्ट्राचे मिनी काश्मीर आता...
पदवीच्या दुसऱ्या वर्षाच्या प्रवेश...पुणे ः कृषी व मत्स्य विद्याशाखेच्या पदवी...
दुर्गम भागातील गावकऱ्यांनी स्वतःच केला...जामली, जि. अमरावती ः चिखलदरा तालुक्‍यातील...
बारदान्याच्या ६५ कोटींची शेतकऱ्यांना...भंडारा: गेल्या खरीप व रब्बी हंगामात स्वतःचा...
ढगाळ वातावरणामुळे द्राक्ष उत्पादक...सांगली ः : मागील दोन दिवसांतील थंड वारे, ढगाळ...
ऊस तोडणीसाठी हार्वेस्टरला पसंती पुणे : मजूर टंचाईमुळे राज्यातील साखर...
‘ऑपरेशन ग्रीन’ डिसेंबरपर्यंत चालणार पुणे : ‘ऑपरेशन ग्रीन’अंतर्गत भाजीपालावर्गीय...
शासकीय केंद्रातं खरेदीत कापूस कटतीतून...जळगाव ः शासकीय कापूस खरेदीने शेतकऱ्यांना आधार...
गगनबावड्यात यंदा सर्वाधिक पाऊस पुणे ः देशात यंदा परतीचा मॉन्सून अधिक काळ...
ढगाळ वातावरणामुळे आंबा, काजू बागायतदार...सिंधुदुर्ग : जिल्ह्यात ढगाळ वातावरण निर्माण झाले...
आश्वासक रब्बीही ठरतोय आव्हानात्मकखरीप हंगामात झालेली अतिवृष्टी आणि लांबलेल्या...