Agriculture news in Marathi Creation of skilled manpower from Parbhani Agricultural University | Page 2 ||| Agrowon

परभणी कृषी विद्यापीठाकडून कुशल मनुष्यबळाची निर्मिती

टीम अॅग्रोवन
सोमवार, 25 ऑक्टोबर 2021

वसंतराव नाईक मराठवाडा कृषी विद्यापीठ यंदा (२०२१) सुवर्ण महोत्सवी वर्षे साजरे करत आहे. यंदापर्यंत विद्यापीठाने विविध विद्याशाखांतील मिळून एकूण ४७ हजार ३४५ स्नातकांच्या कुशल मनुष्यबळाची निर्मिती केली आहे.

परभणी ः वसंतराव नाईक मराठवाडा कृषी विद्यापीठ यंदा (२०२१) सुवर्ण महोत्सवी वर्षे साजरे करत आहे. यंदापर्यंत विद्यापीठाने विविध विद्याशाखांतील मिळून एकूण ४७ हजार ३४५ स्नातकांच्या कुशल मनुष्यबळाची निर्मिती केली आहे. शेती, उद्योग, प्रशासकीय सेवेत विद्यापीठाचे पदवीधर कार्यरत आहेत. ही माहिती कुलगुरू डॉ. अशोक ढवण यांनी दिली.

सोमवारी (ता. २५) आयोजित विद्यापीठाच्या २३ व्या दीक्षान्त समारंभाच्या अनुषंगाने डॉ. ढवण बोलत होते. सन १९५६ मध्ये स्थापन झालेल्या कृषी महाविद्यालयाच्‍या माध्यमातून परभणी येथे कृषी शिक्षणाचा श्रीगणेशा झाला. मराठवाड्यातील शेतकरी, कृषी क्षेत्राच्‍या विशेष गरजा तसेच लोकभावना लक्षात घेऊन परभणी येथे १८ मे १९७२ रोजी मराठवाडा कृषी विद्यापीठाची स्‍थापना करण्‍यात आली. हरितक्रांतीचे प्रणेते वसंतराव नाईक यांच्‍या जन्‍मशताब्‍दी वर्षानिमित्त त्‍यांच्‍या राज्‍यातील कृषी क्षेत्रातील अतुलनीय योगदानाबद्दल १ जुलै २०१३ रोजी विद्यापीठाचा वसंतराव नाईक मराठवाडा कृषी विद्यापीठ असा नामविस्‍तार करण्‍यात आला आहे. 

या विद्यापीठाचे कार्य शिक्षण, संशोधन आणि विस्तार शिक्षण तीन शाखांद्वारे चालते. सद्यःस्थितीत या विद्यापीठांतर्गत १२ घटक आणि ४३ संलग्‍न महाविद्यालये आहेत. तसेच ९ घटक आणि २० कृषी तंत्र विद्यालये, २८ संलग्‍न कृषी तंत्र निकेतने आहेत. याद्वारे विद्यार्थ्‍यांना कृषिविषयक शिक्षण देण्‍यात येते. विद्यापीठांतर्गत कृषी, उद्यानविद्या,अन्न तंत्रज्ञान, कृषी अभियांत्रिकी व तंत्रज्ञान, कृषी व्‍यवसाय व्‍यवस्‍थापन, समुदाय विज्ञान (गृहविज्ञान) या विद्याशाखांतर्गत पदवी तसेच पदव्युत्तर पदवी अभ्यासक्रम चालविले जातात. जैवतंत्रज्ञान विषयात पदवी अभ्यासक्रम आहे. कृषी शाखेच्‍या नऊ विषयांत, अन्नतंत्रज्ञान शाखेत पाच विषय, कृषी अभियांत्रिकी शाखेतील चार, समुदाय विज्ञान (गृहविज्ञान) शाखेत एका विषयात आचार्य पदवी (पीएच.डी.) अभ्यासक्रम राबविण्‍यात येतो.

या वर्षीपर्यंत झालेल्या २२ दीक्षान्त समारंभाद्वारे पदवी, पदव्युत्तर, आचार्य पदवीचे मिळून एकूण ३६ हजार ३४८ स्नातकांनी विद्यापीठाच्या पदव्या प्राप्त केल्या आहेत. सोमवारी (ता. २५) आयोजित दीक्षान्त समारंभाद्वारे विविध विद्याशाखांच्या पदवी, पदव्युत्तर, आचार्य पदवी मिळून एकूण १० हजार ९९७ स्नातकांना प्रतिकुलपतीद्वारे अनुग्रहित करण्यात येणार आहे.

विविध क्षेत्रांत विद्यापीठाचे मनुष्यबळ...
परभणी कृषी विद्यापीठाचे अनेक पदवीधर यशस्वी शेती करत आहेत. अनेक जण अन्न प्रक्रिया उद्योजक आहेत. कृषी विद्यापीठे, कृषी विभाग, महाबीज, ग्रामविकास, महसूल, पणन, सहकार विभागासह विविध प्रशासकीय सेवा, बॅंकांमधील विविध पदांवर कार्यरत आहेत. याशिवाय खासगी कृषी निविष्ठा उत्पादक कंपन्या, अन्नप्रक्रिया, शेतीमाल प्रक्रिया उद्योगांमध्ये विद्यापीठाद्वारे निर्मित कुशल मनुष्यबळ कार्यरत आहे.


इतर बातम्या
नवीन ११४० कृषिपंपांना जोडण्या ः पडळकरनांदेड : ‘‘राज्य शासनाने सुरू केलेल्या कृषिपंप...
नाशिक: किमान आधारभूत किंमत योजनेंतर्गत...नाशिक: खरीप पणन हंगाम २०२१-२२ मध्ये केंद्र...
सांगली जिल्ह्यात बाधित पिकांचे पंचनामे...सांगली ः जिल्ह्यात गेल्या पाच ते सहा दिवसांपूर्वी...
जळगाव : नावासह पत्ता दुरुस्तीसाठी  ६५...जळगाव : जिल्ह्यात मतदार यादी विशेष संक्षिप्त...
खानदेशात रब्बी पिकांची पेरणी रखडत जळगाव ः खानदेशात रब्बी पिकांची पेरणी रखडतच सुरू...
नाशिक : दुधाळ जनावरांच्या गटवाटप ...नाशिक : पशुसंवर्धन विभागामार्फत नावीन्यपूर्ण...
सोलापूर :सिद्धेश्‍वर कारखान्याला...सोलापूर ः कुमठे येथील श्री सिद्धेश्‍वर सहकारी...
राज्यामध्ये थंडीत वाढ होण्याची शक्यतापुणे : राज्याच्या किमान तापमानात घट होऊ लागली आहे...
मराठवाड्यात रब्‍बीत कपाशीची लागवडऔरंगाबाद : मराठवाडा म्हणजे कपाशीचा पट्टा. या...
मर रोगामुळे तुरीचे उभे पीक वाळू लागलेनांदेड : जिल्ह्यात अतिवृष्टीच्या तडाख्यातून...
बळिराजासाठी पोलिस आले धावूनसिरोंचा, गडचिरोली : शेतात पांढरे सोने, अर्थात...
आंदोलनातील शहिदांना आर्थिक भरपाई द्यावी...नवी दिल्ली ः कृषी कायद्यांविरोधातील शेतकरी...
आरक्षण नाही, तर मतदान नाही; ओबीसींचा...भंडारा : २७ टक्के ओबीसी आरक्षणाबाबत राज्य सरकारने...
सोयाबीन बाजारात हेलकावेपुणे ः पंधरा दिवसांपासून सोयाबीन बाजारात चढ-उतार...
नांदेड जिल्ह्यात फळपीक विमा मंजुरीची...नांदेड : मागील वर्षी मृग तसेच आंबिया बहरासाठी...
औरंगाबाद : जमिनीवरील अत्याचार थांबवू;...औरंगाबाद : आम्ही आमच्या गावातील जमिनीवर होणारे...
प्रोग्रेसिव्ह पॅनेलला  काठावरचे बहुमत पुणे ः पुणे बाजार समितीमधील भुसार व्यापाऱ्यांची...
उत्पादन खर्च वाढल्याने येवल्याची पैठणी...येवला, जि. नाशिक : राजवस्त्र, अर्थात येवल्याची...
रेशीम कोषाला सोनेरी दिवसपुणे : चालू वर्षी रेशीम कोषाला सोन्याचे दिवस आले...
पुणे :एकवीस जागांसाठी २९९ अर्जपुणे : पुणे जिल्हा मध्यवर्ती सहकारी बँकेच्या...