agriculture news in marathi, crisis continue of flood affected lands panchanama, nagar, maharashtra | Page 2 ||| Agrowon

नगर जिल्ह्यातील वाहून गेलेल्या जमिनीच्या पंचनाम्याचा घोळ कायम

टीम अॅग्रोवन
मंगळवार, 20 ऑगस्ट 2019

मंजूर (ता.कोपरगाव) येथे बंधाऱ्यापासून नदी पडल्याने जमिनीचे नुकसान झाले असून त्या जमिनी मुळापासून नष्ट झाल्या आहेत. याबाबत मी तिथे जाऊन स्वतः माहिती घेतली. नुकसानीच्या पिकाचे पंचनामे झाले असून नष्ट झालेल्या जमिनीचे ही लवकरच पंचनामे करणार आहोत.
- अशोक आढाव, तालुका कृषी अधिकारी, कोपरगाव जि. नगर.

नगर : पुराच्या पाण्याने वाहून गेलेल्या जमिनीचे पंचनामे करण्याचा घोळ कायम आहे. त्यामुळे कोपरगाव तालुक्यातील मंजूर येथील शेतकऱ्यांसह जिल्हाभरातील अनेक शेतकऱ्यांना मदतीची प्रतीक्षा कायम आहे. वाहून गेलेल्या जमिनीची माती नेमकी किती असेल याचा महसूल प्रशासनाला अंदाज येत नसल्याने आता यासाठी पाटबंधारे विभागाची मदत घेतली जाणार असल्याचे सांगण्यात आले. मंजूर येथे वाहून गेलेल्या जमिनीबाबत तेथील शेतकऱ्यांची भेट घेऊन तालुका कृषी अधिकारी अशोक आढाव यांनी माहिती घेतली.

नगर जिल्ह्यामध्ये अजूनही जोरदार पाऊस नाही मात्र नाशिक आणि पुणे जिल्ह्यात झालेल्या पावसामुळे सहन नद्यांना पूर आल्याने नदीकाठच्या जमिनी वाहून गेल्याचे प्रकार घडले आहेत. प्रशासनाने घेतलेल्या प्राथमिक माहितीनुसार, जिल्हाभरातील १०० पेक्षा जास्त शेतकऱ्यांची साधारण ४५ हेक्टर जमीन वाहून गेल्याचा प्राथमिक अहवाल प्रशासनाने तयार केला आहे. पुराच्या पाण्यामुळे पिकाचे नुकसान झाले. त्याचे पंचनामे केले असले तरी पाण्यामुळे जमीन वाहून कायम नष्ट झालेल्या मात्र पंचनामे कसे करायचे असा प्रश्न प्रशासनासमोर पडला आहे.

कोपरगाव तालुक्यातील मंजूर येथे गोदावरी नदीवरील बंधाऱ्याचे संरक्षक भिंत न बांधल्यामुळे प्रवाह बदलला आणि साधारण १५ पेक्षा जास्त शेतकऱ्यांची जमीन वाहून गेली. अजूनही जमीन वाहून जातच आहे. भीमा, गोदावरी नदीकाठी जे नुकसान झाले त्याचे पंचनामे शासनाकडून करण्यात आले असले तरी, जमीन वाहून नष्ट झालेल्या भागाचे पंचनामे कसे करायचे असा प्रश्न प्रशासनासमोर पडला आहे. आणि त्यातच पंचनाम्यांचा घोळ अजून कायम आहे.

पुराच्या पाण्याने साधारण चार फुटापर्यंत जमीन वाहून गेल्यास त्याचे पंचनामे आणि महसूल प्रशासन करत असते. मात्र, पुराच्या पाण्याने काय नष्ट झाल्याने त्यातील किती माती वाहून गेली आणि अंदाजे किती नुकसान झाले याचा अंदाज महसूल आणि कृषी प्रशासनाला येत नसल्यामुळे त्यासाठी आता लघुपाटबंधारे विभागाची मदत घेतली जाणार असल्याचे सांगण्यात आले. मात्र, जमिनी नष्ट झाल्यामुळे मंजूर गावासह अनेक भागांतील नुकसान झालेले शेतकरी मात्र हवालदिल झाले आहेत. झालेल्या नुकसानीचे पंचनामे होऊन मदत कधी मिळणार असा प्रश्न आता या भागातील शेतकऱ्यांना पडला आहे.

देखभालीची जबाबदारी कोणाची?
१९९९ ते २००० मध्ये मंजूर तालुका कोपरगाव येथे गोदावरी नदीवर कोल्हापुरी पद्धतीचा बंधारा बांधण्यात आला. बंधाऱ्याचे काम संजीवनी सहकारी साखर कारखान्याने केले. नंतर हा बंधारा कारखान्याने पाटबंधारे विभागाकडे वर्ग केले ते सांगितले जात आहे. मात्र, त्याबाबत अजून अधिकृत कोणीही बोलत नाही. जर हा बंधारा पाटबंधारे विभागाकडे वर्ग केलेला असेल तर त्याची देखभाल आणि दुरुस्ती जबाबदारी पाटबंधारे विभागाची आहे. दोन वेळा बंधारा फुटूनही याबाबत फारसे गांभीर्याने घेतले नाही आणि त्याचा गंभीर परिणाम म्हणून या वेळी दुसऱ्यांदा फुटलेल्या बंधाऱ्यामुळे अनेक शेतकऱ्यांच्या जमिनी वाहून गेल्या. असे असताना त्याची नेमकी जबाबदारी कुणाची हे मात्र अजूनही सांगितले जात नसल्याने शेतकरी संभ्रमात आहेत. झालेल्या नुकसानीची जबाबदारी कोणावर टाकणार असा प्रश्न आता उपस्थित होत आहे.
 


इतर बातम्या
अकोल्यात ज्वारी, मका खरेदीसाठी नोंदणी...अकोला ः भरडधान्य खरेदी योजनेअंतर्गत ज्वारी,...
अकोला जिल्ह्यात पूर्वमोसमी कपाशी लागवड...अकोला ः जिल्ह्यात दरवर्षी होणारी पूर्वमोसमी...
नगरला सायंकाळीही भाजीपाला, फळांचे लिलावनगर : मुंबई, पुण्यातील बाजारात भाजीपाला, फळांची...
शासन निर्णय असूनही बँकानी पीकविमा रोखला...बुलडाणा ः गेल्या दोन महिन्यांपासून शेतकऱ्यांच्या...
वीज ग्राहकांचे प्रश्‍न प्राधान्याने...कोल्हापूर : सर्व वर्गवारीतील वीज ग्राहकांच्या...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
यवतमाळ जिल्ह्यात अडीच हजार...यवतमाळ ः खरीप हंगाम तोंडावर असल्याने शेतकऱ्यांना...
मॉन्सूनची आणखी प्रगती शक्यपुणे  : नैर्ऋत्य मोसमी वारे (मॉन्सून) मजल...
मराठवाड्याचा पाणीप्रश्न सोडवण्यासाठी...औरंगाबाद : कायम दुष्काळ व पाणीतुटीचा सामना...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...
नागपूर, गडचिरोलीच्या जिल्हा पुरवठा...नाशिक: ‘कोरोना’च्या पार्श्वभूमीवर सुरु असलेल्या...
खरिपासाठी शेतकऱ्यांना पीककर्ज वाटप करा...मुंबई : येत्या खरीप हंगामासाठी बँकांनी...
टोळधाड नियंत्रणासाठी ड्रोनच्या...मुंबई : राज्यात अमरावती आणि नागपूर जिल्ह्यातील...
बुलडाण्यात ३० हजारांवर शेतकऱ्यांचे आधार...बुलडाणा  : राज्य शासनाने जाहीर केलेल्या...
राज्यात ५८२० पाणी वापर सोसायट्या स्थापन...पुणे  : राज्यातील विविध धरणांच्या क्षेत्रात...
राज्यात आजपासून वादळी पावसाची शक्यतापुणे  : राज्यात पूर्वमोसमी पावसाला पोषक...
टोळधाडीचा राजस्थानमधील ९० हजार हेक्टरला...जयपूर, राजस्थान  ः राज्यातील २० जिल्ह्यांतील...
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
यंदा पायी वारी नाही; दशमीला पंढरीत...पुणे : आषाढी वारीची परंपरा जपण्यासाठी राज्य शासन...
कापूस खरेदीसाठी केंद्रांची संख्या वाढवा...जळगाव : शासकीय कापूस खरेदीला गती देण्यासाठी...