Agriculture news in marathi Crisis on crops in Pangri area | Page 2 ||| Agrowon

पांगरी परिसरात पिकांवर आस्मानी संकट

टीम अॅग्रोवन
रविवार, 20 सप्टेंबर 2020

पांगरी, जि. सोलापूर ः काढणीला आलेली सोयाबीन पिके तर अक्षरशः पाण्यात बुडाली आहेत. त्यांच्या शेंगांना अंकुर फुटले आहेत. त्यामुळे शेतकऱ्यांचे आर्थिक कंबरडेच मोडल्याची विदारक स्थिती आहे.

पांगरी, जि. सोलापूर ः पांगरी (ता. बार्शी) परिसरात गेल्या आठ दिवसांपासून कमी अधिक प्रमाणात रोज पाऊस पडत आहे. त्यातच शुक्रवारी रात्री झालेल्या अतिवृष्टीने खरीप हंगामातील पिकांची अवस्था केविलवाणी झाली आहे. पिकांचे ७० ते ८० टक्के नुकसान झाल्याची स्थिती आहे. काढणीला आलेली सोयाबीन पिके तर अक्षरशः पाण्यात बुडाली आहेत. त्यांच्या शेंगांना अंकुर फुटले आहेत. त्यामुळे शेतकऱ्यांचे आर्थिक कंबरडेच मोडल्याची विदारक स्थिती आहे. दरम्यान, या भागात कांदा पिकाची ही मोठ्या प्रमाणात लागवड झाली आहे. मात्र पावसामुळे त्याचेही मोठे नुकसान झाले आहे. 

यंदा जूनमध्येच समाधानकारक पाऊस झाला. त्यामुळे खरिपतील सोयाबीन, उडीद, मूग, कांदा,भाजीपाला आदी पिकांची पेरणी लवकरच करण्यात आली. मात्र अनेक ठिकाणी सोयाबीनची उगवण न झाल्याने दुबार पेरणी करावी लागली. पेरणीनंतर अधूनमधून होणाऱ्या पावसावर खरिप पिके जोमात आली. आता गेल्या आठ दिवसांपासूनच्या पावसाने सर्वत्र दलदल होऊन पिकांचे अतोनात नुकसान झाल्याची स्थिती आहे. 

यंदा पांगरीसह चिंचोली, पांढरी, उक्कडगाव, घोळवेवाडी, शिराळे, गोरमाळे, ममदापूर, जहानपूर, घारी, पूरी, ढेंबरेवाडी, खामगांव आदी भागात पेरण्या लवकर झाल्या. पिकेही जोमात आली. मात्र, आता होत्याचे नव्हते झाले आहे. शेतकऱ्यांच्या तोंडचा घास हिरावला आहे. सुर्यप्रकाश नसल्याने शेतातील सर्व कामे ठप्प आहेत. पुरेसे कांदा रोप नसल्यामुळे अनेकांनी पेरणी केली. मूग, मका पिकांनाही अतिपावसामुळे मोठ दणका बसला आहे. 

शेतकऱ्यांकडून पंचनाम्यांची मागणी

या खरिप हंगामातील पिकांचा पिकविमा अनेक शेतकऱ्यांनी भरला आहे. आता कृषी विभागासह विमा कंपनीने तत्काळ दखल घेऊन नुकसानग्रस्त पिकांचे पंचनामे करावे. नुकसान भरपाई द्यावी, अशी मागणी शेतकऱ्यांनी केली आहे. 

अतिवृष्टीमुळे कांदा, सोयाबीन पिकाचे जवळपास ८० टक्के नुकसान झाले आहे. आणखीन पाऊस झाला, तर हातात काहीही राहणार नाही. विमा कंपनीने शंभर टक्के विमा मंजूर करावा.
- दिपक मुळे, शेतकरी, उक्कडगाव

पिकांच्या नुकसानीबाबत शासनाकडून अद्याप कोणत्याही सूचना आलेल्या नाहीत. त्या आल्यानंतर पंचनामे करण्यात येतील.
- विलास मिस्कीन, कृषी पर्यवेक्षक, पांगरी

रात्री झालेल्या अतिवृष्टीमुळे प्रत्यक्ष नदीकाठच्या गावांतील शेतांत भेट देऊन पाहणी केली. नुकसानग्रस्त परिस्थितीचा अहवाल वरिष्ठांना सादर करण्यात येईल. वरिष्ठांच्या आदेशाप्रमाणे कार्यवाही करण्यात येईल.
- विनोद मुंढे, तलाठी, पांढरी सजा


इतर ताज्या घडामोडी
काजूसाठी हवामान आधारित फळपीक विमा योजना...ही योजना काजू पीक विम्यासाठी अधिसूचित कोल्हापूर,...
नाशिकमध्ये दोडका सरासरी ४१६५ रूपये नाशिक : येथील कृषी उत्पन्न बाजार समितीमध्ये...
संरक्षित शेतीचे महत्त्वसंरक्षित शेतीमध्ये हरितगृह किंवा शेडनेटगृहाचा...
पोषक आहारासाठी बियाणे स्वावलंबन...येत्या काळात कमी पाण्यावर येणारी पिके बाजरी,...
सब्जा बियांचे आरोग्यदायी फायदे सब्जामध्ये प्रथिने तसेच आरोग्याच्या दृष्टीने...
सांगली जिल्ह्यातील भाजीपाला पिके...सांगली ः सांगली जिल्ह्याची ओळख भाजीपाला...
सणासुदीत निष्काळजीपणा नको ः पंतप्रधान...नवी दिल्ली ः देशातील लॉकडाउन संपला तरी कोरोनाचा...
कांदा बियाण्यांचा काळाबाजार सुरूचनाशिक : मागील वर्षी उन्हाळ कांदा बीजोत्पादनावेळी...
लाचखोर तलाठ्यास कारावासवर्धा : सातबारावरील चूक दुरुस्तीसाठी पंधरा...
‘गोकूळ’ देणार दूध संस्‍थांना दरफरकापोटी...कोल्‍हापूर : कोल्‍हापूर जिल्‍हा सहकारी दूध...
केंद्राने महाराष्ट्राच्या हक्काचे ३०...मुंबई : कोरोना संकटामुळे महाराष्ट्रासमोर आर्थिक...
बिहारला मदत, मग महाराष्ट्राला का नाही?...मंगळवेढा, जि. सोलापूर : केंद्र शासनाने बिहारमध्ये...
शेतकऱ्यांशी सरकारला देणेघेणे नाही ः...करमाळा, जि. सोलापूर : मुख्यमंत्री उद्धव ठाकरे हे...
पिकांचे पंचनामे करून प्रस्ताव तातडीने...सोलापूर : नुकसानग्रस्त शेतकऱ्यांच्या जीवनाला...
सोलापूर जिल्ह्यातील तब्बल ७५ महसूल...सोलापूर :  जिल्ह्याला अतिवृष्टीचा मोठा...
सांगली जिल्ह्यात कृष्णाकाठावरील कृषिपंप...सांगली : जिल्ह्यात गेल्या आठवड्यात अतिवृष्टी झाली...
रत्नागिरीत भातशेतीवर अस्मानी संकटरत्नागिरी : ‘‘ऑक्टोबर महिन्यातील मुसळधार...
नाशिक जिल्ह्यात मका विक्रीत...येवला, जि. नाशिक : सध्या बाजार समित्यांसह खासगी...
नुकसानपातळी अधिक, केंद्रानेही मदत करावी...नाशिक : ‘‘परतीच्या पावसामुळे कापणी योग्य झालेली...
रिसोड तालुक्यात सोयाबीनची हेक्टरी अडीच...रिसोड, जि. वाशीम ः  सततच्या पावसाने सोयाबीन...