Agriculture news in marathi Crisis in front of milk producers due to rate cut in Parbhani | Agrowon

परभणीत दर कपातीमुळे दूध उत्पादकांसमोर संकट

टीम अॅग्रोवन
मंगळवार, 14 जुलै 2020

खासगी डेअरींनी देखील दर कमी केले आहेत. परवडत नसल्याने अनेक शेतकऱ्यांनी जनावरांची विक्री केली. त्यामुळे तालुक्यातील दूध संकलनात सुमारे तीस हजार लिटरची घट झाली. शासकीय दुग्धशाळेने पूर्ववत संकलन केंद्र सुरु करावे.
- विठ्ठल गिराम, शेतकरी, बाभळगाव, ता. पाथरी.

सरकी पेंड, पशुखाद्याच्या किंमतीत तीनशे ते चारशे रुपयांनी वाढ झाली. दुधाच्या दरात लिटरमागे नऊ रुपयांनी घट  झाली. अपुऱ्या खाद्यामुळे दूध उत्पादनावर परिणाम झाला. घरची चारा, वैरण असणाऱ्या शेतकऱ्यांना केवळ जनावरे सांभाळता येत आहेत.
- गणेशराव काष्टे,  शेतकरी, राजेवाडी, ता. सेलू.

परभणी : शासकीय दुग्धशाळेतील दूधाचे दर स्थिर आहेत. परंतु, पेमेंट वेळेवर मिळत नाही. लॉकडाऊमध्ये खासगी डेअरींनी दर कमी केले आहेत. पशुखाद्याच्या किंमती वाढल्या आहेत. या परिस्थितीत दुधाळ जनावरांचा सांभाळ शक्य नाही. त्यामुळे पशुपालकांनी दुग्ध व्यवसाय मोडीत काढले.

पुरक व्यवसायाव्दारे मिळणाऱ्या उत्पन्नाचा स्त्रोत बंद झाला. परंतु, शासकीय दुग्धशाळेकडून अपुरे मनुष्यबळ आणि तोकड्या शीतकरण यंत्रसामग्रीची कारणे सांगून दुध संकलनासाठी अनास्था दाखवली जात आहे. त्यामुळे दुग्धउत्पादक शेतकऱ्यांच्या अडचणी वाढल्या आहेत.

शासकीय दूध योजनेंतंर्गंत परभणी येथील दुग्धशाळेत फॅट आणि एसएनफच्या प्रमाणानुसार गायीच्या दुधाचे दर प्रतिलिटल २५ ते २७ रुपये, तर म्हशीच्या दुधाचे दर ३४ रुपये आहेत. खासगी डेअरीकडून गायीच्या दुधाला प्रतिलिटर २१ रुपये मिळत आहेत. लॅाकडाऊनमुळे हॅाटेल्स, मिठाई, आईस्क्रिम आदी व्यवसाय बंद आहेत.  त्यामुळे दूधची मागणी कमी झाली. शासकीय दूध शाळेतील संकलनात काही प्रमाणात वाढ झाली. परंतु, गेल्या वर्षीपासून शासनाकडून निधी उपलब्ध करुन दिला नाही. हे कारण सांगत शासकीय दुग्धशाळेकडून दुधाचे पेमेंट, संकलन संस्थाचे कमिशन देण्यास अडीच ते तीन महिने विलंब लावला जात आहे.

अधिकारी, कर्मचाऱ्यांच्या आठमुठ्या भूमिकेमुळे चांगल्या प्रतीचे दूध देखील नाकारले जात आहे. सदोष मोजणी यंत्रामुळे मापात तफावत येत आहेत. या सर्व प्रकारामुळे शेतकरी तसेच संस्था आर्थिक अडचणीत सापडल्या आहेत.

पाथरी येथे तीन खासगी डेअरींनी संकलन सुरु केले. गायीच्या २९ रुपये, तर म्हशीच्या दुधाला प्रतिलिटर ५० रुपयांपर्यंत दर दिला जात असे. परंतु, लॉकडाऊनमुळे खासगी डेअरींनी गायीच्या दुधाचे दर २१, तर म्हशीच्या दुधाचे दर ३५ रुपयांपर्यंत कमी केले. त्यामुळे दुध उत्पादकांना तोटा सोसावा लागला. 

दुग्ध व्यवसाय काढला मोडित

सरकी पेंडीचे दर प्रतिक्विंटल २ हजार ३०० रुपयांवरुन २ हजार ६०० रुपये पर्यंत वाढले. कडब्याचे दर अडीच ते तीन हजार रुपये शेकड्यापर्यंत पोचले. त्यामुळे अनेक शेतकऱ्यांना दुधाळ जनावरांना गरजेएवढे खाद्य देता येत नाही. त्यामुळे दूध उत्पादन कमी झाले. अनेक शेतकऱ्यांनी नाईलाजाने दुधाळ जनावरांची विक्री करुन दुग्ध व्यवसाय मोडित काढले.


इतर ताज्या घडामोडी
खानदेशात कांदेबाग केळी लागवडीची तयारी...जळगाव : खानदेशात कांदेबाग केळी लागवडीची तयारी...
औरंगाबाद, जालना, परभणीत बहुतांश मंडळांत...औरंगाबाद : औरंगाबाद, जालना, परभणी या तीनही...
नाशिक बाजार समितीतील कर्मचारी...नाशिक : नाशिक कृषी उत्पन्न बाजार समितीच्या...
सोलापूर जिल्हा परिषदेत सेसफंड, करनिधी...सोलापूर  ः कोरोनामुळे कधी नव्हे, ती सहा-सात...
नगर जिल्ह्यात शेततळ्यांच्या कामांची...नगर ः दुष्काळी परिस्थितीत शेततळ्याच्या पाण्यावर...
पूर्णा नदी काठच्या गावांना सतर्कतेचा...हिंगोली  ः ‘‘जिल्ह्यातील पूर्णा नदीवरील...
वाखारी येथे शेतकरी, शेतमजुरांना कौशल्य...पुणे ः कृषी तंत्रज्ञान व्यवस्थापन यंत्रणा व...
नांदेड, परभणी, हिंगोली जिल्ह्यात १४२...नांदेड : नांदेड, परभणी, हिंगोली जिल्ह्यातील १४२...
दहिवडीत शेतीकामांच्या मजुरीदरांसह...नाशिक : कोरोनाच्या पार्श्वभूमीवर शेतीव्यवस्था...
औरंगाबाद, जालना जिल्ह्यात दीड लाख...औरंगाबाद  : दोन जिल्ह्यांतील साडेचार हजारावर...
उजनीची पाणीपातळी २८ टक्केवर सोलापूर  ः पुणे जिल्ह्यातील पावसाच्या...
वरखेडीतील पशुधनाचा बाजार उद्यापासून...पाचोरा, जि.जळगाव  ः वरखेडी (ता.पाचोरा) येथील...
जळगाव जिल्ह्यात शेतकऱ्यांवर लिंबं...भडगाव, जि.जळगाव  ः जिल्ह्यात लिंबू पिकासाठी...
कृषी महाविद्यालयाच्या जागेचा प्रश्न...भंडारा : कृषी महाविद्यालयाच्या प्रस्तावित...
परभणी जिल्ह्यात कपाशी बियाण्याच्या साडे...परभणी : जिल्ह्यात यंदा खरीप हंगामात विविध...
सिंधुदुर्ग जिल्ह्यातील ७०...वैभववाडी, जि. सिंधुदुर्ग ः ऑगस्ट महिन्यात मुदत...
चंद्रपूर जिल्ह्यात कापूस कोंडीत भर...चंद्रपूर : येत्या  हंगामातील कापूस खरेदीसाठी...
पंधरा शेतकऱ्यांच्या सौरकृषी पंपात...चंद्रपूर : मुख्यमंत्री सौर कृषी पंप योजनेअंतर्गत...
जलालखेडा येथील दीडशे शेतकरी...नागपूर : खरीप कर्जाचे वाटप शनिवार (ता. १५) पर्यंत...
सांगली जिल्ह्यात डाळिंब संकटांच्या...सांगली ः वातावरणातील बदलाने डाळिंबावर तेलकट डाग...