agriculture news in marathi Crisis on poultry farmers in Murumba | Agrowon

मुरुंब्यात कुक्कुटपालकांवर संकट

टीम अॅग्रोवन
गुरुवार, 14 जानेवारी 2021

परभणी ः पक्षी उत्पादनक्षम अवस्थेत असताना बर्ड फ्लूचा प्रादुर्भाव झाल्यामुळे या शेतकऱ्यांवर मृत पक्ष्यांसोबतच जिवंत पक्षीदेखील गाडून टाकण्याची वेळ आली. यामुळे शेतकऱ्यांच्या अर्थकारणाला खीळ बसली आहे.

परभणी ः सतत दुष्काळी स्थितीला सामोरे जात असलेल्या परभणी जिल्ह्यातील मुरुंबा (ता. परभणी) येथील तरुण अल्पभूधारक शेतकऱ्यांनी आर्थिक स्थैर्यासाठी मोठ्या रकमेचे कर्ज काढून शेतीपूरक पोल्ट्री व्यवसाय सरू केला. परंतु पक्षी उत्पादनक्षम अवस्थेत असताना बर्ड फ्लूचा प्रादुर्भाव झाल्यामुळे या शेतकऱ्यांवर मृत पक्ष्यांसोबतच जिवंत पक्षीदेखील गाडून टाकण्याची वेळ आली. यामुळे शेतकऱ्यांच्या अर्थकारणाला खीळ बसली आहे. या व्यवसायात परत नव्या जोमाने उभे राहण्यासाठी शासनाकडून भरीव मदतीची अपेक्षा बाधित शेतकऱ्यांनी व्यक्त केली आहे.

मुरुंबा येथील तरुण अल्पभूधारक शेतकरी विजयकुमार झाडे यांना केवळ दीड एकर जमिनीतून समाधानकारक उत्पन्न मिळत नव्हते. काही वर्षांपूर्वी त्यांनी शेतामध्ये छोट्या स्वरूपात गावरान कोंबडीपालन सुरू केले. गेल्या काही वर्षांत त्यांना अंडी आणि पक्षी विक्रीतून चांगले उत्पन्न मिळू लागले. स्वतःच्या हिश्‍शाचे दोन लाख रुपये तेही कर्ज काढून आणि परभणी येथील एका बॅंकेकडून आठ लाख रुपये, असे भांडवल जमा करून शेतामध्ये गावरान कोंबडी आणि अंडी उत्पादन प्रकल्प सुरू केला.

गतवर्षीच्या शेतामध्ये पक्षी संगोपन निवारा उभारून सप्टेंबर महिन्यात १ हजार ८०० गावरान पक्ष्यांची पिले प्रतिनग १२५ रुपये दराने विकत घेऊन त्यांचे संगोपन सुरू केले. हे पक्षी प्रत्येकी सरासरी दोन किलो वजनाचे झाले होते. अंडी देण्याच्या अवस्थेत होते. परंतु शुक्रवारी (ता. ८) त्यातील काही पक्ष्यांचा मृत्यू झाला. शनिवार (ता. ९) आठशेच्या वर पक्षी मृत्युमुखी पडले. बर्ड फ्लू झाल्याचे निष्पन्न झाल्यानंतर उर्वरित पक्षीदेखील नष्ट करावे लागले.

बालासाहेब चोपडे, संदीप झाडे, लक्ष्मण झाडे या तीन शेतकऱ्यांचे देखील सुमारे साडेपाच हजार पक्षी गाडून टाकण्याचे आदेश देण्यात आले. शासनाकडून प्रतिपक्षी ९० रुपये मदत दिली जाणार आहे. परंतु शेड उभारणी, पक्षी खरेदी, खाद्य यावर मोठी रक्कम खर्च झाली आहे. तोकड्या मदतीमुळे भरपाई शक्य नाही.

गतवर्षी कर्ज काढून कुक्कुटपालन व्यवसायाचा विस्तार केला. अठराशे पक्ष्यांचे संगोपन केले. परंतु पक्षी अंडी देण्याच्या अवस्थेत असताना बर्ड फ्लूची लागण होऊन मृत्युमुखी पडल्याने होत्याचे नव्हते झाले. कर्ज फेडीची चिंता आहे. शासनाकडून भरीव मदत मिळावी. अन्यथा मजुरीवर जाण्याशिवाय पर्याय दिसत नाही.
- विजयकुमार झाडे, कुक्कुटपालक शेतकरी, मुरुंबा, जि. परभणी
 


इतर ताज्या घडामोडी
नव्या कृषी तंत्रज्ञानाचा शेतकऱ्यांना...नाशिक : श्री स्वामी समर्थ केंद्राच्या वतीने सुरू...
येवल्यात ४६ हजार ग्राहकांकडे २६६ कोटी...येवला, जि. नाशिक : तालुक्यातील कृषिपंप धारकांची...
हवामान बदलाचा आंब्यावरील परिणाम...रत्नागिरी ः वातावरणातील चढ-उताराचे आंबा पिकावर...
परभणीत तूर विक्रीसाठी ६ हजार...परभणी ः आधारभूत किंमत योजनेअंतर्गत तूर विक्रीसाठी...
आम्हाला सोडून गेले, ते पराभूत झाले :...नगर : राज्य विधानसभेत मी १९८० साली ५६ आमदारांचा...
काँग्रेस प्रदेशाध्यक्ष बदलण्याच्या...नागपूर ः काँग्रेसचे प्रदेशाध्यक्ष म्हणून...
पी. आर. पाटील साखर संघाचे पुढील अध्यक्ष... कुरळप, जि. सांगली :  सहकार क्षेत्रातील...
निळेली पशुधन संशोधन केंद्रास वंश...सिंधुदुर्गनगरी ः कोकण कन्याळ या शेळी जातीच्या...
सिंधुदुर्गमध्ये बांधले साडेपाच हजार...सिंधुदुर्गनगरी : जिल्ह्यात भासणाऱ्या संभाव्य...
अमरावतीत शेतकऱ्यांवर ४३ कोटींच्या...अमरावती : हंगामात बॅंकांकडून पीककर्जाच्या बाबतीत...
भंडाऱ्यात ८९५ शेतकऱ्यांचे सूक्ष्म...भंडारा : सूक्ष्म सिंचनाला जिल्ह्यात शेतकऱ्यांचा...
छत्तीसगडमध्ये आजवरची सर्वाधिक धान खरेदीरायपूर : : छत्तीसगडमध्ये आजवरची सर्वाधिक धान...
‘किसान गणतंत्र परेड’ शांततेतच होणार नवी दिल्ली : दिल्लीत सुरू असलेल्या आंदोलनाचा एक...
नक्षत्रांचे गणित चुकू लागलेगावातील वयोवृद्ध माणसे हाताच्या बोटांवर गणिते करत...
पुण्यात सर्वच भाजीपाल्यांचे दर स्थिरपुणे ः गुलटेकडी येथील कृषी उत्पन्न बाजार...
हवामान बदलाला अनुरूप पीक पद्धतीची गरजजागतिक पातळीवर विविध मार्गांनी हवेमधील कार्बन...
कृषी कायद्यांविरोधात शेतकरी विधवांचा...यवतमाळ : केंद्र सरकारच्या नव्या कायद्यांमुळे...
नांदेड जिल्ह्यात दोन लाख ७० हजार...नांदेड : जिल्ह्यात रब्बीमध्ये दोन लाख सत्तर हजार...
पावणेतीन हजार कोटींची कामे मंजूर ः...नांदेड : ‘‘कारोना संसर्गाच्या काळात विकास...
खानदेशातील प्रकल्पांत ५८ टक्के पाणीजळगाव ः खानदेशातील प्रमुख सिंचन प्रकल्पांमध्ये...