अतिवृष्टीमुळे यवतमाळमधील ४६ हजार हेक्टरवरील पिकांना फटका

संग्रहित छायाचित्र
संग्रहित छायाचित्र

यवतमाळ  : काही दिवसांपूर्वी झालेल्या अतिवृष्टीमुळे जिल्ह्यातील ४६ हजार हेक्‍टरवरील पिकांना फटका बसला आहे. त्यात २२ हजार हेक्‍टरवरील कापसाचे नुकसान झाले असून, ९३३ हेक्‍टरवरील पीक खरडून गेली. कापूस पिकासह मुख्य पीक असलेल्या सोयाबीन पिकांलाही जास्त पावसाचा फटका बसला आहे.

यंदा खरीप हंगामातील पिके समाधानकारक स्थितीत आहे. मागील आठवड्यात झालेल्या अतिवृष्टीने पिकांना संजीवनी दिली असली तरी त्यानंतर झालेल्या जास्त पावसाने धोकादेखील निर्माण झाला आहे. मागील हंगामात बोंडअळी, कमी पावसाने पिके उद्‌ध्वस्त झाली. शेतकऱ्यांचे आर्थिक नुकसान झाले. यंदा समाधानकारक पाऊस असल्याने पिकांची स्थिती चांगली होती. मागील आठवड्यात झालेल्या अतिवृष्टीने शेतपिकांना मोठा फटका बसला.

जिल्ह्यातील दारव्हा, उमरखेड, महागाव, पुसद, यवतमाळ, दिग्रस, आर्णी, पांढरकवडा, झरी व वणी तालुक्‍यांतील पिकांचे नुकसान झाले. अतिवृष्टीने आलेल्या पुरामुळे नदीकाठी असलेली तब्बल ६३२ हेक्‍टर शेतजमीन खरडून गेली. आठवड्याभरापासून शेती नुकसानीचे पंचनामे सुरू असून, यंत्रणा कामाला लागली आहे.

जास्त पावसाने दारव्हा तालुक्‍यात नऊ हजार, उमरखेड तालुक्‍यात ७८११, महागाव तालुक्यात नऊ हजार ५६२, पुसद तालुक्यात पाच हजार ५६५, घाटंजी तालुक्यात दोन हजार, आर्णी तालुक्यात पाच हजार ४२५, दिग्रस तालुक्यात नऊ हजार ७००, पांढरकवडा तालुक्यात ८२ तर झरी तालुक्यातील दोन हजार हेक्‍टरवरील पिकांचे नुकसान झाले आहे.

पंचनामे तत्काळ करण्याचे आदेश अतिवृष्टीने मोठ्या प्रमाणात पिकांचे नुकसान झाले. त्यांचे पंचनामे करण्याचे आदेश यापूर्वीच देण्यात आले. कृषी व महसूल विभागाचे संयुक्त पंचनामे सुरू झाले असून, तत्काळ पंचनामे करण्याचे आदेश कृषी विभागाला देण्यात आले.

नुकसानीची टक्केवारी महत्त्वाची शेतजमिनीचे मोठे नुकसान झाले आहे. त्यानंतर पंचनामे सुरू झाले असून, त्यात नैसर्गिक आपत्ती निकषानुसार मदत दिली जाणार आहे. मात्र, त्यासाठी नुकसानीची टक्केवारी महत्त्वाची मानली जात आहे. त्यामुळे कोण त्या टक्केवारीत बसणार, ही महत्त्वाची बाब आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com