agriculture news in Marathi crop damage over 50 lac hector in state Maharashtra | Page 2 ||| Agrowon

राज्यात पीक नुकसान ५० लाख हेक्टरच्या पुढे 

टीम अॅग्रोवन
शुक्रवार, 23 ऑक्टोबर 2020

राज्यात खरीप पीक नुकसानीची माहिती गोळा करताना केवळ ऑक्टोबरचा नव्हे; तर थेट जूनपासून वेळोवेळी झालेली हानी गृहीत धरली जात आहे.

पुणे: राज्यात खरीप पीक नुकसानीची माहिती गोळा करताना केवळ ऑक्टोबरचा नव्हे; तर थेट जूनपासून वेळोवेळी झालेली हानी गृहीत धरली जात आहे. त्यामुळे एकूण नुकसानीचा आकडा ५० लाख हेक्टरच्या पुढे जाण्याची चिन्हे आहेत, अशी माहिती उच्चपदस्थ सूत्रांनी दिली. 

राज्यभर सध्या पीक पंचनाम्याची कामे सुरू करण्यात आली आहेत. सप्टेंबर व ऑक्टोबर या दोन्ही कालावधीतील एकूण नुकसान आत्ताच २० लाख हेक्टरच्या आसपास आहे. मात्र, काही जिल्ह्यांमधून थेट जूनपासूनचा कालावधी गृहीत धरून आकडेवारी पाठविली जात आहे. त्यामुळे जूनपासूनची आकडेवारी गृहीत धरण्यास शासनाने मान्यता दिल्यास एकूण नुकसान ५० लाख हेक्टरच्या पुढे जाईल, असा अंदाज अधिकारी व्यक्त करीत आहेत. 

ऑक्टोबरमधील पावसाने २६ जिल्ह्यात ९ लाख हेक्टरवरील पिकांना तडाखा दिला होता. ही प्राथमिक माहिती चालू पंधरवड्याच्या अखेरची होती. त्यात पुन्हा महिना अखेरपर्यंत मोठी वाढ अपेक्षित आहे. 

‘‘पंचनाम्याचे अंतिम आकडे अजून हाती आलेले नाहीत. नजर अंदाजे येणारी जूनपासूनची माहिती बघता तसेच अजून पाऊस झाल्यास नुकसानीचे आकडे झपाट्याने वाढू शकतात,’’ असे सूत्रांचे म्हणणे आहे. 

महसूल सूत्रांच्या म्हणण्यानुसार, ‘‘यंदा १४५ लाख हेक्टरवर खरीप पेरा केला आहे. यातील किमान २० ते ३० लाख हेक्टरवरील पिके पावसाने बाधित होण्याची शक्यता आहे. शेतकऱ्यांना नैसर्गिक आपत्तीची मदत तातडीने मिळण्यासाठी आम्ही पंचनाम्याची प्रतीक्षा करीत आहोत. तलाठी, ग्रामसेवक व कृषी सहायकांना ही जबाबदारी पार पाडायला हवी. तशा सूचना जिल्हाधिकाऱ्यांना देण्यात आल्या आहेत.’’ 

खरीप पिकांमध्ये सर्वांत जास्त तडाखा सोयाबीनला बसला आहे. ४३ ते ४४ लाख हेक्टरवर यंदा सोयाबीन उभे होते. पावसामुळे त्यातील १० ते १२ लाख हेक्टर पिकाला तडाखा बसला आहे. ४३ लाख हेक्टरच्या आसपास असलेल्या कापूस पिकाचेही मोठे नुकसान झाले आहे. मात्र, त्याचा निश्चित अंदाज अजूनही सरकारी यंत्रणेला आलेला नाही. 

‘‘सोयाबीन, कापूस, भात, ज्वारी तसेच कडधान्य पिकांचेही नुकसान झालेले आहे. याशिवाय फळपिकांत केळी, पपई व मोसंबीचे मोठे नुकसान दिसते आहे. पंचनामे पूर्ण झाल्यानंतर निश्चित चित्र स्पष्ट होईल. केंद्रीय पथक देखील लवकरच राज्यात येण्याची चिन्हे आहेत. त्यामुळे पथक येण्यापूर्वी नुकसानीची माहिती हाती येणे शक्य आहे,’’ असे सूत्रांनी स्पष्ट केले. 

केंद्राकडून किती मदत मिळू शकते? 
केंद्र शासनाच्या नैसर्गिक आपत्ती निधीतून आधारित कोरडवाहू पिकाला प्रतिहेक्टरी ६ हजार ८०० रुपये, बागायतीला १३ हजार ५०० रुपये तर फळबागेसाठी १८ हजार रुपये मिळू शकतात. 

राज्य शासन काय करू शकते ? 

  • जिल्हाधिकाऱ्यांच्या नियंत्रणाखाली पंचनामा प्रक्रिया तातडीने पूर्ण करणे. 
  • पंचनाम्याचे राज्यस्तरीय अहवाल मदत व पुनर्वसन विभागाकडे पाठवणे. 
  • उपलब्ध अहवालाच्या आधारे राज्याच्या नैसर्गिक आपत्ती निधीतून मदत जाहीर करणे. 
  • शेतकऱ्यांना दिलासा देण्यासाठी केंद्राच्या व्यतिरिक्त राज्याच्या 
  • निधीतून विशेष पॅकेज जाहीर करणे 

इतर अॅग्रो विशेष
शासकीय खरेदीला प्रारंभ; कापूस दरात...जळगाव ः खानदेशात शासकीय कापूस खरेदी सुरू होताच...
सहकारी संघाकडूनही गाईच्या दूधदरात कपात नगर ः लॉकडाउन झाल्यानंतर दुधाची मागणी कमी झाली...
पशुखाद्य दरात वाढसांगली ः अतिवृष्टीमुळे पशुखाद्य तयार होणाऱ्या...
दुग्ध व्यवसायातून अल्पभूधारक शेतकऱ्याची...वडिलोपार्जित पाच एकर शेतीमध्ये कुटुंबाचा...
पशुपालनाने दिली आर्थिक प्रगतीला साथकोळन्हावी (ता. यावल, जि. जळगाव) येथील देवानंद...
तोतया व्यापाऱ्यांकडून कांदा उत्पादकांची...नाशिक : सध्या मागणीच्या तुलनेत सध्या कांद्याची...
गांडूळ खताने घातले उत्पन्नवाढीस खतपाणीसासवड, जि. पुणे ः वीटभट्टीच्या धंद्यात उधारी...
नियमित कर्जफेड करणारे शेतकरी...कोल्हापूर ः जिल्ह्यातील एक लाख ९७ हजार नियमित...
ग्रामीण भागात नऊ लाख घरे बांधणार ः हसन...मुंबई : राज्यात सध्या अपूर्ण असलेली घरकुले तसेच...
विदर्भाच्या काही भागांत थंडीपुणे ः राज्यातील अनेक भागांत हवामान कोरडे झाले...
कारखाने भाडेतत्त्वावर देणाऱ्या समितीत...पुणे : आजारी साखर कारखाने व त्यांच्या अब्जावधी...
पानांचे दर दबावात; उत्पादकांना फटकासांगली : गेल्या आठ महिन्यांपासून बाजारपेठेत...
खानदेशात ‘सीसीआय’कडून २५ हजार क्विंटल...जळगाव ः खानदेशात कापूस महामंडळाकडून (सीसीआय)...
‘कार्तिकी’च्या काळात पंढरपूरसह ...सोलापूर : यंदा कार्तिकी यात्रेच्या पार्श्‍वभूमीवर...
‘महाबीज’चे कर्मचारी जाणार सात...अकोला ः सातवा वेतन आयोग, पाच दिवसांचा आठवडा यांसह...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
कृषी सचिवांच्या गावातील शेतकऱ्यांचा कल...अकोला ः राज्याचे कृषी सचिव एकनाथ डवले यांच्या...
पूर्वहंगामी द्राक्षाला २०० कोटींचा फटकानाशिक : यंदा पूर्वहंगामी द्राक्ष हंगामाच्या...
शासकीय योजनांच्या विहिरींमुळे वाढतोय...मालेगाव, जि. वाशीम ः  जिल्हा परिषद, कृषी...
दहिगावात दोन एकरांतील कापूस नेला चोरूनअकोला ः यंदा शेतशिवारात सर्वच पिकांची उत्पादकता...