नांदेड जिल्ह्यातील खरिपात २ हजारांवर पीक कापणी प्रयोग

नांदेड : जिल्ह्यात यंदाच्या खरीप हंगामामध्ये २ हजार १०५ पीक कापणी प्रयोगाचे नियोजन करण्यात आले आहे. मुगाचे पीक कापणी प्रयोग सुरू झाले आहेत, अशी माहिती कृषी विभागाच्या सूत्रांनी दिली.

जिल्ह्यात यंदा ७ लाख ५१ हजार २२२ हेक्टरवर खरीप पिकांची पेरणी झाली. त्यांची प्रतिहेक्टरी उत्पादकता निश्चित करण्यासाठी कृषी, महसूल, जिल्हा परिषद या तीन यंत्रणांमार्फत २ हजार १०५ पीक कापणी प्रयोग घेण्यात येतील. यामध्ये मुगाचे १४४ , उडदाचे २१०, तुरीचे १६२, सोयाबीनचे ४८०, कपाशीचे ४६२, ज्वारीचे १७७, बाजरीचे ३०, भाताचे १४४, भुईमुगाचे ३२, कारळाचे ३२, तिळाचे १४४ , पूर्व हंगामी उसाचे २६, खोडवा उसाचे ३२, सुरू उसाचे ३० प्रयोग घेण्यात येतील. 

मुगाचे पीक कापणी प्रयोग सुरू झाले आहेत. यंत्रणानिहाय पीक कापणी प्रयोगाची विभागणी केली असता कृषी विभागामार्फत एकूण  ६८८ पीक कापणी प्रयोग घेण्यात येतील. यामध्ये भाताचे ४६, ज्वारीचे ६१, बाजरीचे ४, तुरीचे ५८, उडदाचे ७४ , मुगाचे ५१, भुईमुगाचा १, कारळाचे १०, तिळाचे ४५, सोयाबीनचे १६०, कपाशीचे १५४, पूर्व हंगामी उसाचे २, सुरू उसाचे १२ आणि खोडवा उसाचे १० प्रयोग होतील. 

जिल्हा परिषदेतर्फे एकूण ६३७ पीक कापणी प्रयोग होतील. यामध्ये भाताचे ३९, ज्वारीचे ५८, बाजरीचा १, तुरीचे ४९, उडदाचे ६६, मुगाचे ४२, भुईमुगाचे ६, कारळाचे १८, तिळाचे ५७, सोयाबीनचे १६०, कपाशीचे १५४ , पूर्व हंगामी उसाचे ६, खोडवा उसाचे १५, तर सुरू  उसाचे १५ प्रयोग होतील. 

महसूल विभागातर्फे एकूण ७८० प्रयोग घेण्यात येतील. त्यामध्ये भाताचे ५९, ज्वारीचे ५८, तुरीचे २५, उडदाचे ५१, भुईमुगाचे २५ , कारळाचे १८, तिळाचे ५७, सोयाबीनचे १६०, कपाशीचे १५४, पूर्व हंगामी उसाचे १८, खोडवा ऊस आणि सुरू उसाचे प्रत्येकी १५ प्रयोग होतील, असे कृषी विभागाच्या सूत्रांनी सांगितले.