agriculture news in Marathi crop insurance company dont has office in Khandesh Maharashtra | Agrowon

खानदेशात पीकविमा कंपनीचे कार्यालयच नाही 

टीम अॅग्रोवन
बुधवार, 28 जुलै 2021

खानदेशात पंतप्रधान पीकविमा योजनेंतर्गत नियुक्त विमा कंपन्यांचे कार्यालयच नसल्याचे समोर आले आहे. या कंपन्यांचे प्रतिनिधी कृषी विभागातही भेटत नाहीत.

जळगाव : खानदेशात पंतप्रधान पीकविमा योजनेंतर्गत नियुक्त विमा कंपन्यांचे कार्यालयच नसल्याचे समोर आले आहे. या कंपन्यांचे प्रतिनिधी कृषी विभागातही भेटत नाहीत. कंपनीचे टोल फ्री क्रमांक कृषी विभागातर्फेदेखील दिले जात नसल्याचे शेतकऱ्यांचे म्हणणे आहे. कृषी विभाग फक्त बघ्यांच्या भूमिकेत आहे. 

धुळ्यातील पीकविमा योजनेचे अभ्यासक प्रकाश पाटील यांच्यानुसार पीकविमा योजनेबाबत शेतकरी अनभिज्ञ आहेत. पीकविमा कंपनीची मंडळी कुठे असते, याची नेमकी माहिती शेतकऱ्यांना नाही. टोल फ्री क्रमांक आणि नुकसानीनंतर ७२ तासात कंपनीला कळवून पंचनामे करून घेण्याबाबतच्या सूचनांचीदेखील शेतकऱ्यांना माहिती नाही. पीकविमा कंपनीसाठी कृषी विभागात बसण्याची व्यवस्था करून देण्याच्या सूचना शासनाने दिल्या आहेत. परंतु शेतकऱ्यांची भीतीच जणू या प्रतिनिधींना असते. विचारपूस, जबाब आणि शेतकऱ्यांचा अनेकदा होणारा आक्रोश या भीतीने हे प्रतिनिधी कृषी विभागात भेटत नाहीत. 

धुळ्याचे जिल्हा अधीक्षक कृषी अधिकारी विवेक सोनवणे म्हणाले, ‘‘विमा कंपनीचे प्रतिनिधी नियमीत येतात. पीकविमा योजनेचा प्रसार, माहिती शेतकऱ्यांना दिली जाते. काही अडचण नाही.’’ जळगाव जिल्ह्यातील शेतकरी रमेश पाटील (भडगाव) यांच्यानुसार तालुकास्तरावर विमा कंपनीचे कर्मचारी येतच नाहीत. विमा योजनेची माहिती वर्षातून एकदा म्हणजेच विमा हप्ता स्वीकारण्याच्या वेळेस वृत्तपत्रातून प्रसिद्ध केली जाते. नंतर एकदाही योजनेबाबत सूचना, माहिती दिली जात नाही. 

कृषी सहायकाकडून माहिती घेतो. पण कृषी सहायकदेखील टोल फ्री क्रमांक, कंपनीचा संपर्क क्रमांक, पत्ता आदी माहिती देत नाहीत. यामुळे नुकसानीची माहिती देताना अडचण येते. योजनेतून भरपाई केव्हा मिळेल, कशी मिळेल, हेदेखील कुणी सांगत नाही. या हंगामात नुकसान झाले, पण पंचनामे कुठेही झाले नाहीत. गेल्या वर्षी अतिपावसात सर्वच पिके हातची गेली, पण एकाही शेतकऱ्याला नुकसान भरपाई अपवाद वगळता मिळालेला नाही, असाही दावा शेतकरी करीत आहेत. 

विमा कंपनीचे प्रतिनिधी सापडेना 
जळगाव जिल्ह्यात भारती अॅक्सा जनरल इन्शुरन्स, धुळ्यासाठी एचडीएफसी इर्गो आणि नंदुरबारात रिलायन्स इन्शुरन्स कंपनीची नियुक्ती पीकविमा योजनेसंबंधी झाली आहे. या कंपन्यांची स्वतंत्र कार्यालये कुठल्याही जिल्ह्यात नाहीत. कृषी विभागात या कंपन्यांचे प्रतिनिधी, संबंधित यांना बसण्याची व्यवस्था करून द्यावी, अशा मार्गदर्शक सूचना शासन आदेशात आहेत. कृषी विभागाने ही व्यवस्था केली आहे. पण या कंपनीचे प्रतिनिधी कृषी विभागात नसतात. तालुकास्तरावर तर आनंदीआनंदच आहे. 


इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...