नांदेड जिल्ह्यात शेतकऱ्यांकडून २८ हजारांवर पीकविमा प्रस्ताव

नांदेड जिल्ह्यात शेतकऱ्यांकडून २८ हजारांवर पीकविमा प्रस्ताव
नांदेड जिल्ह्यात शेतकऱ्यांकडून २८ हजारांवर पीकविमा प्रस्ताव

नांदेड : जिल्ह्यात पंतप्रधान पीकविमा योजनेंतर्गत २०१९-२० च्या खरीप हंगामात शनिवार (ता. १३) पर्यंत शेतकऱ्यांनी २८ हजार ३१३ विमा प्रस्ताव सादर केले. या शेतकऱ्यांनी १ कोटी १३ लाख १ हजार ७४४ रुपये विमा हप्ता भरून १३ हजार १०४.८६ हेक्टरवरील खरीप पिकांसाठी ५० कोटी २ लाख ५८ हजार ६०९ रुपयांचे विमा संरक्षण घेतले. पीकविमा योजनेतील सहभागासाठी शेतकऱ्यांनी येत्या बुधवार (ता. २४) पर्यंत अधिसूचित मंडळातील पिकांचे विमा प्रस्ताव सादर करावेत, असे आवाहन कृषी विभागातर्फे करण्यात आले. 

जिल्ह्यातील शेतकऱ्यांनी शनिवारपर्यंत जनसुविधा केंद्र (सीएससी) वर २७ हजार ७५२ विमा प्रस्ताव सादर केले आहेत. एकूण १ कोटी ९ लाख २५६ रुपये विमा हप्ता भरुन १२ हजार ७५४  हेक्टरवरील पिकांसाठी संरक्षण घेतले आहे. बॅंकांमध्ये ३८२ विमा प्रस्ताव सादर केले. ३ लाख १२ हजार ३४९ रुपये एवढा विमा हप्ता भरून २४५ हेक्टवरवरील पिकांसाठी विमा संरक्षण घेतले. राष्ट्रीय पीकविमा पोर्टलवर शेतकऱ्यांनी स्वतःहून १७९ विमा प्रस्ताव सादर केले. एकूण ८९ हजार १३८ रुपये विमा हप्ता भरून १०४. ३५ हेक्टरवरील पिकांसाठी संरक्षण घेतले.

गर्दीमुळे होणारी गैरसोय टाळण्यासाठी शेतकऱ्यांनी अंतिम मुदतीपूर्वी विमा प्रस्ताव सादर करावे. यंदाच्या खरीप हंगामात जिल्ह्यासाठी भारतीय कृषी विमा कंपनीची नियुक्ती करण्यात आली आहे. सर्व पिकांचा जोखीमस्तर ७० टक्के आहे. सोयाबीन, मूग, उडिद, ज्वारी या पिकांसाठी सर्व ८० मंडळे, तर कपाशीसाठी ७८ मंडळे अधिसूचित करण्यात आली आहेत. भात आणि तीळ पिकांसाठी १६ तालुके अधिसूचित करण्यात आले. अधिसूचित मंडळे तसेच तालुक्यातील शेतकऱ्यांना पीकविमा संरक्षण घेता येईल, असे कृषी विभागाच्या सूत्रांनी सांगितले.

पीक विमा संरक्षित रक्कम (हेक्टरी विमा हप्ता (रुपये)
कपाशी ४३०००  २१५०
सोयाबीन ४३०००  ८६०
मूग १९०००  ३८०
उडीद  १९००० ३८०
तूर  ३१५००  ६३०
तीळ २३१०० ४६२
ज्वारी  २४५०० ४९०
भात ४३५००  ८७०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com