Agriculture news in marathi In crop insurance scheme Farmers' participation declined | Agrowon

नगर : पीकविमा योजनेत शेतकऱ्यांचा सहभाग घटला

टीम अॅग्रोवन
बुधवार, 21 एप्रिल 2021

नैसर्गिक संकटाने तसेच अन्य कारणाने शेतपीकांचे नुकसान झाले तर नुकसान भरपाई मिळावी यासाठी राबवण्यात येत असलेल्या प्रधानमंत्री पीकविमा योजनेत यंदा गेल्या वर्षीच्या तुलनेत शेतकरी सहभाग घटला आहे.

नगर : नैसर्गिक संकटाने तसेच अन्य कारणाने शेतपीकांचे नुकसान झाले तर नुकसान भरपाई मिळावी यासाठी राबवण्यात येत असलेल्या प्रधानमंत्री पीकविमा योजनेत यंदा गेल्या वर्षीच्या तुलनेत शेतकरी सहभाग घटला आहे. खरीप व रब्बी हंगामात मिळून गेल्यावर्षी ७ लाख ३२ हजार ४८ शेतकऱ्यांनी ४ लाख ६१ हजार नऊशे ८७ हेक्टरवर विमा उतरवला होता. त्या तुलनेत यंदा शेतकरी संख्या दीड लाखाने घटली असून, १ लाख ३७ हजार १४ हेक्टरने क्षेत्रही घटले आहे.

विशेष म्हणजे वेगवेगळ्या कारणाने यंदा शेतीपिकांचे सर्वाधिक नुकसान झाले आहे. पीक विम्याची जनजागृती करून जास्तीत जास्त शेतकऱ्यांना सहभागी होण्याविषयीची कृषी विभागावर जबाबदारी आहे. येथील जिल्हा अधीक्षक कृषी अधिकारी कार्यालयाने मागील वर्षभरात पीकविम्याबाबत गांभीर्याने घेतले नाही. त्याचा परिणाम शेतकरी सहभागावर झाल्याचे दिसत आहे.  

 अवेळी तसेच अतिपाऊस, गारपीट, यासह नैसर्गिक संकटाने शेतीपिकांचे नुकसान झाले तर शासनाला मदत द्यावी लागते. अनेक वेळा होणारे नुकसान मोठ्या प्रमाणात असल्याने मदत देण्याला अडचणी येतात. त्यामुळे शासनाने खरीप, रब्बी पिके, फळबागांसाठी प्रधानमंत्री पीकविमा योजना सुरू केली. गेल्या काही वर्षांपासून नगर जिल्ह्यात विम्यात शेतकऱ्यांनी सहभागी व्हावे यासाठी कृषी विभाग व लोकप्रतिनिधींकडून जनजागृती केल्याने शेतकऱ्यांचा सहभाग मोठा असे.

गेल्यावर्षभरात मात्र पिकविम्याबाबत येथील जिल्हा अधीक्षक कृषी अधिकारी कार्यालयालाच गांभीर्य नसल्याचे दिसून आले आहे. पीकविम्याबाबत जनजागृतीही झाली नाही आणि शेतकरी संवादही झाला नाही. त्याचा परिणाम थेट सहभागावर असल्याचे आता दिसून आले आहे. नगरमध्ये कृषी विभागाच्या कामाबाबत शेतकऱ्यांत नाराजी आहे. योजनाही प्रभावीपणे राबवल्या जात नसल्याच्या शेतकऱ्यांच्या तक्रारी आहेत.

पीकविम्याची स्थिती (कंसात गतवर्षीची स्थिती)     

  • खरीप शेतकरी सहभाग    ४ लाख ६६ हजार २४५ (५ लाख ९६ हजार १३०) 
  • हेक्टर क्षेत्र    २ लाख ४९ हजार ४८४ (३ लाख ८९ हजार ७७४) 
  • विमा संरक्षित रक्कम    ७४४ कोटी ९९ लाख (९८७ कोटी ९५ लाख) 
  • शेतकऱ्यांनी भरलेला हप्ता    १७ कोटी ६५ (२५ कोटी २७ लाख)
  • रब्बी शेतकरी सहभाग    १ लाख १९ हजार ५२१ (१ लाख ३५ हजार ९१८) 
  • हेक्टर क्षेत्र    ६५ हजार ४८८ (७२ हजार ९१३) 
  • विमा संरक्षित रक्कम    २३१ कोटी ४२ लाख (२०६ कोटी ९ लाख) 
  • शेतकऱ्यांनी भरलेला हप्ता    ५ कोटी ९ लाख (४ कोटी)

इतर बातम्या
विदर्भात पावसाची शक्यता पुणे : मध्य महाराष्ट्र, मराठवाडा व कोकणच्या काही...
कृषी सेवा केंद्रचालक, कर्मचाऱ्यांना लस...पुणे ः राज्यातील सर्व कृषी सेवा केंद्रांचे...
सिंधुदुर्ग जिल्ह्यात शेकडो टन कलिंगडे...सिंधुदुर्गनगरी : कोरोना निर्बंधामुळे जिल्ह्यातील...
खानदेशात केळीची कमी दरात खरेदी जळगाव ः खानदेशात नवती केळी बागांची काढणी सुरू...
निर्यातीच्या केळीला १३०० रुपये दर जळगाव ः खानदेशातून आखातात किंवा परदेशात केळी...
शेतीशाळांची ‘एसओपी’ निश्‍चित पुणे ः शेतकऱ्यांना उपयुक्त ठरणाऱ्या शेतीशाळांसाठी...
भुईमूग खर्चालाही महागअकोला ः उन्हाळी हंगामात यंदा लागवड केलेल्या...
लातूर जिल्ह्यात पूर्वमोसमी पावसाचा कहर...निलंगा, जि. लातूर : निलंगा तालुक्यासह शिरूर...
खते, बियाणे, कीटकनाशके वेळेत देण्याचे...सोलापूर ः ‘‘जिल्ह्यात खरिपाचे क्षेत्र वाढत आहे....
रोपांचा, कलमांचा, बियाण्यांचा पुरवठा...जालना : ‘‘फळझाडांची यशस्वी लागवड करण्यासाठी...
खानदेशात पाणीसाठा ४३ टक्क्यांपर्यंतचजळगाव ः खानदेशात विविध प्रकल्पांमधील जलसाठा मिळून...
पावसाच्या तडाख्यात कांद्याचे अतोनात...नाशिक : जिल्ह्याच्या अनेक भागात पूर्वमोसमी...
सोलापुरात १५ मेपर्यंत कडक लॅाकडाउनसोलापूर ः कोरोनाच्या पार्श्वभूमीवर जिल्ह्यात...
खानदेशात अर्लीची केळी लागवड सुरूजळगाव ः खानदेशात मृग बहरातील अर्ली केळी लागवड...
नांदेड जिल्ह्यात दोन लाख ६२ हजार टन...नांदेड : आगामी खरीप हंगामात शेतकऱ्यांना रासायनिक...
कृषी शिक्षणाच्या नवीन  धोरणासाठी समिती...नगर : राज्यातील कृषी प्रवेशप्रक्रिया व कृषी...
मराठा आरक्षण निकालाच्या  विश्‍लेषणासाठी...मुंबई :  सामाजिक व शैक्षणिक मागास (एसईबीसी)...
दुष्काळी भागातून जमा झाली दोन कोटींची...सांगली : सांगली जिल्ह्यातील दुष्काळी भागातील...
वाढीव पाणीपुरवठा  योजनेसाठी निधी देणारसोलापूर : ‘‘सोलापूर शहराला पाणीपुरवठा करण्यासाठी...
सिंधुदुर्गमध्ये पावसाचा जोर; वाहतुकीचा...सिंधुदुर्गनगरी : जिल्ह्यात शुक्रवारी सायंकाळी...