नांदेड जिल्ह्यात शेतकऱ्यांनी उतरविला १ लाख हेक्टरवरील पीकविमा

नांदेड : पंतप्रधान पीकविमा योजनेंतर्गंत खरिपासाठी जिल्ह्यातील शेतकऱ्यांनी सोमवारपर्यंत (ता. १५) २ लाख २३ हजार ९२६ विमा प्रस्ताव सादर केले. शेतकऱ्यांनी १ लाख २ हजार ८९९ हेक्टरवरील खरीप पिकांसाठी ३९० कोटी ३३ लाख ५३ हजार ८९२ रुपयांचे विमा संरक्षण घेतले. त्यासाठी ८ कोटी ६७ लाख ७६ हजार ६२ रुपये विमाहप्ता भरण्यात आला.

ही योजना कर्जदार शेतकऱ्यांसाठी बंधनकारक, तर बिगर कर्जदार शेतकऱ्यांसाठी ऐच्छिक आहे. याअंतर्गत बॅंका, जनसुविधा केंद्र, राष्ट्रीय विमा पोर्टलवर वैयक्तिकरीत्या आॅनलाइन पीकविमा प्रस्ताव सादर करण्याची सुविधा आहे. सोमवारपर्यंत (ता. १५) शेतकऱ्यांनी जनसुविधा केंद्रात (सीएससी) २ लाख २१ हजार ९७८ विमा प्रस्ताव सादर केले. त्याद्वारे १ लाख १ हजार ५४९ हेक्टरवरील पिकांसाठी ३८४ कोटी ८७ लाख ८५ हजार ३४ रुपयांचे विमा संरक्षण घेतले. त्यासाठी ८ कोटी ५३ लाख ९ हजार ४९२ रुपयांचा हप्ता भरला. 

तालुकानिहाय पीकविमा स्थिती