हिंगोलीत १० हजार ८६६ शेतकऱ्यांना पीक कर्जवाटप

हिंगोली : जिल्ह्यात शुक्रवार (ता.२२) पर्यंत १० हजार ८६६ शेतकऱ्यांना ४१ कोटी ४४ लाख ८९ लाख रुपये (३.५५ टक्के) पीक कर्जवाटप करण्यात आले. 

जिल्ह्यातील बॅंकांना यंदाच्या खरिपात एकूण १ हजार १६८ कोटी ९५ लाख रुपये एवढे पीककर्ज वाटपाचे उद्दिष्ट आहे. त्यात जिल्हा बॅंकेला १४८ कोटी ८९ लाख रुपये, व्यापारी बॅंकांना ८५९ कोटी १० लाख रुपये, महाराष्ट्र ग्रामीण बॅंकेला १६० कोटी ९६ लाख रुपयांचे उद्दिष्ट आहे.

आजवर जिल्हा बॅंकेने सर्वाधिक १० हजार ३१ शेतकऱ्यांना २८ कोटी ३१ हजारांचे पीक कर्जवाटप केले. व्यापारी बॅंकांना सर्वाधिक पीककर्ज वाटपाचे उद्दिष्ट आहे. परंतु, या बॅंकांनी आजवर ७५९ शेतकऱ्यांना १२ कोटी ८९ लाख रुपयांचे पीक कर्जवाटप केले. महाराष्ट्र ग्रामीण बॅंक सद्यस्थितीत कर्जवाटपात पिछाडीवर आहे. आजवर ७६ शेतकऱ्यांना ६४ लाख २८ हजार रुपयांचे पीक कर्जवाटप केले.  खरीप पीक कर्जवाटप (कोटींत)