Agriculture news in marathi Crop loan disbursement did not increase in Nashik district of Agriculture Minister | Agrowon

कृषिमंत्र्यांच्या नाशिक जिल्ह्यातच पीक कर्जवाटप वाढेना

टीम अॅग्रोवन
रविवार, 7 जून 2020

प्रतिक्रिया: 
आजपर्यंत कर्ज परतफेड केली आहे, मात्र आता कर्ज देण्यास राष्ट्रीयकृत बँका टाळाटाळ करत आहेत. जाचक अटी घालून तांत्रिक कारणे पुढे केली जात आहेत. वरून शासन म्हणते पीककर्ज द्या, मात्र, बँका त्यांचे आदेश डावलून पीककर्ज देण्यास टाळाटाळ करत आहेत. 
- पंडित वाघ, शेतकरी, बार्डे, ता.कळवण 

अग्रणी बँकेचे व्यवस्थापक व मी लक्ष घालून आहे. मागील वर्षीच्या तुलनेत कर्जाचे वितरण, कसे वाढेल, याकडे लक्ष आहे. त्यानुसार बँकांकडून आढावा घेऊन नियमित सूचना केल्या जात आहेत. गेल्या दोन महिन्यात अडचणी आल्या. आता कामकाज गती घेईल. 
- गौतम बलसाणे, जिल्हा उपनिबंधक (सहकारी संस्था), नाशिक. 
 
 

नाशिक : मूग नक्षत्राच्या तोंडावर पेरणीयोग्य पाऊस होऊन शेतकरी खरीप हंगामाच्या कामात व्यस्त झाले आहेत. मात्र खिशात पैसाच नसल्याने नियोजन करायचे कसे? हा प्रश्न त्यांच्यासमोर उभा आहे. शेतकरी बँकेत हेलपाटे मारत आहेत, मात्र बँका सकारात्मक प्रतिसाद देत नसल्याची परिस्थिती आहे. कृषिमंत्र्यांच्या जिल्ह्यातच पीककर्जाचे वितरण असमाधानकारक आहे. एकूण लक्ष्यांकाच्या तुलनेत अवघे ७.२० टक्के कर्जवितरण झाले आहे. 

मागील वर्षभरात शेतमालाचे झालेले नुकसान व नसलेला अपेक्षित दर, यामुळे हातात भांडवल नाही. मग, आता पेरणी कशी करायची, ही समस्या शेतकऱ्यांपुढे आहे. त्यातच आता बँकांच्या मनमानीमुळे शेतकऱ्यांच्या हाती काहीच पडत नसल्याचे चित्र आहे. अग्रणी बँकेने चालू वर्षी जिल्ह्यात ३३०० कोटी रुपयांचा लक्ष्यांक जाहीर केला. त्यातच १ एप्रिलपासून वितरण सुरू होऊन अवघे २३७.९४ कोटी रुपयांचे वितरण झाले आहे. ही टक्केवारी अवघी ७.२० असल्याची माहिती समोर आली. 

गेल्या महिन्यात कृषिमंत्री दादा भुसे व पालकमंत्री छगन भुजबळ यांनी खरीपपूर्व बैठक घेतली. यानंतर आजपर्यंत अवघी ५ टक्के वाढ पीककर्ज वितरणात झाली. त्यातच जिल्हाधिकारी हे दर बुधवारी बैठक घेऊन आढावा घेत असले तरी वितरणाचा टक्का वाढत नसल्याने त्याचा फटका शेतकऱ्यांना बसत आहे. त्यामुळे कृषिमंत्र्यांच्या जिल्ह्यातच पीककर्जाचे वितरण असमाधानकारक आहे. 

बँकांचे काम कधी सुधारणार? 

हाती भांडवल नसल्याने शेतकरी बँकेत चकरा मारतो आहे. मात्र, त्याच्या पाठपुराव्याला बँका प्रतिसाद देत नसल्याची स्थिती आहे. मागील वर्षीही असाच अनुभव राहिला. मागील वर्षी ३१४७ कोटी रुपयांचा लक्ष्यांक होता. त्यापैकी ५८ टक्के वितरण झाले होते. यामागील कारणे काय? याचा शोध घेण्याबाबत सांगत लक्ष्यांक अधिक पूर्ण करण्याच्या सूचना देण्यात आल्या. मात्र, अशीच परिस्थिती यावर्षी दिसून येत आहे. बँकांच्या कामगिरीत सुधारणा होणार कधी?हा प्रश्न आहे. 

बँका लक्ष्यांक (कोटी रुपये वितरण(कोटी टक्केवारी 
राष्ट्रीयकृत बँका २२४३.७९ १५१.०३ ६.७३ 
ग्रामीण बँका १६.८७ ०.७५ ४.७५ 
खाजगी बँका ६०५.७४ ५५.४९ ९.१६ 
जिल्हा सहकारी बँक ४३७.३७ .३०.६७ ७०१

 


इतर ताज्या घडामोडी
नगरमध्ये मागणीच्या ५० टक्केच युरिया... नगर   ः जोमात असलेल्या खरीप...
सोलापुरात खते उपलब्धता पुरेशी, दरवाढीचा...सोलापूर   ः सोलापूर जिल्ह्यात जूनअखेर...
जळगावात आले २८०० ते ४४०० रुपये...जळगाव  ः कृषी उत्पन्न बाजार समितीमध्ये...
सातारा जिल्ह्यात जाणवतेय युरियाची टंचाई सातारा   ः खरीप हंगामाकरिता रासायनिक...
पुणे जिल्ह्यात अनावश्यक खते खरेदी ...पुणे  ः शेतकऱ्यांना खरीप हंगामात खतांची...
औरंगाबाद, जालना जिल्ह्यातील पाच मंडळांत...औरंगाबाद : मराठवाड्यातील औरंगाबाद व जालना...
जळगाव जिल्ह्यात टंचाईमुळे जादा दराने...जळगाव : जिल्ह्यात यंदा पेरणी वेळेत झाली, पण...
औरंगाबाद, जालना, बीड जिल्ह्यात...औरंगाबाद : मराठवाड्यातील औरंगाबाद, जालना, बीड आदी...
बीड विभागात १८ लाख क्विंटल कापसाची खरेदीबीड  ः राज्य कापूस पणन महासंघाच्या बीड...
महाळूंग येथील कोविड केअर सेंटरला `आयएसओ...सोलापूर : माळशिरस तालुक्‍यातील महाळूंग येथील...
नांदेड, परभणी, हिंगोलीत खतांसाठी...नांदेड : यंदा नांदेड, परभणी, हिंगोली जिल्ह्यांनी...
नाशिक जिल्ह्यात शेतकऱ्यांची धावपळ,...नाशिक : खरीप पिकांना वाढीच्या अवस्थेत खतांची...
पीकविमा प्रस्ताव सादर करण्यासाठी ३१...परभणी : ‘‘पंतप्रधान पीकविमा योजनेअंतर्गंत...
महाराष्ट्राच्या विकासात डॉ. चव्हाण...मुंबई : जनसेवा, राज्याची आणि देशाची सेवा...
सोलापूरसह नजीकच्या गावांमध्ये ...सोलापूर  : सोलापूर शहर आणि शेजारील...
नाशिक जिल्ह्यात सोयाबीन बियाण्यांच्या...नाशिक : खरीप हंगामात जिल्ह्यातील सोयाबीनची पेरणी...
नगरमध्ये मागणीच्या ५० टक्केच युरिया...नगर ः जोमात असलेल्या खरीप पिकांसाठी युरियाची...
शेतकऱ्याने तुटपुंज्या मदतीचा धनादेश...नाशिक : निसर्ग चक्री वादळाने ३ जून रोजी येवला...
अकोला : आवश्‍यक खते मिळवताना...अकोला ः या हंगामातील पिकांची लागवड होऊन बहुतांश...
सिंधुदुर्गात खते मिळाली; पण वेळेत नाहीतसिंधुदुर्ग ः खरीप हंगामाच्या सुरुवातीला जिल्ह्यात...