जळगाव जिल्ह्यातील पीक कर्जवाटपाला गती येईना

जळगाव ः जिल्ह्यात खरिपासंबंधी पीक कर्जवाटप गेल्या महिन्यात सुरू झाले आहे. पीक कर्जवाटपात जिल्हा मध्यवर्ती बँक आघाडीवर आहे. या बँकेने सुमारे २३० कोटी रुपये पीक कर्ज वितरण गेल्या आठवड्यापर्यंत केले आहे.
Crop loan disbursement in Jalgaon district did not accelerate
Crop loan disbursement in Jalgaon district did not accelerate

जळगाव ः जिल्ह्यात खरिपासंबंधी पीक कर्जवाटप गेल्या महिन्यात सुरू झाले आहे. पीक कर्जवाटपात जिल्हा मध्यवर्ती बँक आघाडीवर आहे. या बँकेने सुमारे २३० कोटी रुपये पीक कर्ज वितरण गेल्या आठवड्यापर्यंत केले आहे. 

राष्ट्रीयीकृत बँकांनी पुन्हा एकदा पीक कर्ज वितरणात हात आखडता घेतला आहे. फक्त ४५ कोटी रुपये पीक कर्ज वितरण या बँकांनी केले आहे. जिल्ह्यात सुमारे दोन हजार कोटी रुपयांचा लक्ष्यांक आहे. हे कर्ज बँकांना आपल्या निधीतून वितरित करायचे असते. शासन फक्त वितरण लक्ष्यांक निश्चित करते. परंतु बँकाही कोविड व इतर समस्यांमुळे अडचणीत आहेत, असे सांगितले जात आहे. नवी पीक कर्ज प्रकरणे रखडली आहेत. बँकांमध्ये यासंबंधी कार्यवाही संथ आहे. पीक कर्ज नूतनीकरण फक्त राष्ट्रीयीकृत बँकांच्या शाखांमध्ये केले जात आहे. 

जळगाव जिल्हा बँकेला पीक कर्ज वितरणाला लक्ष्यांक राष्ट्रीयीकृत बँकांएवढाच आहे. जिल्हा बँकेच्या सर्वाधिक शाखा ग्रामीण भागात आहेत. यामुळे बँकेने पीक कर्ज वितरणात आघाडी घेतली आहे. नवी प्रकरणेदेखील मार्गी लावली जात आहेत. जिल्ह्यात सेंट्रल बँक अग्रणी बँक  म्हणून काम करते. या बँकेसोबत इतर बँका व प्रशासनाची पीक कर्ज वितरणासंबंधी बैठक झालेली नाही. यामुळे या समस्येकडे दुर्लक्ष आहे. 

कोरोनामुळे अडचणी

पीक कर्ज वितरणास राष्ट्रीयीकृत बँका गती देत नसल्याचा मुद्दा शेतकरी उपस्थित करीत आहेत. कारण, या बँका आपल्या शाखेत कोविडमुळे प्रवेश नाकारत आहेत. फक्त आरटीजीएस, ठेवी, शासकीय कामे सुरू राहतील, असे या बँका बजावत आहेत. यामुळे पीक कर्जवाटप पुढेही संथच राहील, अशी स्थिती आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com