agriculture news in Marathi, crop loan distribution at 41 percent, Maharashtra | Agrowon

पीककर्जवाटप ४१ टक्क्यांवर
टीम अॅग्रोवन
गुरुवार, 23 ऑगस्ट 2018

पुणे: राज्य सरकारने तंबी दिल्यानंतरही हेका न सोडणाऱ्या राष्ट्रीयीकृत बॅंकांनी खरिपाच्या कर्जवाटपात दिरंगाई केली आहे. पेरण्या संपल्यानंतरदेखील राज्यात फक्त ४१ टक्के पीककर्जवाटप झाले, अशी माहिती बॅंकिंग सूत्रांनी दिली. राज्याचा पीक पतपुरवठा आराखड्याच्या नियोजनाचे राष्ट्रीयीकृत बॅंकांनी फज्जा उडविला आहे. एक ऑगस्टच्या अहवालानुसार, राज्यात अजूनही ५९ टक्के कर्जवाटपाचे काम बाकी असल्याचे स्पष्ट होते. 

पुणे: राज्य सरकारने तंबी दिल्यानंतरही हेका न सोडणाऱ्या राष्ट्रीयीकृत बॅंकांनी खरिपाच्या कर्जवाटपात दिरंगाई केली आहे. पेरण्या संपल्यानंतरदेखील राज्यात फक्त ४१ टक्के पीककर्जवाटप झाले, अशी माहिती बॅंकिंग सूत्रांनी दिली. राज्याचा पीक पतपुरवठा आराखड्याच्या नियोजनाचे राष्ट्रीयीकृत बॅंकांनी फज्जा उडविला आहे. एक ऑगस्टच्या अहवालानुसार, राज्यात अजूनही ५९ टक्के कर्जवाटपाचे काम बाकी असल्याचे स्पष्ट होते. 

‘‘मुख्यमंत्र्यांच्या उपस्थितीत झालेल्या राज्यस्तरीय बॅंकर्स समितीच्या बैठकीत खरिपासाठी शेतकऱ्यांना ४३ हजार कोटी रुपये पीककर्ज वाटण्याचे निश्चित करण्यात आले होते. मात्र, पेरणी हंगाम संपल्यानंतर देखील अवघे २३ हजार ४५० कोटी रुपये कर्ज वाटले गेले,’’ असे एका राष्ट्रीयकृत बॅंकेच्या प्रतिनिधीने स्पष्ट केले. 

जिल्हा बॅंकांचे विस्कळित झालेले जाळे आणि राष्ट्रीयकृत बॅंकांनी घेतलेली आडमुठी भूमिका यामुळे सर्वात कमी पीककर्ज मराठवाड्यात वाटण्यात आले आहे. ‘‘मराठवाड्यातील शेतकऱ्यांना आम्ही १२ हजार कोटी रुपये पीक कर्ज वाटण्याचे ठरविले होते. मात्र, आम्ही केवळ सव्वा तीन हजार कोटी रुपये उपलब्ध करून दिले आहेत,’’ असे या अधिकाऱ्याने स्पष्ट केले. 

पीक कर्जवाटपात बहुतेक बॅंकांनी अतिशय ताठर भूमिका घेतली. मात्र, बॅंक ऑफ महाराष्ट्रने खास मेळावे घेऊन कर्जवाटप केले आहे. राज्याची अग्रणी बॅंक म्हणून बॅंक ऑफ महाराष्ट्र कार्यरत असून या बॅंकेप्रमाणे सर्व राष्ट्रीयकृत बॅंकांनी शेतकऱ्यांसाठी कर्जमेळावे का घेतले नाहीत, असा सवाल सहकार विभागाच्या सूत्रांनी उपस्थित केला. 

मुख्यमंत्र्यांनी राज्यातील राष्ट्रीयकृत बॅंकांच्या प्रतिनिधींना दोन महिन्यांपूर्वीच बोलावले तंबी दिली होती. शेतकऱ्यांना पीककर्ज देणे आपले राष्ट्रीय कर्तव्य आहे याचे भान ठेऊन बँकांनी काम करावे, असे मुख्यमंत्र्यांनी सुनावले होते. बॅंका शेतकऱ्यांबाबत असंवेदनशील असल्याच्या तक्रारी मुख्यमंत्र्यांकडे वारंवार केल्या जात आहेत.  कर्जवाटप करताना संवेदनशीलता दाखविण्याचे आवाहन मुख्यमंत्र्यांनी करून देखील बॅंकांनी दखल घेतलेली नाही. रिझर्व्ह बॅंकेने पीक कर्जवाटपाच्या नियमावलींचा आढावा घेण्याची आवश्यकता आहे. रिझर्व्ह बॅंकेने नियमावली कडक केली तरच राष्ट्रीयकृत बॅंका शेतकऱ्यांना कर्जवाटपासाठी लवचिक भूमिका घेतील, असे सहकार विभागाचे म्हणणे आहे. 

मराठवाड्यात ११ लाख शेतकरी वंचित
मराठवाड्यात १५ लाखांच्या आसपास कर्जदार शेतकरी आहेत. त्यात प्रत्येक जिल्ह्यात हजारो शेतकऱ्यांना थकीत कर्जामुळे नव्या कर्जाचा लाभ राष्ट्रीयीकृत बॅंकांनी दिलेला नाही. खरिपात आतापर्यंत पावणेसहा लाख शेतकऱ्यांना सव्वातीन हजार कोटी रुपये कर्ज दिलेले आहे. याचाच अर्थ मराठवाड्यातील जवळपास ११ लाख शेतकऱ्यांना अजून कर्ज मिळालेले नाही.

इतर अॅग्रो विशेष
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...
दुष्काळामुळे द्यावा लागणार पाणी...पुणे ः सततच्या दुष्काळामुळे आता पाणी...
पीक पोषणात महत्त्वाची अन्नद्रव्ये पिकांच्या सुदृढ वाढीसाठी १८ अन्नद्रव्यांची...
मिल्क केक बनविण्याची प्रक्रियामिल्क केक हा दिसायला कलाकंदप्रमाणे असला तरी...
मराठवाड्यात ठिकठिकाणी हलक्या ते जोरदार...पुणे ः राज्यात पावसासाठी पोषक वातावरण तयार...
सोयाबीनवरील कीडीची ओळख सोयाबीन हे राज्यातील महत्त्वाचे पीक असून, त्यावर...
नांदेड जिल्ह्यात अन्नधान्य पिकांच्या...नांदेड : जिल्ह्यात गुरुवारपर्यंत (ता. १८) ६ लाख...
एकाच गावातील ७५० एकरांत ७५०० कामगंध...जालना : गतवर्षी नियंत्रण मिळविलं म्हणून कपाशीवरील...
जलसंधारणाचा खामगाव पॅटर्न देशभरात जाणारअकोला ः राष्ट्रीय महामार्गाचे काम करताना त्यासाठी...
कृत्रीम शीतपेयांना शोधला कोकणी नैसर्गिक...कोकणातील निसर्गरम्य कोळथर (ता. दापोली, जि....
फुलांनी आणला आयुष्यात बहर, अॅग्रोवनची...पुणे जिल्ह्यात रुई येथील सुहास लावंड यांनी...
जलव्यवस्थापनातील हुशारीतून फुलतेय ...दुष्काळाशी लढताना औरंगाबाद जिल्ह्यातील गाढेजळगाव...
दुष्काळातही कडवंची गावच्या अर्थकारणाची...भूगर्भीय सर्वेक्षण आधारित पाणलोटाची कामे, मृद...
मातीची सुपीकता टिकविणे आव्हानात्मक: डॉ...कोल्हापूर : कोल्हापूर विभागात मातीची सुपीकता...
साखर कारखान्यांना कर्ज न देणाऱ्या...मुंबई: आगामी हंगामासाठी साखर कारखान्यांना...
कृषी कौशल्य विकासासाठी सहकार्याचा करारअकोला ः  केंद्र शासनाची पंतप्रधान कौशल्य...