agriculture news in marathi, crop loan distribution become slow in varhad, maharashtra | Agrowon

वऱ्हाडात पीक कर्जवाटपाची गती संथ

टीम अॅग्रोवन
रविवार, 5 ऑगस्ट 2018

अकोला   ः वऱ्हाडातील तीनही जिल्ह्यांत यंदा खरीप हंगामासाठी दिलेल्या उद्दिष्टाच्या सरासरी २५ टक्यांपर्यंत पीककर्ज वाटप झाले अाहे.

अकोला   ः वऱ्हाडातील तीनही जिल्ह्यांत यंदा खरीप हंगामासाठी दिलेल्या उद्दिष्टाच्या सरासरी २५ टक्यांपर्यंत पीककर्ज वाटप झाले अाहे.

एप्रिल ते जुलै असा चार महिन्यांचा कालावधी पूर्ण झाला असून, कर्जवाटपाची स्थिती अत्यंत चिंताजनक अाहे. पीककर्ज वाटपाची गती वाढवण्याबाबत बँकांना सूचना करूनही त्यादृष्टीने काम होत नसल्याची बाब यामुळे स्पष्ट झाली अाहे. अकोला, वाशीम, बुलडाणा या जिल्ह्यांमध्ये सरासरी २५ टक्के पीककर्ज वाटप झालेले असून, उर्वरित पीककर्जाचे वाटप कधी होईल असा प्रश्न कायम अाहे. अद्यापही पूर्ण न झालेल्या कर्जमाफीच्या प्रक्रियेमुळे या हंगामात पीक कर्ज वाटपास मोठी खीळ बसल्याचे सांगण्यात येते.     

अकोला जिल्ह्यात अातापर्यंत ३३६ कोटी ९९ लाख (२५.२५ टक्के), वाशीममध्ये  २४४ कोटी (२६ टक्के) अाणि बुलडाणा जिल्ह्यात ४०१ कोटी (२२.९९ टक्के) रुपयांचे पीककर्ज वाटप झाले अाहे.  अकोला जिल्ह्यात खरिपासाठी १३३४ कोटी रुपयांचे पीककर्ज वाटपाचे उद्दिष्ट अाहे. यापैकी सर्वाधिक ६८३ कोटी रुपये जिल्हा बँकेला वाटप करायचे अाहेत. या बँकेने अातापर्यंत १५० कोटींचे पीककर्ज वितरण केले आहे. उर्वरित रक्कम राष्‍ट्रीयकृत, खासगी, ग्रामीण बँकांनी वितरीत केली.

वाशीम जिल्ह्यात या खरीप हंगामासाठी  सुमारे १४७५ कोटी रुपयांचे उद्दिष्ट दिलेले असताना मागील चार महिन्यांत अातापर्यंत २२४ कोटी रुपयांचे पीक कर्ज वाटप झाले अाहे. जिल्ह्यातील दोन लाख दोन हजार खातेदार शेतकऱ्यांपैकी २९ हजार ५५० शेतकऱ्यांना २४४ कोटी रुपयांचे पीककर्ज वाटप करण्यात आले आहे. यामध्ये सर्वाधिक १२२ कोटी रुपये हे अकोला जिल्हा मध्यवर्ती सहकारी बँकेने वाटप केले आहे. उर्वरित १०२ कोटी रुपयांचे कर्ज वितरण राष्ट्रीयीकृत बँकांनी केले अाहेत. अाता अाॅगस्ट अाणि सप्टेंबर हे दोन महिने खरिपाच्या पीक कर्ज वाटपासाठी बाकी अाहेत. सध्याची गती पाहता खरीप पीककर्ज वाटपाचे उद्दिष्ट ५० टक्क्यांच्याही अात राहण्याची शक्यता अाहे.

पीक कर्ज वाटपाच्या मार्गात कर्जमाफीची प्रक्रीया पूर्ण न होणे हा सर्वांत मोठा अडथळा राहलेला अाहे. ज्यांना कर्जमाफी मिळाली अशांपैकी अनेक सभासद हे पात्र असूनही कागदपत्रांची पूर्तता करू शकत नसल्याने ते पीककर्जासाठी वंचित राहत अाहेत. कर्जमाफीला वर्ष लोटले तरी असंख्य खाते अद्यापही नील झालेले नाहीत. प्रक्रिया सुरू असल्याने हे शेतकरी कर्ज मिळण्यापासून दूर अाहेत. शिवाय नियमित खातेदारांनी चालू कर्ज न भरल्याने त्यांनाही पुन्हा कर्ज मिळण्यात अडचणी अालेल्या अाहेत.
 

पीककर्ज वाटप स्थिती
जिल्हा उद्दिष्ट वाटप  टक्केवारी
अकोला १३३४  कोटी ३३६.९९  २५.२५
बुलडाणा  १७४५   ४०१.३३  २२.९९
वाशीम  १४७५  २२४  २६

 


इतर ताज्या घडामोडी
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...