पुणे जिल्ह्यात पावसामुळे खरिपातील पिके जोमात

पावसामुळे खरिपातील पिके जोमात
पावसामुळे खरिपातील पिके जोमात

पुणे  ः गेल्या आठवड्यात झालेल्या पावसामुळे खरिपातील भात, सोयाबीन, तूर, मूग, उडीद या पिकांना दिलासा मिळाला आहे. सध्या पिके वाढीच्या अवस्थेत आहे. सोयाबीन, भात अशा पिकांवर काही ठिकाणी रोग-किडीचा प्रादुर्भाव झाला असल्याची माहिती कृषी विभागाच्या सूत्रांनी दिली.

यंदा पुणे जिल्ह्यात खरीप हंगामात दोन लाख ३० हजार ८३० हेक्टरपैकी एक लाख ५५ हजार ८०७ हेक्टरवर पेरणी झाली आहे. सरासरी ६७ टक्के पेरणी झाली. जिल्ह्यात भातपिकांची ६१ हजार ७८३ हेक्टरवर पुनर्लागवड झालेल्या आहेत. गेल्या आठवड्यापासून होत असलेल्या जोरदार पावसामुळे भात पीकवाढीच्या अवस्थेत आहे. काही ठिकाणी पुनर्लागवडी अंतिम टप्प्यात आल्या आहेत. भोर, वेल्हा, मावळ या तालुक्यांत यांत्रिकीकरणाद्वारे ५९२ हेक्टरवर भात लागवड पिकांच्या प्रात्यक्षिकांचे आयोजन केले होते. बाजरी पीकवाढीच्या अवस्थेत असून शिरूर, दौड, इंदापूर, बारामती व पुरंदर या तालुक्यांमध्ये पावसाअभावी पिकांची वाढ काही प्रमाणात खुंटली आहे.

जूनच्या सुरवातीच्या काळात पुरेसा पाऊस न झाल्यामुळे मूग व उडीद या पिकांची पेरणी क्षेत्र कमी झाले आहे. सुरवातीस पेरलेले मूग पीक फुलोऱ्यांच्या अवस्थेत असून, शिरूर तालुक्यात काही ठिकाणी पावसाअभावी वाढीवर काही प्रमाणात परिणाम झाला आहे. भुईमूग पीकवाढीच्या अवस्थेत आहेत. सोयाबीन पिकांचे सरासरी पाच हजार २०० हेक्टर क्षेत्र असून हे क्षेत्र भोर, जुन्नर, खेड, आंबेगाव व बारामती तालुक्यांमध्ये आहे. जिल्ह्यामध्ये १८ हजार ७६६ हेक्टरवर सोयाबीन पिकांची पेरणी झाली आहे.

सोयाबीन पिके वाढीच्या अवस्थेत आहेत. सोयाबीन पिकांवर अल्प प्रमाणात पाने खाणारी अळी, चक्री भुंगे यांचा प्रादुर्भाव झाला असून, कृषी विभागामार्फत योग्य त्या उपाययोजना सुचविल्या जात आहेत. मका पिके वाढीच्या अवस्थेत आहे. कापूस पिकांची शिरूर, बारामती, इंदापूर, दौंड या तालुक्यांमध्ये अवघे ४९ हेक्टरवर पेरणी झाली आहे. पिके वाढीच्या अवस्थेत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com