agriculture news in marathi, The crop production will decrease by 40 percent | Agrowon

पुणे विभागात पीक उत्पादनात ४० टक्क्यांपर्यंत घट येणार : कृषी विभाग
टीम अॅग्रोवन
गुरुवार, 4 ऑक्टोबर 2018

पुणे ः पावसाचे चार महिने संपले तरीही बहुतांशी ठिकाणी पाऊस झालेला नाही. त्यातच अनेक वेळा पडलेल्या पावसाचा खंडाचा परिणाम खरीप पिकांवर झाला आहे. पुणे विभागातील अनेक ठिकाणी पावसाअभावी पिकांची वाढ खुंटली असून, पीक उत्पादनात सुमारे ४० टक्क्यांपर्यंत घट येण्याची शक्यता कृषी विभागाच्या सूत्रांनी वर्तविली आहे.

पुणे ः पावसाचे चार महिने संपले तरीही बहुतांशी ठिकाणी पाऊस झालेला नाही. त्यातच अनेक वेळा पडलेल्या पावसाचा खंडाचा परिणाम खरीप पिकांवर झाला आहे. पुणे विभागातील अनेक ठिकाणी पावसाअभावी पिकांची वाढ खुंटली असून, पीक उत्पादनात सुमारे ४० टक्क्यांपर्यंत घट येण्याची शक्यता कृषी विभागाच्या सूत्रांनी वर्तविली आहे.

पुणे विभागात जून ते सप्टेंबर या चार महिन्यांच्या कालावधीत अवघा ४३५ मिलिमीटर म्हणजेच ६८ टक्के पाऊस पडला आहे. यात जून महिन्यात प्रत्यक्षात ११४.३ मिलिमीटर, जुलैमध्ये १६८.४, आॅगस्टमध्ये १२२.८, सप्टेंबरमध्ये ३०.१ मिलिमीटर पाऊस पडला आहे. जून महिन्यात विभागातील अनेक भागात बऱ्यापैकी पाऊस झाला होता. त्यामुळे खरीप हंगामात सरासरी सात लाख ८८ हजार ४८० हेक्टर क्षेत्रापैकी ९ लाख ३४ हजार ७३० हेक्टर म्हणजेच ११८ टक्के पेरणी झाल्याची नोंद कृषी विभागाकडे आहे. मात्र, जुलै, आॅगस्ट आणि सप्टेंबर या तीन महिन्यांत पावसाच्या कालावधीत चांगलाच खंड पडला असून, कमी कालावधीत अधिक पाऊस पडल्याचे चित्र होते. त्याचा परिणाम खरीप हंगामातील पिकांवर झाला आहे.

नगर जिल्ह्यात अकोले तालुक्यात भातपीक दाणे भरण्याच्या अवस्थेत असून, पावसातील मोठ्या खंडामुळे उत्पादनात जवळपास २५ ते ३० टक्के घट येण्याची शक्यता आहे. बाजरी पीक काढणी अनेक ठिकाणी सुरू आहे. मका पीक दाणे भरण्याच्या अवस्थेत आहे. पाण्याची सुविधा असलेले शेतकरी संरक्षित पाणी देत आहे.

बाजरी व मका पिकांच्या उत्पादनात सुमारे २५ ते ३५ टक्के घट येण्याची शक्यता आहे. तूर पिकांला फुले येण्याच्या अवस्थेत असून, काही ठिकाणी शेंगा लागण्याच्या अवस्थेत आहे. मूग व उडीद पिकांची काढणी पूर्ण झाली आहे. या पिकांच्या उत्पादनात सरासरी ४० ते ४५ टक्के घट येण्याची शक्यता आहे.

भुईमूग व सूर्यफूल पिकांचीही वाढ खुंटली असून, उत्पादनात सुमारे ३० ते ४० टक्के घट येण्याची शक्यता आहे. पुणे जिल्ह्यातही भातपीक निसवण्याच्या अवस्थेत असून, अनेक ठिकाणी करपा रोगाचा प्रादुर्भाव झाला आहे. त्यातच पावसाचा खंड यामुळे उत्पादनात २५ ते ३० टक्क्यांपर्यंत घट येण्याची शक्यता आहे. बाजरी पीक दाणे भरण्याच्या अवस्थेत असून, पावसाच्या खंडामुळे पीक उत्पादनात जवळपास २० ते २५ टक्के घट येण्याची शक्यता आहे. सोलापूर जिल्ह्यातील ९१ महसूल मंडळांपैकी ५६ मंडळांत सरासरी ५० टक्क्यांपेक्षा कमी पाऊस झाला. त्यामुळे सर्वच पिकांच्या उत्पादनात मोठी घट येणार आहे.

‘मी वीस जूनच्या दरम्यान आठ ते नऊ एकरांवर मुगाची पेरणी केली होती. त्यानंतर थोडा पाऊस झाला. शेंगा लागणीच्या अवस्थेत असताना पावसाचा खंड पडला. त्यामुळे सर्व मूग वाळून गेल्यामुळे त्यात थेट नांगर फिरवला.
- भाऊसाहेब पळसकर, करर्डे, ता. शिरूर, जि. पुणे

‘खरिपात दोन ते अडीच एकरावर बाजरीची पेरणी केली होती. जुलै आॅगस्टमध्ये पुरेसा पाऊस न झाल्याने बाजरीची वाढ होऊ शकली नाही. त्यामुळे उत्पादनात सुमारे २० ते २५ टक्के घट येणार आहे.
- फत्तेसिंग पवार, वाल्हा, ता. पुरंदर, जि. पुणे

 ‘खरिपात पाच एकरावर मुगाची पेरणी केली होती. मात्र, वेळेवर पाऊस झाला नाही. त्यामुळे उत्पादनात मोठी घट झाली असून, पाच एकरांत अवघे दहा क्विंटल उत्पादन मिळाले आहे.
- विनायक लगड, वाळवणे, ता. पारनेर, जि. नगर.

इतर अॅग्रो विशेष
सरकारच्या फसव्या आश्वासनांना बळी पडू...जिंतूर, जि. परभणी: शेतकऱ्यांना पीक कर्ज दिले जात...
पाण्याच्या उपलब्धतेनुसार देशमुखांकडून...नांदेड जिल्ह्यातील पारडी (ता. अर्धापूर) येथील...
आदिवासीबहुल भागात ‘निसर्गराज’ची घौडदौड धुळे जिल्ह्यातील हारपाडा (ता. साक्री) या...
बचत गटांची उत्पादने आता ‘ॲमेझॉन’वरमुंबई  : महाराष्ट्र आर्थिक विकास महामंडळ...
वनस्पतीतील विषारी अंशाने दगावली ४२...नगर : पावसाळ्यात शेती बांध, मोकळ्या रानात...
अजित पवार, मुश्रीफांसह ५० जणांवर गुन्हे...मुंबई  : महाराष्ट्र राज्य सहकारी बँक...
अतिवृष्टी, पुराचा चार लाख हेक्टरवरील...पुणे  : राज्यात अतिवृष्टी व पुरामुळे...
अतिवृष्टीमुळे सुपारी पीक धोक्यातसिंधुदुर्ग ः जिल्ह्यात झालेल्या अतिवृष्टीमुळे आता...
मराठवाडा, विदर्भात तुरळक ठिकाणी हलक्या...पुणे ः विदर्भात चक्राकार वाऱ्याची स्थिती असल्याने...
‘ती’च्या शिक्षणाची कथाशा ळा-महाविद्यालयांचे निकाल असो  विविध...
संथ वाहते कृष्णामाई...संथ वाहते कृष्णामाई, तीरावरल्या सुख-दुःखाची,...
`चांद्रयान २' चंद्राच्या कक्षेत दाखलनवी दिल्ली ः भारताची महत्त्वाकांक्षी...
मराठवाड्यात २७ टक्केच पीक कर्जवाटपऔरंगाबाद : यंदाच्या खरिपासाठी शेतकऱ्यांना...
राज्य बँकेची ३५ हजार कोटींची उलाढालमुंबई : अहवाल वर्षात इतिहासात ३५,४४० कोटी इतकी...
नाशिक जिल्ह्यात मक्यावर अमेरिकन लष्करी...नाशिक  : चालू खरीप हंगामात मका पिकावर मोठ्या...
`अतिपावसाने होत्याचं नव्हतं झालं`; पुणे...पुणे ः शेतकरी पाणीटंचाईच्या संकटातून सावरण्याचा...
अपघात विमा योजनेत शेतकऱ्यासह कुटुंबातील...मुंबई: गोपीनाथ मुंडे शेतकरी अपघात विमा...
राज्यात पूरप्रवण क्षेत्राबाबत संशयकल्लोळपुणे : कृष्णा व गोदावरी नदीच्या खोऱ्यात सतत पूर...
भाजीपाल्याचे आगार उद्ध्वस्तकोल्हापूर/सांगली : ज्या जिल्ह्यांनी संपूर्ण...
‘शेती तिथे रस्ता’ उपक्रमासह...सातारा जिल्ह्यातील पाटण हा डोंगराळ तालुका म्हणून...