मराठवाड्यात पावसाअभावी पिके संकटात

पडलेल्या पावसाच्या भरवशावर तीन बॅग सरकी लावली. ती उगवली. पण, पावसाअभावी कोमेजून चालली आहे. पावसाअभावी चार एकर पेरणी बाकी आहे. सध्या जनावरांसाठी चारा, पाणी हा चिंतेचा विषय आहे. - धनंजय सोळंके, नागापूर, ता. परळी वै., जि. बीड.
खरिप पेऱणी
खरिप पेऱणी

औरंगाबाद : मराठवाड्यात १ जून ते १४ जुलैदरम्यान सरासरीच्या तुलनेत केवळ ५३ .५ टक्के पाऊस झाला आहे. मराठवाड्यात गतवर्षी १ जून ते १३ जुलै २०१८ दरम्यान सरासरीच्या तुलनेत १०२.४ टक्के पाऊस झाला होता. त्यानंतर पावसाने ओढ दिल्याने गतवर्षी दुष्काळी स्थिती होती. यंदाही अनेक भागांत पेरणीयोग्य पाऊस न झाल्याने पेरण्या रखडल्या आहेत. ज्या भागात पडलेल्या पावसाच्या भरवशावर पेरण्या उरकल्या त्या भागात पावसाने ओढ दिल्याने पिके संकटात आली आहेत. मराठवाड्यात यंदा खरिपाच्या सर्वसाधारण ४९ लाख ९६ हजार १८३ हेक्‍टर क्षेत्राच्या तुलनेत २४ लाख ३१ हजार हेक्‍टरवर पेरणी झाली आहे. एकूण क्षेत्राच्या  ४८.६६ टक्‍के क्षेत्रावर पेरणी उरकलेली आहे. असमान पाऊस आणि सुरवातीला पाऊस झालेल्या भागात आता पावसाने ओढ दिल्याने पेरलेली पिकं करपण्याच्या स्थितीत आहेत. बहुतांश भागात पेरणीयोग्य पाऊस झाला नसल्याने पेरणीच झाली नसल्याची स्थिती आहे. यंदा आतापर्यंत मराठवाड्यातील एकही जिल्ह्यात अपेक्षित प्रमाणात पाऊस झालेला नाही. औरंगाबाद जिल्ह्यात सरासरीच्या तुलनेत ७० टक्के पाऊस झाल्याचे दिसत असले तरी प्रत्यक्षात या जिल्ह्यातील पैठण तालुक्यातील बहुतांश भागात पेरणी नाही. औरंगाबाद व जालना वगळता उर्वरित जिल्ह्यांत सरासरीच्या तुलनेत ५६ टक्क्यांच्या आतच पाऊस झाला आहे. गतवर्षी १ ते १३ जुलै २०१८ दरम्यान चार जिल्ह्यांत सरासरीपेक्षा जास्त पाऊस झाला होता. उर्वरित जिल्ह्यात सरासरीच्या तुलनेत ६५ टक्क्यांपेक्षा जास्त पाऊस झाला होता. त्यामुळे तूर्त तरी पावसाबाबतीत मागील वर्ष बरं होतं असं म्हणण्याची वेळ मराठवाड्यातील शेतकऱ्यांवर आली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com