जिगाव प्रकल्प क्षेत्रात होणार पीकबदल

नागपूर : खारपाणपट्टयात समृद्धी आणण्यास पूरक ठरणारा जिगाव प्रकल्प फेब्रुवारी २०१९ पर्यंत पूर्ण करण्याचे उद्दिष्ट आहे. पाईपव्दारे सिंचन आणि पाणी देण्यासाठी संपूर्ण क्षेत्रात ठिबकचा वापर केला जाणार आहे. पीकबदल आराखडा त्यानुसार तयार करण्यात आला आहे. तो लवकरच केंद्र सरकारला पाठविला जाणार असल्याची माहिती सूत्रांनी दिली.

बुलडाणा जिल्ह्यात निर्माणाधीन असलेल्या जिगाव प्रकल्पावर पाईपव्दारे सिंचनाचा प्रयोग होईल. शिवारात पाईपव्दारे पाणी पोचल्यानंतर पिकाला पाणी देतेवेळी तुषार व ठिबकचा वापर शेतकऱ्यांनी करावा, असे अपेक्षित आहे. पारंपरिक पिकांना हवामान बदलाचा मोठा फटका बसत असल्याची बाबही केंद्र सरकारने गांभीर्याने घेतली आहे. त्यामुळे पाईपव्दारे सिंचन प्रस्तावित असलेल्या जिगाव प्रकल्पाच्या परिसरात पीक बदलही प्रस्तावित आहे. ३ जानेवारी १९९६ रोजी प्रशासकीय मान्यता, तर सुधारित मान्यता २० ऑक्‍टोंबर २००५ रोजी, व्दितीय सुधारित मान्यता २४ जून २००९ रोजी मिळाली.   

विदर्भ पाटबंधारे विकास मंडळाचे अमरावती विभागीय अभियंता रवींद्र लांडेकर, अमरावती विभागीय कृषी सहसंचालक सुभाष नागरे यांच्यात पीक बदलाबाबत बैठक झाली. कमी पाण्यात येणाऱ्या शेवगा, सीताफळ, ॲपल बोर अशा पिकांचा पर्याय शेतकऱ्यांना देण्यावर त्यात चर्चा झाली. तसा आराखडा तयार करण्यात आला. केंद्र सरकारने सोयाबीन क्षेत्र कमी करण्याचे निर्देश दिल्याची माहिती आहे.

असा आहे प्रकल्प...