agriculture news in marathi, crops become in trouble due to short rain, nagpur, maharashtra | Agrowon

नागपूर विभागात पावसाअभावी पिकांची वाढ खुंटली

टीम अॅग्रोवन
बुधवार, 17 जुलै 2019

नागपूर  ः निम्मा जुलै महिना संपत आला असतानाच अपेक्षित पाऊस न झाल्याने नागपूर विभागातील सहा जिल्ह्यांमध्ये सोयाबीन, कापसाची वाढ खुंटली आहे. यामुळे धान रोवणी कामांवरही परिणाम झाला असून, या स्थितीचा थेट परिणाम उत्पादनावर होणार आहे.

नागपूर  ः निम्मा जुलै महिना संपत आला असतानाच अपेक्षित पाऊस न झाल्याने नागपूर विभागातील सहा जिल्ह्यांमध्ये सोयाबीन, कापसाची वाढ खुंटली आहे. यामुळे धान रोवणी कामांवरही परिणाम झाला असून, या स्थितीचा थेट परिणाम उत्पादनावर होणार आहे.

कृषी विभागाकडील माहितीनुसार, गेल्या वर्षी ११ जुलैपर्यंत १२२.३ टक्‍के म्हणजेच ४०८.१ मिमी पावसाची नोंद झाली होती. या वर्षी ७३.६ टक्‍के म्हणजेच २४५.८ मिमी पाऊस विभागातील सहा जिल्ह्यांत बरसला. सर्वांत कमी १६६.९ मिमी पावसाची नोंद वर्धा जिल्ह्यात झाली आहे. या जिल्ह्यात पावसाची सरासरी २८५.५ मिमी असते. सरासरीपेक्षा कमी पाऊस या जिल्ह्यात झाला आहे. वर्धा जिल्ह्यात कपाशी, सोयाबीन तसेच संत्रा लागवड होते. नागपूर विभागात ७.६४ लाख हेक्‍टरवर म्हणजेच केवळ ३९.६३ टक्‍के क्षेत्रावरच खरिपाची पेरणी होऊ शकली. उर्वरित क्षेत्रावर अद्यापही पेरणी झाली नसल्याची माहिती आहे. कृषी विभागाने दिलेल्या माहितीनुसार, पावसाने आठवडाभरापासून दडी मारल्याने पिकांची वाढ खुंटली आहे.

फळपिकांची अवस्था बिकट
नागपूर, अमरावती विभागात अद्यापही पुरेसा पाऊस न झाल्याने फळ पिकांच्या अवस्थेत कोणताच बदल झालेला नाही. नागपूर विभागात सुमारे साडेतीन हजार हेक्‍टरवरील बागा पाण्याअभावी जळाल्या आहेत. अमरावती विभागातील पाच जिल्ह्यांत अपुरे पाणी आणि वाढत्या तापमानामुळे १२ हजार हेक्‍टरवरील फळबागांचे नुकसान झाले. या संपूर्ण क्षेत्रात आता नव्याने लागवड करावी लागणार आहे. सरकारने नागपूर जिल्ह्यातील संत्रा उत्पादकांसाठी हेक्‍टरी १८ हजार रुपयांच्या मदतीची घोषणा केली आहे. परंतु, त्यासंबंधीचे आदेश अद्यापही निघाले नसल्याने ही मदत केवळ घोषणाच ठरते की काय? अशी भीती फळबागधारकांच्या मनात आहे.  
 
...अशी आहे स्थिती
नागपूर ः जिल्ह्यात २,५०,०२० हेक्टर म्हणजेच ५१.१३ टक्‍के क्षेत्रावर पेरणी झाली. सुरवातीला पडलेल्या पावसाच्या आधारे शेतकऱ्यांनी पेरणी आटोपली. त्यानंतर मात्र सोयाबीनची वाढ खुंटल्याने शेतकऱ्यांसमोर दुबार पेरणीचे संकट निर्माण होण्याची भीती वर्तविली जात आहे. जिल्ह्यात सोयबीनचे क्षेत्र ४८,८२७ हेक्‍टर आहे. 
भंडारा ः जिल्ह्यात १०, ५८९ हेक्टरवर म्हणजेच ५.२० टक्के क्षेत्रावरच पेरणी झाली असून, ५० टक्‍के क्षेत्रावर धानाच्या रोपवाटिका टाकण्याचे काम झाले आहे. परंतु, पाण्याअभावी धान रोवणी रखडली आहे. 
चंद्रपूर ः जिल्ह्यात १२०२ हेक्‍टर क्षेत्रावर धान रोवणी झाली आहे. जिल्ह्यात एकूण १,७४, ९७६ हेक्‍टर म्हणजेच ३९.०४ टक्‍के क्षेत्रावर पेरणी झाली आहे.
गोंदिया ः जिल्ह्यात भात पिकाची ४४३९ हेक्‍टर क्षेत्रावर पेरणी झाली आहे. जिल्ह्यात एकूण ६१८७ हेक्टर म्हणजेच ३.३३ टक्के क्षेत्रावर पिकांची पेरणी झाली आहे. 
गडचिरोली ः जिल्ह्यात २०,४०२ हेक्‍टर म्हणजेच १२.१६ टक्‍के क्षेत्रावर पेरणी पूर्णत्वास गेली आहे. १३,६७२ हेक्‍टर क्षेत्रावर फेकीव भात, तर १७९ हेक्‍टर क्षेत्रावर भाताची रोवणी झाली आहे. 


इतर ताज्या घडामोडी
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...
न्हावी परिसरात मका पिकावर लष्करी अळीचा...न्हावी, जि. जळगाव ः न्हावीसह परिसरात मक्‍याची...
पोल्ट्री उद्योगाला हवा मदतीचा हातपुणे: बाजारभावातील नरमाईमुळे पोल्ट्री उद्योग...
हापूस निर्यातीसाठी निर्यातीसाठी पणन...रत्नागिरी ः निर्यातीत हापूसचा टक्का घसरत असून तो...
नीरा देवधर, गुंजवणीतून समन्यायी पाणीवाटपमुंबई ः नीरा देवघर व गुंजवणी धरणांचे कालवे...
तापमानवाढीचा धोका वेळीच ओळखावा लागेल:...औरंगाबाद: निसर्गाच्या दोलायमानतेत मानवी...
नगरमधील नऊ तालुक्यांत तेलबियांची पेरणीच...नगर ः तेलबियांची (गळीत धान्य) पेरणी वाढावी यासाठी...
सातारा जिल्ह्यात ५५ लाख क्विंटल...सातारा : जिल्ह्यात सध्या सुरू असलेल्या गाळपाची...
निर्यातबंदीमुळे कांदा फुगवटा;...पुणे: कांद्यावरील संपूर्ण निर्यातबंदी तातडीने...
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...
द्राक्षपट्ट्यासह आदिवासी भागात खुलली...नाशिक  : स्ट्रॉबेरी लागवडीसाठी महाबळेश्वरची...
सांगलीत हळदीच्या उत्पादनात घटसांगली : जिल्ह्यात ऑगस्ट महिन्यात आलेला महापूर...
चांद्यात फ्लॉवरच्या निकृष्ट...नगर : तेलंगण राज्यातील एका बियाणे कंपनीचे...
'थेट जनतेतून सरपंच निवडीचा निर्णय कायम...सोलापूर  ः राज्य सरकारने थेट जनतेतून सरपंच...
औरंगाबाद जिल्ह्यातील टंचाई...औरंगाबाद : जिल्ह्यातील संभाव्य पाणीटंचाईचे...
लातूर विभागातील दोन हजार हेक्टरवर फळबाग...नांदेड : कृषीच्या लातूर विभागांतर्गतच्या परभणी,...
अकोला बाजार समितीचे गरजूंना पाठबळअकोला ः कृषी उत्पन्न बाजार समितीच्या पुढाकाराने...
उशिराच्या गव्हाला वाढत्या तापमानाचा...जळगाव  ः खानदेशात गहू पिकाची स्थिती...