agriculture news in marathi, crops damages as Shirpur faces hailstorm, Dhule | Agrowon

शिरपूरला गारपिटीचा कहर; पिकांसह मालमत्तचे मोठे नुकसान

टीम अॅग्रोवन
गुरुवार, 19 मार्च 2020

शिरपूर, जि. धुळे : शहरासह ग्रामीण भागात मंगळवारी (ता. १७) सायंकाळी झालेली गारपीट, सोसाट्याचे वादळ आणि बिगरमोसमी पावसामुळे तालुक्‍यात प्रचंड नुकसान झाले. शेतात कापणीसाठी तयार असलेली रब्बी हंगामातील पिके भुईसपाट झाली. खळ्यात रचून ठेवलेला शेतीमाल वादळाने कचऱ्यासारखा उडवून नेला. अनेक घरांवरील पत्रे उडाले. मोठे वृक्ष, विजेचे खांब उन्मळून पडले असून, वीजपुरवठा ठप्प झाला. यामुळे तालुक्‍यात हाहाकार उडाला.

शिरपूर, जि. धुळे : शहरासह ग्रामीण भागात मंगळवारी (ता. १७) सायंकाळी झालेली गारपीट, सोसाट्याचे वादळ आणि बिगरमोसमी पावसामुळे तालुक्‍यात प्रचंड नुकसान झाले. शेतात कापणीसाठी तयार असलेली रब्बी हंगामातील पिके भुईसपाट झाली. खळ्यात रचून ठेवलेला शेतीमाल वादळाने कचऱ्यासारखा उडवून नेला. अनेक घरांवरील पत्रे उडाले. मोठे वृक्ष, विजेचे खांब उन्मळून पडले असून, वीजपुरवठा ठप्प झाला. यामुळे तालुक्‍यात हाहाकार उडाला.

शहरात मंगळवारी सायंकाळी साडेपाचला पावसाचे तुरळक थेंब पडू लागले. पाठोपाठ सोसाट्याचा वारा सुटला. वादळ सुरू झाल्याने सर्वांची एकच धावपळ उडाली. काही कळण्याच्या आतच गारपिटीला सुरुवात झाली. वादळाच्या वेगासोबत येऊन आदळणाऱ्या गारांचा तडाखा अनेकांना बसला. रस्त्यांवर गारांचा थर साचला. ऐन उन्हाळ्यात झालेली ही पहिलीच गारपीट ठरली.

शिरपूर बाजारपेठेत गोंधळ
शहराच्या मुख्य बाजारपेठेत गारपीट आणि वादळामुळे दुकानदार व ग्राहकांची दैना केली. वाऱ्याने दुकानांचे फलक, ट्यूबलाइट, उन्हापासून संरक्षणासाठी बांधलेली आच्छादने अलगद उडवून नेली. भाजीपाला, फळांच्या हातगाड्या उलटल्या.

पेट्रोलपंपाचे नुकसान
शहरातील पेट्रोलपंपाचे छत उडाल्याच्या घटना अनेक ठिकाणी घडल्या. शिरपूर बायपास रस्त्यावरील एसार कंपनीच्या पेट्रोलपंपावरील इंधन भरण्याचे यंत्रच वादळाने उडवून नेले. यात मोठे नुकसान झाले.

बाजार समितीला कोटींचा फटका
शिरपूर बाजार समितीमध्ये गारपीट व वादळामुळे कोट्यवधींचे नुकसान झाले. तेथे मोठ्या प्रमाणात गहू, दादर, मका आणि मिरच्यांची आवक सुरू आहे. विकत घेतलेला शेतमाल वाळविण्यासाठी परिसरात पसरला असताना अचानक वादळ व गारपीट झाली. त्यात शेतमाल उडण्यासह भिजून गेल्याने मोठे नुकसान झाले. वादळाचा जोर इतका होता, की बाजार समितीमधील मिरच्या उडून एक किलोमीटरवरील शंकर पांडू माळीनगरमध्ये जाऊन पडल्या. मिरचीचा धुरळा उडाल्याने तेथील रहिवाशी ठसका, खोकल्याने बेजार झाले. पाऊस सुरू झाल्यानंतर तेथील रस्त्यांवर मिरचीचा सडा पडला. मका उडून रस्त्यावर विखुरला.

एक बळी; आठ जखमी
वादळ आणि गारपिटीत एक ठार, तर आठ जण जखमी झाले. यातील पाच जणांची प्रकृती गंभीर असून, त्यांना धुळे येथील जिल्हा रुग्णालयात दाखल करण्यात आले.
शहरातील राजेंद्र धुडकू माळी (वय ४५, रा. कन्या शाळेजवळ, शिरपूर) यांच्या अंगावर शेड कोसळल्याने ते मृत्युमुखी पडले. वादळामुळे घरांचे पत्रे, झाडांच्या फांद्या अंगावर पडून आठ जण जखमी झाले. त्यातील प्रेम गणेश शर्मा (४७, रा. सावळदे), अमर वनवास्या पावरा (२ वर्षे), वनवास्या तारासिंह पावरा (३०, दोघे रा. प्रियदर्शिनी सूतगिरणी, तांडे), जितू थावऱ्या पावरा (५, रा. एसार पंपाजवळ, शिरपूर) व विकास संतोष सोनवणे (६३, रा. शिंगावे) यांना धुळे येथे हलविण्यात आले. लकडीबाई पावरा (३०, तापर, मध्य प्रदेश), रायसिंह पावरा (३०, रा. सूतगिरणी, तांडे) व बाज्या पावरा (३५, रा. सूतगिरणी, तांडे) यांच्यावर येथील उपजिल्हा रुग्णालयात उपचार सुरू आहेत. 

रब्बी पिके भुईसपाट
अर्धा तास झालेले वादळ आणि गारपिटीने तालुक्‍यातील बहुतांश शेतीचे प्रचंड नुकसान झाले. कापणीवर आलेला गहू भुईसपाट झाला. हरभऱ्याचे पीक नेस्तनाबूत झाले. केळी आणि पपईच्या बागा जमीनदोस्त झाल्या. खळ्यांमध्ये रचून ठेवलेला शेतमाल पालापाचोळ्यासारखा उडून गेला. तालुक्‍यात सर्वत्र पावसाने शेती व्यवसायाची अपरिमित हानी केल्याचे समजते.


इतर ताज्या घडामोडी
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...
नाशिकमध्ये वाटाण्याची आवक कमीच; दरात...नाशिक : येथील कृषी उत्पन्न बाजार समितीमध्ये...
नागपूर जिल्ह्यात पुराचा २९ हजार...नागपूर : पुरामुळे जिल्ह्यात २९ हजार २६२...
सोलापुरात पितृपंधरवड्यामुळे गवार,...सोलापूर ः पितृपंधरवड्यामुळे सोलापूर कृषि उत्पन्न...
डाळिंब फळपिकातील तेलकट डाग व्यवस्थापनसोलापूर, सांगली, नाशिक आणि नगर यासारख्या...
औरंगाबादमध्ये मूग, उडीद, ज्वारी,...औरंगाबाद : येथील कृषी उत्पन्न बाजार समितीमध्ये गत...
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...