Agriculture news in marathi Crops hit 10,000 hectares in Solapur district | Agrowon

सोलापूर जिल्ह्यात दहा हजार हेक्‍टरवर पिकांना फटका

टीम अॅग्रोवन
मंगळवार, 22 सप्टेंबर 2020

सोलापूर : जिल्ह्यात गेल्या तीन-चार दिवसांपासून सलग झालेल्या पावसामुळे शेतीला मोठा फटका बसला आहे. प्राथमिक अंदाजानुसार सुमारे १० हजार हेक्‍टरहून अधिक क्षेत्रावरील पिकांचे नुकसान झाले.

सोलापूर : जिल्ह्यात गेल्या तीन-चार दिवसांपासून सलग झालेल्या पावसामुळे शेतीला मोठा फटका बसला आहे. प्राथमिक अंदाजानुसार सुमारे १० हजार हेक्‍टरहून अधिक क्षेत्रावरील पिकांचे नुकसान झाले. तर, १५० हून अधिक जनावरे या पावसाची बळी ठरली आहेत. प्रामुख्याने पंढरपूर, माळशिरस, सांगोला, दक्षिण सोलापूर, बार्शी, मंगळवेढा या तालुक्‍यांना त्याची सर्वाधिक झळ बसली. पावसाचे पाणी घरात शिरल्याने लोकांचे स्थलांतर करणे, पाण्याच्या प्रवाहामुळे रस्ते बंद करण्याची वेळही या पावसाने आणली. आता या भागातील नुकसानीचे पंचनामे करुन तातडीने मदत देण्याची मागणी होते आहे. 

गेल्या काही दिवसांपासून पावसाने विश्रांती घेतली होती. पण, गेल्या आठवड्यात सलग तीन-चार दिवसांपासून रोजच पावसाने हजेरी लावली. त्याचा मोठा फटका जिल्ह्याला बसला. आधीच उजनी धरणामध्ये पाणी सोडल्याने पंढरपूर, दक्षिण सोलापूर तालुक्‍यातील काही गावांना त्याचा फटका बसला होता. त्यात पुन्हा पाऊस झाल्याने मोठी अडचण झाली. 

मंगळवेढा तालुक्‍यातील सिद्धेवाडी येथील माण नदीवरील पूल पाण्याखाली गेल्याने पंढरपूर, पुणे व अहमदनगर हे रस्ते बंद करण्यात आले आहेत. पंढरपूर तालुक्‍यातील भंडीशेगाव पूल पाण्याखाली गेल्याने पुणे व अकलूज रस्ता बंद आहे. उपरी येथील पूल पाण्याखाली गेल्याने सातारा व सोलापूर-सातारा हे दोन रस्ते बंद आहेत. माळशिरस तालुक्‍यातील सांगोला-अकलूज, सांगोला-पुणे व अकलूज-इंदापूर हे तीन रस्ते बंद करण्यात आले आहेत. सलगपणे झालेल्या जोरदार पावसामुळे महावितरणची अनेक उपकेंद्रेही बंद पडली. 

पंढरपुरातील पळशी, उपरी, कासेगाव भागात पावसाने अनेक भागातील द्राक्ष आणि डाळिंबाच्या बागात पाणी साठले. सांगोला तालुक्‍यातील महूद, वाकीशिवणे, गार्डीसह २० गावात पावसाने मोठा कहर केला. या भागात १८३ हेक्‍टर क्षेत्रावरील ऊस, डाळिंबाचे नुकसान झाले. माळशिरसमध्ये पिलीव, मळोली, वेळापूर, अकलूजसह १६ गावात पावसाने चांगलाच जोर लावला. या भागातील ८१० हेक्‍टररील ऊसासह अन्य पिकांचे नुकसान झाले. पंढरपूर तालुक्‍यातील १८ गावांना पावसाचा फटका बसला. साडेपाच हजार हेक्‍टरवरील पिकांचे नुकसान झाले. तसेच २७९ कुटुंबांचे स्थलांतर करण्यात आले. तर, ८० जनावरांचा मृत्यू झाला. त्याशिवाय सात पाझर तलावांचे नुकसानही झाले. 

ऊस, कांद्यालाही दणका 

बार्शी तालुक्‍यात ३०१ हेक्‍टरवरील पिकांना फटका बसला आहे. मंगळवेढा तालुक्‍यातील १७ गावांतील ३५० हेक्‍टर पिकांचे नुकसान झाले आहे. तर, दक्षिण सोलापुरातील ३५ गावातील पाच हजार हेक्‍टरवरील ऊस, कांद्यासह अन्य पिकांचे नुकसान झाल्याचा प्राथमिक अंदाज आहे. 

दिडशे जनावरे दगावली 

जिल्ह्यात शंभराहून अधिक गावांना पावसाचा फटका बसला. ऊस, डाळिंब, कांदा भाजीपाला पिकांचे नुकसान झाले. १५० हून अधिक जनावरे दगावली. ५० हून अधिक पाझर तलावांचे नुकसान झाले. जिल्ह्यातील प्रमुख १० मार्गावरील वाहतूक बंद पडली. ५५० लोकांचे स्थलांतर करावे लागले. 
 


इतर ताज्या घडामोडी
पुढील हंगामासाठी सोयाबीन बियाणे राखून...वाशीम : जिल्ह्यात ऑक्टोबर महिन्यात अवेळी पाऊस...
कांदा बियाण्याचे दर कडाडलेसातारा ः कांद्याचे दर आठ हजारापर्यंत पोचले आहे....
नगर जिल्ह्यात कांद्याच्या दरात घसरणनगर : आठ दिवसांपूर्वी वाढ झालेल्या कांद्याच्या...
हळद पीक लागवडीसाठी सहकार्य ः कुलगुरू डॉ...दापोली, जि. रत्नागिरी ः कोकणातील हवामान हळद...
केळीचे दर घसरल्याने शेतकरी अडचणीतनांदेड : चांगल्या पावसामुळे यंदा खरीप हंगाम बहरला...
शाहू कृषी महाविद्यालयाच्या...कोल्हापूर : सातव्या वेतन आयोगाच्या मागणीसाठी...
खर्चाच्या तुलनेत दिलेली मदत तोकडी ः...औरंगाबाद : महाआघाडी सरकारने राज्यातील अतिवृष्टी,...
परभणी कृषी विद्यापीठ कर्मचाऱ्यांचे...परभणी ः राज्यातील सर्व कृषी विद्यापीठातील अधिकारी...
पीक नुकसानप्रश्नी शेतकरी संघर्ष समितीचा...परभणी ः परतीच्या मॉन्सून पावसामुळे, धरणातील पाणी...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तुरीवरील शेंग पोखरणाऱ्या अळीचे एकात्मिक...तुरीवरील शेंग पोखरणाऱ्या अळीची अन्य पर्यायी नावे...
सांगलीत गूळ सरासरी ३६३३ रुपये...सांगली : येथील बाजार समितीत मंगळवारी (ता. २७)...
गिरणा, हतनूरमधून मिळणार रब्बीसाठी...जळगाव ः जिल्ह्यासाठी महत्त्वाच्या असलेल्या गिरणा...
खानदेशात कांदा लागवडीवर परिणाम होणारजळगाव ः खानदेशात उन्हाळ किंवा रब्बी हंगामातील...
उत्पादन घटल्याने झेंडूच्‍या फुलांनी...नाशिक : दसरा सणाच्या पार्श्वभूमीवर झेंडू फुलांना...
महाबीजच्या सौर ऊर्जाचलित गोदामाचे...अकोला ः महाराष्ट्र राज्य बियाणे महामंडळाद्वारे...
बॅलन्सशीट डोळ्यांसमोर ठेवून दिवाळी...माळेगाव, जि. पुणे ः माळेगाव कारखाना प्रशासनाने...
कृषी अधिकाऱ्यांनी मुख्यालय सोडू नये ः...अमरावती : मोर्शी तालुक्‍यात जून ते ऑगस्ट या...
नांदेडमधील शेतकऱ्यांचा अतिवृष्टीने...नांदेड : जिल्ह्यात यंदा सप्टेंबर महिन्यात...
नगरमध्ये कापसाची व्यापाऱ्यांकडून अल्प...नगर ः कापसाला पाच हजार आठशे पन्नास रुपयांचा हमीदर...